ཀྲུང་གོའི་བོད་ཀྱི་དྲ་བའི་འཕྲིན། སྤྱི་ཟླ11པའི་ཚེས6ཉིན། ཡུན་ནན་ཞིང་ཆེན་བདེ་ཆེན་བོད་རིགས་རང་སྐྱོང་ཁུལ་འཇོལ་རྫོང་དཔེ་སྟོན་སློབ་ཆུང་གིས་སློབ་གྲྭ་འཛུགས་ནས་ལོ་བརྒྱ་འཁོར་བའི་དགའ་སྟོན་རྟེན་འབྲེལ་གྱི་བྱེད་སྒོ་སྤེལ་བ། མི་གྲངས་སྟོང་ཚོར་ཟིན་པའི་སློབ་གྲྭའི་དགེ་སློབ་དང་། གྲོགས་མཆེད། ཁྱིམ་བདག་བཅས་མཉམ་དུ་འཛོམས་ནས།མ་ཡུམ་སློབ་གྲྭའི་སྐྱེས་སྐར་ལ་རྟེན་འབྲེལ་ཞུས་པ་རེད།ཕྱི་དྲོའི་ཆུ་ཚོད་10པའི་ཐོགདཔེ་སྟོན་སློབ་ཆུང་གི་ལོ་བརྒྱའི་སྐྱེས་སྐར་དུས་ཆེན་གྱི་དགའ་སྟོན་འཛད་སྒོ་དང་རིག་རྩལ་འཁྲབ་སྟོན་དེ་སྤོ་ལོ་རྩེད་ཐང་དུ་སྤེལ་བ་རེད། གླུ་གར་དང་སྙན་དབྱངས་ཀྱིས་ཁྱབ་པའི་སློབ་གྲྭའི་ར་བར། དགེ་སློབ་དང་གྲོགས་མཆེད་ཀུན་གྱིས་སློབ་གྲྭའི་ལོ་བརྒྱའི་ལོ་རྒྱུས་ལ་དྲན་གསོ་བྱས་པ་རེད།
འཇོལ་རྫོང་གི་དཔེ་སྟོན་སློབ་གྲྭས་ལོ་བརྒྱའི་རིང་སྤྱི་ཚོགས་ལ་ཕུལ་བྱུང་མི་སྣ་གང་མང་ཞིག་གསོ་སྐྱོང་བྱས་ཡོད། 1913ལོ་ནས་2013ལོའི་བར་དུ། སློབ་གྲྭ་དེས་ཐུན་མིན་གྱི་མི་རིག་སྙིང་སྟོབས་དང་། ལོ་རྒྱུས་ཀྱི་ཉམས་མྱོང་། མཆོག་གྱུར་གྱི་སློབ་གསོའི་གྲུབ་འབྲས་ལ་བརྟེན་ནས།འཇོལ་རྫོང་གི་སློབ་གསོའི་ལོ་རྒྱུས་ཐོག་བྱས་རྗེས་བླ་ན་མེད་པ་བཞག་ཡོད།ད་སྔར།དཔེ་སྟོན་སློབ་གྲྭ་ནི་འཇོལ་རྫོང་གི་འགྲོ་སྦྱོང་ལམ་ལུགས་ཀྱི་ཡོངས་རྫོགས་སློབ་ཆུང་ཞིག་ཡིན་ལ།དོ་དམ་བྱེད་ལུགས་བཙན་པ་དང་།སྤུས་ཀ་མཆོག་ཏུ་གྱུར་བ།ཁྱིམ་བདག་དང་སློབ་མས་བློ་འཁེལ་ཆོག་པའི་སློབ་སྦྱོང་གི་དགའ་ཚལ་ཞིག་ཡིན།སྔོན་བྱུང་ལོ་རྒྱུས་ཆུ་རྒྱུན་རིང་མོ་དང་འགྲོས་ནས།དཔེ་སྟོན་སློབ་ཆུང་གི་འབྱུང་འགྱུར་ནི་དེ་བས་ཀྱང་མཚར་སྡུག་འོད་སྟོང་འབར་བ་ཞིག་ཡོད་ངེས་ཡིན།  །