ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཨུ་རུ་སིའི་སྲིད་གཞུང་གསར་འགྱུར་ཅུའུ་ཡིས་ཚེས18ཉིན་འདོན་སྤྲོད་བྱས་པའི་གནས་ཚུལ་ལྟར་ན། ཨུ་རུ་སིའི་ཙུང་ལི་མེ་ཏི་བེ་ཅེ་ཧྥུའུ་ཡིས་བཀའ་རྒྱ་བཀོད་དེ། ཨུ་རུ་སིའི་སྲིད་གཞུང་གི་འབྲེལ་ཡོད་སྡེ་ཁག་གིས་བྱེད་ཐབས་སྤྱད་དེ་དཔལ་འབྱོར་འཕར་སྣོན་ལ་ཡར་སྐུལ་བྱེད་དགོས་པའི་རེ་བ་བཏོན།

    མེ་ཏི་བེ་ཅེ་ཧྥུའུ་ཡིས་བཀོད་པའི་སྲིད་གཞུང་བཀའ་རྒྱ་ལྟར་ན། ཨུ་རུ་སིའི་དཔལ་འབྱོར་འཕེལ་རྒྱས་པུའུ་དང་། ས་གནས་འཕེལ་རྒྱས་པུའུ། ནོར་སྲིད་པུའུ་བཅས་ཀྱིས་སྲིད་གཞུང་ལ་དངུལ་གཏོང་ཐེབས་རྩའི་འཁོར་རྒྱུག་ནང་རྐྱེན་བཅོས་བསྒྱུར་བྱེད་པའི་སྐོར་གྱི་གྲོས་གཞི་བཏོན་ཏེ། རྨང་གཞིའི་སྒྲིག་ཆས་ཀྱི་འཛུགས་སྐྲུན་ལས་གཞི་ཆེ་གྲས་ལ་མ་དངུལ་ཐོབ་པར་འགན་སྲུང་བྱེད་དགོས།    །