ས་དེའི་ཟླ་བཞི་བའི་ཚེས་ཉི་ཤུ་ཉིན་གྱི་ཕྱི་དྲོར་ཀྲུང་གུང་ཀྲུང་དབྱང་ཆབ་སྲིད་ཅུའུ་རྒྱུན་ཨུ་ལིས་ཁྲང་ཁྲོན་གྱིས་ཨོ་ཐེ་ཝ་རུ་ཁ་ན་ཏ་ཡི་ཕྱི་འབྲེལ་པུའུ་ཀྲང་པེ་ཨར་ཏིག་ལ་མཇལ་འཕྲད་གནང་།
 ལིས་ཁྲང་ཁྲོན་གྱིས་ཁ་ན་ཏ་སྲིད་གཞུང་གིས་སྣེ་ལེན་བཟང་བོ་དང་བཀོད་སྒྲིག་ཆ་ཚང་བྱས་པར་བཀའ་དྲིན་ཞུས་པ་དང་།པེ་ཨར་ཏིག་གིས་ཕྱི་འབྲེལ་པུའུ་ཀྲང་གི་འགན་ཁུར་བའི་ཚུན་ལ་རྒྱལ་ཁབ་གཉིས་ཀྱི་འབྲེལ་བ་འཕེལ་རྒྱས་སུ་གཏོང་བའི་ཐད་ལ་བྱས་རྗེས་ཆེན་པོ་བཞག་པར་གཟེངས་བསྟོད་གནང་ལ། ཁོང་གིས་གསུང་རྒྱུར།   ད་ལྟ་རྒྱལ་ཁབ་གཉིས་ཀྱི་མཐོ་རིམ་འགྲོ་འོང་ཇེ་མང་དུ་སོང་སྟེ།ཁྱབ་ཁོངས་སོ་སོའི་མཉམ་ལས་ལ་འཕེལ་རྒྱས་ཆེན་པོ་བྱུང་བ་ལས།ཀྲུང་གོ་དང་ཁ་ན་ཏ་ཡི་འབྲེལ་བའི་འཕེལ་རྒྱས་ཀྱི་གནས་བབ་བཟང་བོ་དང་སྦས་ཤུགས་ཆེན་པོ་ཡོད་པ་ཡོངས་སུ་མཚོན་པར་བྱས།ཀྲུང་གོ་དང་ཁ་ན་ཏ་གཉིས་ཨེ་ཤ་ཡ་དང་ཞི་བདེ་རྒྱ་མཚོ་ཆེན་མོ་ས་ཁུལ་གྱི་རྒྱལ་ཁབ་གལ་ཆེན་ཡིན་པའི་ཆ་ནས།འཛམ་གླིང་དང་ས་ཁུལ་གྱི་ཞི་བདེ་དང་བརྟན་འཇགས།འཕེལ་རྒྱས་བཅས་ཀྱི་ཐད་ལ་ཐུན་མོང་གི་ཁེ་ཕན་དང་མཉམ་ལས་ཀྱི་ཁྱབ་ཁོངས་ཡངས་པོ་ཡོད་ཟེར།ལིས་ཁྲང་ཁྲོང་གིས་བསྟན་དོན།ཀྲུང་གོས་ཁ་ན་ཏ་ཡི་འབྲེལ་བ་འཕེལ་རྒྱས་སུ་གཏོང་བར་མཐོང་ཆེན་བྱེད་ཀྱིན་ཡོད་ལ།ཁ་ན་ཏ་ཕྱོགས་དང་མཉམ་དུ་མུ་མཐུད་དུ་ཆབ་སྲིད་སྟེང་དུ་ཕན་ཚུན་ཡིད་ཆེས་ཇེ་ཟབ་ཏུ་བཏང་ནས།ཐོན་ཁུངས་དང་ནུས་ཁུངས།ལག་རྩལ་གསར་བ་བཅས་ཀྱི་ཁྱབ་ཁོངས་ཀྱི་མཉམ་ལས་ལ་ཤུགས་བསྐྱེད་དེ།ཧུར་ཐག་སྒོས་མི་ཚུལ་བརྗེ་རེས་ལ་སྔར་ལས་གྲུབ་འབྲས་འཐོབ་པར་སྐུལ་འདེད་གཏོང་དགོས་པ་དང་།ཀྲུང་གོ་དང་ཁ་ན་ཏའི་འབྲེལ་བ་མུ་མཐུད་དུ་འཕེལ་རྒྱས་དང་གཏིང་ཟབ་ཏུ་བཏང་ནས་རྒྱལ་ཁབ་གཉིས་ཀྱི་མི་དམངས་ལ་བདེ་སྐྱིད་བསྐྲུན་དགོས་ཞེས་གསུངས།ལིས་ཁྲང་ཁྲོང་གིས་ཀྲུང་གོས་ལོ་ལྔའི་འཆར་གཞི་བཅུ་གཉིས་པའི་འཆར་འགོད་ལག་བསྟར་བྱས་པའི་འབྲེལ་ཡོད་གནས་ཚུལ་ཡང་མཚམས་སྦྱོར་མཛད།  པེ་ཨར་ཏིག་གིས་ལིས་ཁྲང་ཁྲོང་འཚམས་འདྲིར་ཕེབས་པར་ལྷག་བསམ་འཁོལ་བའི་དགའ་བསུ་བྱས་པ་དང་།རྒྱལ་ཁབ་གཉིས་ཀྱི་འབྲེལ་བར་གདེང་འཇོག་བཟང་བོ་མཛད་ནས་ཀྲུང་གོ་གུང་ཁྲན་ཏང་གིས་སྲིད་ཏང་བར་གྱི་འབྲེལ་འདྲིས་སྤེལ་བར་གཟེངས་བསྟོད་བྱས།ཁོས་ཁ་ན་ཏ་དང་ཀྲུང་གོའི་མཉམ་ལས་ཀྱི་གནས་བབ་ལེགས་པོ་དེས་རྒྱལ་ཁབ་གཉིས་ཀྱི་མགོ་ཁྲིད་པས་ཕྱོགས་གཉིས་ཀྱི་འབྲེལ་བ་སྐུལ་འདེད་གཏོང་བའི་གཅིག་མཐུན་གྱི་ལྟ་ཚུལ་དང་རེ་འདུན་ཡོངས་སུ་མཚོན་པར་བྱས་ཡོད་ལ། རྒྱལ་ཁབ་གཉིས་ཀྱི་མི་དམངས་ཀྱི་རྩ་བའི་ཁེ་ཕན་དང་ཡང་མཐུན། ཁ་ན་ཏ་ཡིས་ཀྲུང་གོས་ལོ་ལྔའི་འཆར་གཞི་བཅུ་གཉིས་པའི་འཆར་འགོད་ལག་བསྟར་བྱས་པའི་འབྲེལ་ཡོད་གནས་ཚུལ་ལ་དོ་སྣང་བྱེད་ཀྱིན་ཡོད་ལ།འདིས་རྒྱལ་ཁབ་གཉིས་ཀྱི་མཉམ་ལས་ལ་ཤུགས་བསྐྱེད་པའི་ཐད་དུ་གོ་སྐབས་གསར་བ་སྐྲུན་ཐུབ་པར་འདོད།པེ་ཨར་ཏིག་གིས་བསྟན་དོན།ཁ་ན་ཏ་ཡིས་ཀྲུང་གོའི་བར་དང་ཁྱབ་ཁོངས་སོ་སོའི་མཉམ་ལས་ལ་ཤུགས་བསྐྱེད་འདོད་ཡོད་པ་དང་།ལྷག་པར་དུ་འབྱོར་ཚོང་དངོས་གཉེར་མཉམ་ལས་ཀྱི་གྲུབ་འབྲས་གསར་བས་རྒྱལ་ཁབ་གཉིས་ཀྱི་འབྲེལ་བར་འཕེལ་རྒྱས་ཀྱི་སྒུལ་ཤུགས་བསྩོལ་ཐུབ་ཟེར།མཇལ་འཕྲད་མཇུག་རྫོགས་རྗེས་ལིས་ཁྲང་ཁྲོན་དང་པེ་ཨར་ཏིག་གཉིས་མཉམ་དུ་རྒྱལ་ཁབ་གཉིས་ཀྱི་འབྲེལ་ཡོད་རིག་གནས་མཉམ་ལས་ཀྱི་གྲོས་ཡིག་སྟེང་མིང་ཐོ་འགོད་པའི་མཛད་སྒོར་ཞུགས།