རྒྱལ་ཕྱིའི་སྨྱན་བྱད་གསར་ལམ་ཁག་གིས་བསྒྲགས་པའི་གནས་ཚུལ་ལྟར་ན་ཨ་རིའི་གླུ་མ་སྐད་གྲགས་ཅན་ཧྭེ་ཐི་ཉི་ཤིག་སི་ཏོན་མདང་དགོང་སྐུ་གཤེགས་པར་བཤད་ནས་ཡོད་པ་རེད།ཁོ་མོ་དགུང་གྲངས་༤༨ལ་སོན་འདུག འདས་རྐྱེན་སྐོར་ལ་ཁ་གསལ་བའི་བསྒྲགས་ཚིག་ཅིག་མེད་ནའང་།གཟིམས་ཁྲི་མཐའ་ཅན་དུ་གྱུར་བའི་གནས་ཚུལ་ངོ་མ་ཡིན་པ་གསལ་ཐག་ཆོད་ནས་ཡོད་འདུགགླུ་མ་WhitneyHoustonནི་ཀེ་ལེ་མའེ་བྱ་དགའ་འཐོབ་མཁན་ཆེས་མང་བོའི་གྲས་དང་།ཨ་རིའི་R&Bགླུ་བ་རྩེ་གྲ་དང་།གློག་བརྙན་འཁྲབ་སྟོན་པ།དབྱངས་རྩོམ་མཁན།གློག་བརྙན་བཟོ་སྐྲུན་མཁན་སོགས་ཡིན་པ་མ་ཟད།གཟུགས་མཛེས་མའི་ལས་སྟེགས་སུའང་གོ་ས་མི་དམན་པ་ཞིག་བླངས་ནས་ཡོད་པ་རེད།  ཁོ་མོ་ནི་གོ་ལ་ཧྲིལ་བོའི་སྟེང་ཆེད་བསྒྲིགས་བརྙན་འཁོར་དུང་ཕྱུར་གཅིག་དང་བྱེ་བ་བརྒྱད་བྲིན་པའི་ཟིན་ཐོ་བསྐྲུན་མཁན་ཡིན་པ་དང་།ཅི་ཉི་སིའི་ཟིན་ཐོ་ལྟར་ན་ཁོ་མོ་ནི་བྱ་དགའ་༤༡༥དང་ཐེངས་༥༦༢ལ་མིང་བྱ་དགའི་མིང་འདོགས་མཛད་མྱོང་མཁན་གྱི་གླུ་བ་གཅིག་པུ་ཡིན་པར་བཤད།མོ་སྐུ་གཤེགས་པ་འདི་ཨ་རི་དང་སྒོས་སུ་འཛམ་གླིང་སྤྱི་ལ་མཚོན་ནས་བཤད་ན་རོལ་དབྱངས་དང་གླུ་གར་གྱི་ས་མིག་ལས་མེར་ཁའོ་རྫ་ཁྰ་ཞིན་སྐུ་གཤེགས་རྗེས་ཀྱི་ཧ་ཅང་ཉན་མི་བཟོད་པའི་དོན་བྱ་ཞིག་ཡིན་ནོ། །