ཀན་སུའུ་མངའ་ཁོངས་སུ་བོན་གྱི་དཔེ་རྙིང་ཁག་རྙེད་སོན་བྱུང་བ།

བདེ་ཆེན་མཚོ། མཚོ་སྔོན་པོ་དྲ་བ། 2011-12-21

ཀན་སུའུ་ཁོངས་སུ་བྱུང་བའི་གདོད་མའི་བོན་ཆོས་ཀྱི་བསྟན་བཅོས་དག
ཉེ་སྔོན།ཀན་སུའུ་ཞིང་ཆེན་གྱི་ཏཱང་ཁྲེང་རྫོང་དུ་གནའི་ཆཱང་རིགས་ཀྱི་ཆོས་ཀྱི་བསྟན་བཅོས་མང་དུ་བྱུང་ཞིང་།དེའི་ནང་དོན་གཙོ་བོ་ནི་ཐང་རྒྱལ་རབས་དུས་མཇུག་གི་བོན་པོའི་ཆོས་ལུགས་ཡིན་པ་དང་།ཡིག་གཟུགས་ནི་སྔ་མའི་སྨར་ཡིག་ནས་ཡིག་རྙིང་གི་གཟུགས་སུ་བཀོད་འདུགརྒྱུས་ལོན་བྱུང་བ་ལྟར་ན་ཏཱང་ཁྲེང་རྫོང་སྲིད་གཞུང་གིས་ཚན་རིག་ཞིབ་འཇུག་ལས་ཁུངས་དང་མཉམ་འབྲེལ་བྱས་ནས་རྟོག་ཞིབ་ཐེངས་བཞི་ལ་བྱས་པ་རེད།ཁོང་ཚོས་འཚོལ་སྡུད་བྱས་པར་བརྒྱུད་ནས་ཡུལ་དེ་གའི་སྡེ་དམངས་ཀྱི་ཁྱིམ་དུ་བོན་ཆོས་ཀྱི་བསྟན་བཅོས12རྙེད་པ་དང་།དེ་དག་ནི་མིང་རྒྱལ་རབས་ཀྱི་སྐབས་སུ་ཐང་རྒྱལ་རབས་སྐབས་ཀྱི་བོན་ཆོས་བཤུ་འབྲི་བྱས་པའི་ཡན་ལག་བསྟན་བཅོས་ཤིག་ཡིན་པ་རེད།ཁོང་ཚོས་རྟོག་ཞིབ་བྱས་པ་ལྟར་ན་ད་ལྟ་ཏཱང་ཁྲེང་རྫོང་དུ་འཚོ་སྡོད་བྱས་ཡོད་པའི་བོད་རིགས་རྣམས་ནི་དུས་རབས་ལྔ་བ་ནས་དུས་རབས་དྲུག་པའི་བར་དུ་ཏཱང་ཁྲེང་རྒྱལ་ཁབ་བཙུགས་པའི་གནའི་ཆཱང་རིགས་ཀྱི་རྒྱུད་པ་ཡིན་པར་བཤད་ཅིང་། དེར་མ་ཟད་ཏཱང་ཁྲེང་རྫོང་ས་གནས་རྣམ་བཤད་གཞུང་ལས་ཁང་གི་ཀྲུའུ་རིན་ཡཱང་ཧེ་ཧྥན་གྱིས་ཏཱང་ཁྲེང་བོན་བསྟན་དང་བོད་ཀྱི་བོན་བསྟན་གཉིས་ཐ་དད་དུ་འཛིན་པ་སྟེ།བོད་ཀྱི་བོན་བསྟན་གྱིས་མི་ལ་མཆོད་པ་དང་།ཏཱང་ཁྲེང་བོད་བསྟན་གྱིས་བྱའི་རིགས་ལ་མཆོད་པ་ཡིན་ལ།ཕྱི་མ་དེ་ནི་རྡོ་ཆས་སྤྱོད་པའི་དུས་རབས་གསར་པའི་དུས་ནས་བྱུང་ཞིང་བོད་ཀྱི་བོན་བསྟན་ལས་དུས་སྔ་བས་བོན་བསྟན་དེ་ཐོག་མ་ཏཱང་ཁྲེང་ནས་བྱུང་བ་ཡིན་པར་འདོད་མོད་ཀྱང་།རིག་གཞུང་ཞིབ་འཇུག་གི་ཁོངས་སུ་གཅིག་མཐུན་གྱི་བཞེད་པ་ལྟར་ན་བོན་ཆོས་ནི་བོད་ཁམས་ནས་བྱུང་ཞིང་རྗེས་སོར་ཧཱན་ནུབ་མའི་སྐབས་སུ་ཀྲུང་གོའི་རྒྱལ་ཁབ་ཡོངས་སུ་ཁྱབ་བརྡལ་དུ་སོང་བ་ཡིན་ལ།ཏཱང་ཁྲེང་རྫོང་དུ་རྙེད་པའི་བོན་གྱི་བསྟན་བཅོས་དེ་དག་ནི་གདོད་མའི་བོན་ཆོས་ཏེ་གཡུང་དྲུང་བོན་མ་བྱུང་བའི་སྔོན་གྱི་སྲིད་པ་རྒྱུད་ཀྱི་བོན་བསྟན་གྱི་ཆོས་གཞུང་དག་ཡིན་པར་བཤད།

ཀན་སུའུ་མངའ་ཁོངས་སུ་བོན་གྱི་དཔེ་རྙིང་ཁག་རྙེད་སོན་བྱུང་བ།

དོ་སྣང་ཆེ་བའི་རྩོམ།

རྩོམ་གསར། 10

དོ་སྣང་ཆེ་བའི་རྩོམ། 10