བལ་བོའི་ཤར་ཕྱོགས་ཀྱི་སུན་སཱ་ལི་རྫོང་ནས་ཚེས་བཅུ་ཉིན་འགྲིམ་འགྲུལ་དོན་རྐྱེན་ཚབས་ཆེན་ཞིག་བྱུང་།འདྲུད་འཐེན་འཁོར་ལོ་ཞིག་ཆུ་རྐའི་ནང་ལྷུང་སྟེ།ཉུང་མཐར་ཡང་མི་བཅོ་བརྒྱད་རྐྱེན་ལམ་དུ་ཤོར་བ་དང་མི་བཅུ་ལ་རྨས་ཕོག་ཟེར།ཉེན་རྟོག་ཕྱོགས་ཀྱིས་བཤད་རྒྱུར།ཉིན་དེའི་ཞོགས་པར་སྡེ་མི་གང་དྲུད་པའི་འདྲུད་འཐེན་འཁོར་ལོ་ཞིག་ལམ་དུ་བགྲོད་སྐབས་གློ་བུར་དུ་ཁ་ལོ་བྱེད་ཐབས་བྲལ་ནས།ལམ་འགྲམ་གྱི་ཆུ་རྐའི་ནང་ལོག་པ་རེད་ཟེར།ཉེན་རྟོག་ཕྱོགས་ཀྱིས་དབྱེ་ཞིབ་བྱས་པ་ལྟར་ན།འདྲུད་འཐེན་འཁོར་ལོ་ལ་ཆག་སྐྱོན་བྱུང་ཡོད་པ་ནི་ཐེངས་འདིའི་འགྲིམ་འགྲུལ་དོན་རྐྱེན་གྱི་འབྱུང་རྐྱེན་གཙོ་བོ་ཡིན་པར་བསམ།ཉེན་རྟོག་ཕྱོགས་ཀྱིས་དོན་རྐྱེན་བྱུང་ས་དེ་བཀག་སྡོམ་བྱས་ཏེ་དོན་རྐྱེན་དེའི་འབྱུང་རྐྱེན་ལ་རྟོག་ཞིབ་བྱེད་བཞིན་ཡོད།