ལི་པུ་ཡཱའི་རྒྱལ་ཡོངས་བར་བརྒལ་ཨུ་ཡོན་ལྷན་ཁང་གི་དཔོན་རིགས་ཤིག་གིས་ཚེས་ཉེར་དྲུག་ཉིན་བཤད་རྒྱུར། ཨུ་ཡོན་ལྷན་ཁང་དེའི་སྔོན་ཆད་ཀྱི་དམག་དོན་བཀོད་འདོམས་དཔོན་པོ་ཡུག་ནེ་སི་ལྐོག་གསོད་ཐེབས་པའི་དོན་རྐྱེན་ལ་སྔར་བཞིན་རྟོག་ཞིབ་བྱེད་ཀྱིན་ཡོད་ཟེར།པན་ཅཱ་ཞིའི་ཁྲིམས་འཛིན་ལས་དོན་གྱི་འགན་འཁུར་བ་ནོའུ་ཨར་གྱིས་ཏི་ལེ་པོ་ལི་ནས་གསར་འགྱུར་ལས་རིགས་ལ་བཤད་རྒྱུར། རྟོག་ཞིབ་ལས་ཁུངས་ཀྱིས་དོགས་ཡོད་ཉེས་ཅན་འགའ་བཀག་སྐྱིལ་བྱས་པ་དང་། མིག་སྔར་ཡུག་ནེ་སི་ཡི་ཤི་རྐྱེན་སྐོར་གྱི་འགྲོ་ལུགས་མང་ཤས་མཇུག་སྒྲིལ་ཡོད་ཟེར།ལི་པུ་ཡཱའི་རྒྱལ་ཡོངས་བར་བརྒལ་ཨུ་ཡོན་ལྷན་ཁང་གི་དམག་དོན་བཀོད་འདོམས་དཔོན་པོ་ཡུག་ནེ་སི་ཟླ་བདུན་པའི་ཚེས་ཉེར་བརྒྱད་ཉིན་པན་ཅཱ་ཞི་ནས་ལྐོག་གསོད་ཐེབས། རྒྱལ་ཡོངས་བར་བརྒལ་ཨུ་ཡོན་ལྷན་ཁང་གིས་ཉིན་དེར་ཡུག་ནེ་སི་ལྐོག་གསོད་བྱས་པའི་གནས་ཚུལ་ཁྱབ་སྒྲོག་བྱས་པ་དང་། དེའི་ཕྱི་ཉིན་རྟོག་ཞིབ་ཨུ་ཡོན་ལྷན་ཁང་བཙུགས་ཏེ་ཡུག་ནེ་སི་ཡི་ཤི་རྐྱེན་ལ་རྟོག་ཞིབ་བྱེད་རྒྱུ་ཡིན་ཟེར།