ཨ་མེ་རི་ཁའི་ཙུང་ཐུང་ཨོ་པཱ་མཱ་ཡིས་ཚེས་བཅུ་གཅིག་ཉིན་བསྟན་དོན། དགུ་བའི་བཅུ་གཅིག་ཉིན་གྱི་འཇིགས་སྐུལ་འཇབ་རྒོལ་དོན་རྐྱེན་བྱུང་བའི་ཚུན་ལ། ཨ་མེ་རི་ཁ་རྒྱལ་ཁབ་ཀྱིས་ཉེ་བའི་ལོ་བཅུའི་ནང་དུ་འཇིགས་སྐུལ་ངོ་རྒོལ་བྱེད་པའི་འཐབ་འཁྲུག་ཁྲོད་འགྲོ་སོང་ཆེན་པོ་བཏང་།ཨོ་པཱ་མཱ་ཡིས་ཉིན་དེར་ཝ་ཧྲིན་ཏོན་གྱི་ཁུན་ནེ་ཏིས་སྒྱུ་རྩལ་ལྟེ་གནས་ནས་བསྡུས་པའི་དགུ་བའི་བཅུ་གཅིག་ཉིན་གྱི་འཇིགས་སྐུལ་དོན་རྐྱེན་ལ་རྗེས་དྲན་བྱེད་པའི་རོལ་དབྱངས་གྲོས་ཚོགས་སྟེང་གཏམ་བཤད་སྤེལ་ཏེ། དགུ་བའི་བཅུ་གཅིག་ཉིན་གྱི་དོན་རྐྱེན་བྱུང་བའི་ཚུན་ལ། ཨ་མེ་རི་ཁའི་མིའི་འཚོ་བར་འགྱུར་ལྡོག་ཆེན་པོ་བྱུང་བ་དང་། རྒྱལ་ཁབ་འཐབ་འཁྲུག་གི་གནས་སུ་ལྷུང་། དཔལ་འབྱོར་ཉམས་རྒུད་དུ་སོང་། འཇིགས་སྐུལ་ལ་ངོ་རྒོལ་བྱེད་པའི་འཐབ་འཁྲུག་ཁྲོད་ཨ་མེ་རི་ཁའི་དམག་མིའི་ཚེ་སྲོག་ཤོར་བ་རེད།ཚེས་བཅུ་གཅིག་ཉིན་ནི་དགུ་བའི་བཅུ་གཅིག་ཉིན་གྱི་འཇིགས་སྐུལ་འཇབ་རྒོལ་དོན་རྐྱེན་བྱུང་བར་རྗེས་དྲན་བྱེད་པའི་ཉིན་མོ་ཡིན་ཞིང་། ཉིག་ཡོ་དང་ཝ་ཧྲིན་ཏོན། པེན་ཞི་ཧྥ་ནེ་ཡཱ་ཀྲིག་ཧྲང་ཁི་སི་ཝེ་ཨར་སོགས་ས་ཆ་ནས་རྗེས་དྲན་བྱ་འགུལ་གང་མང་སྤེལ། ཝ་ཧྲིན་ཏོན་གྱི་ཁུན་ནེ་ཡཱའི་སྒྱུ་རྩལ་ལྟེ་གནས་ནས་བསྡུས་པའི་རོལ་དབྱངས་ཚོགས་འདུ་ལས་གཞན། ཨོ་པཱ་མཱ་ཉིན་དེར་ད་རུང་ཉིག་ཡོ་དང་ཧྲང་ཁི་སི་ཝེ་ཨར་གྱི་རྗེས་དྲན་བྱ་འགུལ་ལ་ཞུགས་པར་མ་ཟད། ཝ་ཧྲིན་ཏོན་དུ་སླེབས་རྗེས་ཟུར་ལྔའི་ཐོག་ཁང་ཆེན་མོའི་རྗེས་དྲན་ར་བར་སོང་སྟེ་ཤི་བོར་མེ་ཏོག་གི་ཕྲེང་བ་ཕུལ།