ཀེ་ནེ་ཡཱ་པུ་སོ་བྱང་ཕྱོགས་ཀྱི་མན་ཏེན་ཀི་རིགས་དང་པཱ་ལན་ཐི་རིགས་རྒྱུད་གཉིས་བར་ཚེས་གཉིས་ཉིན་གྱི་དགོང་མོ་ནས་ཚེས་གསུམ་ཉིན་གྱི་སྔ་དྲོའི་བར་ཁྲག་བཞུར་འཁྲུག་རྩོད་བྱུང་སྟེ། བསྡོམས་པས་མི་ལྔ་རྐྱེན་ལམ་དུ་ཤོར་བ་དང་མི་བདུན་ལ་རྨས་ལྗིད་མོ་ཕོག་ཟེར།ཀེ་ནེ་ཡཱ་པུ་སོ་ཡི་ཉེན་རྟོག་སྤྱི་ཁྱབ་ཅུའུ་ཡི་ཅུའུ་ཀྲང་ནེ་ཧཱ་ཅཱ་ཡིས་མཚམས་སྦྱོར་བྱས་དོན། རིགས་རྒྱུད་གཉིས་བར་གྱི་ཁྲག་བཞུར་འཁྲུག་རྩོད་ནི་འབྲས་ཞིང་ཞིག་གི་བདག་དབང་འཕྲོག་རྩོད་བྱས་པ་ལས་བྱུང་བ་རེད་ཟེར། ཁོས་བཤད་རྒྱུར། ལོ་མང་བོའི་རིང་ལ། སྡེ་བ་གཉིས་ཀྱིས་རང་ལ་ཀུང་ཆིང་འགའ་ཡོད་པའི་འབྲས་ཞིང་དེའི་བདག་དབང་ཡོད་པར་བཤད་པ་དང་། ན་ནིང་ཚོ་ཁག་གཉིས་ཀྱི་འཁྲུག་རྩོད་ཁྲོད་མི་གཅིག་རྐྱེན་ལམ་དུ་ཤོར་བ་རེད། སྡེ་བ་གཉིས་ཀྱི་སྡེ་དམངས་ཀྱིས་འཁྲུག་རྩོད་བྱེད་སྐབས་མེ་མདའ་སོགས་བཀོལ་སྤྱོད་བྱས་ཟེར།ཁོས་བཤད་རྒྱུར། ཀེ་ནེ་ཡཱ་པུ་སོ་ཡི་དམག་མི་བརྒྱ་ཕྲག་འགའ་ས་ཁུལ་དེར་བཅའ་སྡོད་བྱས་རྗེས་འཁྲུག་རྩོད་མཇུག་སྒྲིལ་བ་རེད་ཟེར།