ཨ་མེ་རི་ཁའི་ཙུང་ཐུང་ཨོ་པཱ་མཱ་ཡིས་ཚེས་ལྔ་ཉིན་ཡང་བསྐྱར་རྩ་འཛུགས་བྱས་པའི་ཨ་ཧྥུའུ་ཧན་དུ་སྡོད་པའི་དཔོན་པོ་གཙོ་བོར་ཐུག་འཕྲད་བྱས་ཏེ། དུས་རིམ་རྗེས་མའི་ཨ་ཧྥུའུ་ཧན་གྱི་འཐབ་ཇུས་ལག་བསྟར་བྱེད་པར་གྲོས་བསྡུར་བྱས།
 ཕོ་བྲང་དཀར་པོའི་གསལ་སྒྲོག་ཅིག་ལས་བཤད་རྒྱུར། ཨོ་པཱ་མཱ་ཡིས་ཉིན་དེར་གསར་དུ་བསྐོ་འཇོག་བྱས་པའི་ཨ་ཧྥུའུ་ཧན་དུ་སྡོད་པའི་ཨ་མེ་རི་ཁའི་གཞུང་ཚབ་ཆེན་མོ་ཁི་ལོ་ཁི་དང་། ཁོས་མིང་བཏོན་པའི་ཨ་ཧྥུའུ་ཧན་དུ་སྡོད་པའི་ཨ་མེ་རི་ཁའི་དམག་དཔུང་གི་སི་ལིན་ཨེ་ལོན་ལ་ཐུག་འཕྲད་བྱས། ཨེ་ལོན་གྱི་མིང་འདོན་ལ་ཨ་མེ་རི་ཁའི་རྒྱལ་ཚོགས་གྲོས་ཞུགས་ཁང་གིས་ཆོག་མཆན་འགོད་དགོས། གྲོས་ཚོགས་ལ་ཞུགས་མཁན་ལ་ད་རུང་ཙུང་ཐུང་གཞོན་པ་པེད་ཏིན་དང་། རྒྱལ་སྲུང་པུའུ་ཀྲང་ཕཱ་ནེ་ཐཱ། ཙུང་ཐུང་རྒྱལ་ཁབ་བདེ་འཇགས་ལས་དོན་གྱི་ལས་རོགས་པ་ཏའོ་ནེ་ལུང་། ཨ་མེ་རི་ཁའི་དམག་དཔུང་གི་ཚན་མུའུ་ཀྲང་མཉམ་ཞུགས་གྲོས་ཚོགས་ཀྱི་ཀྲུའུ་ཞི་མཱ་ལོན་སོགས་ཡོད།
 གསལ་སྒྲོག་ལས་ཨོ་པཱ་མཱ་ཡིས་ཚོགས་ཐོག་ནས་བདེ་འཇགས་ཚོགས་ཁག་དེ་དང་མཉམ་དུ་དུས་རིམ་རྗེས་མའི་ཨ་ཧྥུའུ་ཝན་གྱི་འཐབ་ཇུས་ལག་བསྟར་བྱེད་པར་གྲོས་བསྡུར་བྱས། དེའི་ནང་ཨ་མེ་རི་ཁ་དང་བྱང་ཆིངས་དམག་དཔུང་གིས་ཨ་ཧྥུའུ་ཧན་གྱི་ཐཱ་ལེ་པན་དྲག་ཆས་ཉེས་ཅན་ལ་ཆམ་ཕབ་གཏོང་བའི་ཐད་ནས་བླངས་པའི་གྲུབ་འབྲས་སྲ་བརྟན་དུ་གཏོང་བ་དང་། ཨ་ཧྥུའུ་ཧན་གྱི་བདེ་འཇགས་དམག་དཔུང་ལ་གསོ་སྦྱོང་བྱེད་པ། ཨ་ཧྥུའུ་ཧན་དུ་སྡོད་པའི་ཨ་མེ་རི་ཁའི་དམག་མིའི་ཁ་གྲངས། ཨ་ཧྥུའུ་ཧན་སྲིད་གཞུང་ལ་བདེ་འཇགས་འགན་འཁྲི་བརྒྱུད་སྤྲོད་བྱེད་པ་སོགས་འདུས་ཡོད།