པཱ་ལིན་རྒྱལ་ཁབ་ཀྱི་རྒྱལ་བོ་ཧཱ་མཱ་ཏི་ཡིས་གྲོས་མགོ་བཏོན་པ་དང་། སྤྱི་ཚོགས་རིམ་པ་སོ་སོའི་འགལ་བ་མེད་པར་གཏོང་བར་དམིགས་པའི་པཱ་ལིན་རྒྱལ་ཡོངས་ཀྱི་གྲོས་མོལ་གྲོས་ཚོགས་ཚེས་གཉིས་ཉིན་མགོ་བརྩམས། པཱ་ལིན་གྱི་སྲིད་ཏང་སོ་སོ་དང་སྤྱི་ཚོགས་ཚོགས་ཁག གསར་འགྱུར་ལས་རིགས་བཅས་ཀྱི་འཐུས་མི་སུམ་བརྒྱ་ལྷག་གིས་པཱ་ལིན་གྱི་ཆབ་སྲིད་དང་དཔལ་འབྱོར། སྤྱི་ཚོགས། ཁྲིམས་འཛུགས་སོགས་གྲོས་གཞིའི་ཐད་ནས་རང་རང་གི་རེ་བ་རྒྱས་བཤད་བྱས་པ་དང་བཅོས་བསྒྱུར་གྱི་འདོད་བློ་བཏོན།
 གྲོས་ཚོགས་ཀྱི་མགྲིན་ཚབ་པ་ལཱ་ཧི་མན་གྱིས་བཤད་རྒྱུར། གྲོས་མོལ་ལ་དུས་ཚོད་ཀྱི་ཚད་བཀག་མེད་པ་དང་། གཟའ་འཁོར་རེར་གྲོས་ཚོགས་ཐེངས་གསུམ་རེ་བསྡུས་ཏེ། ཕྱོགས་སོ་སོས་ལྟ་ཚུལ་གཅིག་མཐུན་འབྱུང་རག་བར་སྤེལ་ཆོག་ཟེར།
 ཁོས་བཤད་རྒྱུར། གྲོས་མོལ་དེ་གྲོས་ཁང་དང་། ནེ་ཀི། འདེམ་བསྐོ། རུལ་སུངས་ལ་ངོ་རྒོལ། ཟླ་ཕོགས་ཇེ་མཐོར་གཏོང་བ། སྡོད་ཁང་གི་ཆ་རྐྱེན་ལེགས་བཅོས་བྱེད་པ་སོགས་གྲོས་གཞི་ལ་འབྲེལ་བ་ཡོད། ཕྱོགས་སོ་སོའི་འཐུས་མིས་བཀོད་པའི་གྲོས་མཐུན་དེ་རྒྱལ་ཚོགས་ལ་སྤྲད་དེ་ཆོག་མཆན་འགོད་དུ་བཅུག་རྗེས་བཅའ་ཁྲིམས་སུ་གཏན་འཁེལ་བྱས་ཏེ་ལག་བསྟར་བྱེད་རྒྱུ་ཡིན་ཟེར།