ཨུ་རུ་སུའི་རྒྱལ་ས་མའོ་སི་ཁོ་གྲོང་ཁྱེར་ལྟེ་གནས་ཀྱི་བརྩེགས་རིམ་གསུམ་ཅན་གྱི་ཐོག་ཁང་རྙིང་བ་ཞིག་ལ་ཚེས་བཅུ་བདུན་ཉིན་གྱི་ཞོགས་པར་མེ་སྐྱོན་བྱུང་སྟེ། མི་བདུན་རྐྱེན་ལམ་དུ་ཤོར།
 ཨུ་རུ་སུའི་འཕྲལ་སྒྲུབ་གནས་ཚུལ་པུའུ་ཡི་མའོ་སི་ཁོ་སྤྱི་ཁྱབ་ཅུའུ་གསར་འགྱུར་ཁྲུའུ་ཡི་འགན་ཁུར་བ་པོ་པེ་ལེ་ཧྥུའུ་ཡིས་གསར་འགྱུར་ལས་རིགས་ལ་བཤད་རྒྱུར། མེ་སྐྱོན་དེ་ཐོག་ཁང་གི་ཁེར་ཐོག་དང་ཉིས་ཐོག་ནས་བྱུང་བ་དང་། ཁང་བའི་བདག་པོ་ནི་རང་བཙན་མཉམ་འབྲེལ་རྒྱལ་ཁབ་ཀྱི་ངལ་རྩོལ་པ་རེད། མི་བདུན་མེ་སྐྱོན་ཁྲོད་དུག་རླངས་ཕོག་ནས་ཤི་བ་དང་། གཞན་མི་བཞི་ལ་རྨས་ཕོག་ཟེར།
 རྟོག་ཞིབ་རགས་ཙམ་བྱས་པ་ལྟར་ན། གློག་ཆས་བཀོལ་སྤྱོད་ལུགས་མཐུན་མིན་པ་ནི་མེ་སྐྱོན་འབྱུང་བའི་རྒྱུ་རྐྱེན་ཡིན་པ་རེད། ད་ལོའི་ལོ་མགོར་སྤེལ་བའི་རྒྱུན་ལྡན་གྱི་ཞིབ་བཤེར་ཁྲོད་ཐོག་ཁང་དེར་དོ་དམ་བྱེད་པའི་ཀུང་ཟི་ལ་མེ་འགོག་བྱེད་ཐབས་མི་ལེགས་པས་ཆད་པ་བཅད་མྱོང་།