ཚེས་བཅུ་བཞི་ཉིན་བསྒྲགས་པའི་གནས་ཚུལ་ལྟར་ན། ཐཱ་ཐཱ་ཝེ་ནཱ་ཞིང་ཆེན་དུ་བཀོད་སྒྲིག་བྱས་ཡོད་པའི་ཐུ་ནི་ཞི་ཡཱའི་སྲིད་གཞུང་དམག་དཔུང་གིས་ཚེས་བཅུ་བཞི་ཉིན་གྱི་ཞོགས་པར་ལི་པུ་ཡཱའི་སྲིད་གཞུང་དམག་དཔུང་རང་གི་མངའ་ཁོངས་སུ་ཡོང་རྩིས་བྱས་པར་བཀག་འགོག་བྱས།
 ཐུ་ནི་ཞི་ཡཱའི་སྲིད་གཞུང་དམག་དཔུང་གི་མཐོ་རིམ་མི་སྣ་ཞིག་གིས་གསར་འགོད་པར་བཤད་རྒྱུར། རླངས་འཁོར་ཆུང་བ་ལྔ་བཅུར་བསྡད་ཡོད་པའི་ལི་པུ་ཡཱ་སྲིད་གཞུང་གི་དམག་མི་ཉིས་བརྒྱ་ཙམ་ཁཱ་ཨར་ཨ་ཡུས་ཉེ་འདབས་ནས་ཐུ་ནི་ཞི་ཡཱའི་མངའ་ཁོངས་སུ་ཡོང་རྩིས་བྱས་ཟེར། མཐོ་རིམ་མི་སྣ་དེས་དབྱེ་ཞིབ་བྱས་ཏེ་བཤད་རྒྱུར། ལི་པུ་ཡཱའི་སྲིད་གཞུང་དམག་དཔུང་གིས་ཐུ་ནི་ཞི་ཡཱའི་མངའ་ཁོངས་བརྒྱུད་དེ་རྒྱབ་ཕྱོགས་ནས་ཝ་ཅིན་ཏའེ་ཞེ་པེད་སྐམ་སའི་རྒྱུ་ལམ་ཉེ་འདབས་བཙན་བཟུང་བྱས་པའི་ལི་པུ་ཡཱའི་ངོ་རྒོལ་ཕྱོགས་ཁག་གི་དྲག་ཆས་པར་འཇབ་རྒོལ་བྱེད་འདོད་པ་རེད་ཟེར།