ཨ་མེ་རི་ཁའི་ཕོ་བྲང་དཀར་པོའི་མགྲིན་ཚབ་པ་ཁཱ་ནེ་ཡིས་ཚེས་བཞི་ཉིན་ཁྱབ་སྒྲོག་བྱས་དོན། ཙུང་ཐུང་ཨོ་པཱ་མཱ་ཡིས་རྟེན་གཞི་རྩ་འཛུགས་ཀྱི་མགོ་བ་པིན་ལཱ་ཏན་གྱི་བེམ་པོའི་པར་རིས་ཁྱབ་སྒྲོག་མི་བྱེད་རྒྱུ་ཐག་བཅད་ཟེར།
 ཁཱ་ནེ་ཡིས་ཉིན་དེར་ཕོ་བྲང་དཀར་པོའི་རྒྱུན་ལྡན་གྱི་གསར་འགྱུར་སྒྲོག་སྤེལ་ཚོགས་འདུའི་སྟེང་བཤད་རྒྱུར། པར་རིས་དེ་དག་ཁྱབ་སྒྲོག་བྱས་ན་དྲག་ཤུགས་བྱ་འགུལ་སྔར་ལས་ཆེན་པོ་འབྱུང་ཉེན་ཆེ་ལ། ཨ་མེ་རི་ཁ་རྒྱལ་ཁབ་ཀྱི་བདེ་འཇགས་ལ་འཇིགས་ཉེན་ཐེབས་ངེས་རེད་ཟེར། ཁོས་བཤད་རྒྱུར། ཨ་མེ་རི་ཁ་ཕྱོགས་ཀྱིས་ཞིབ་བཤེར་ནན་མོ་བྱས་ཏེ་པིན་ལཱ་ཏན་གྱི་བེམ་པོ་ཡིན་པ་ངོས་འཛིན་གསལ་བོ་བྱས་ཡོད་པས། དེའི་བེམ་པོའི་པར་རིས་ཁྱབ་སྒྲོག་བྱེད་པའི་དགོས་པ་མེད་ཟེར།