དབྱིན་ཇིའི་ཕྱི་འབྲེལ་དང་རྒྱལ་ཕྲན་མཉམ་འབྲེལ་ལས་དོན་པུའུ་ཡིས་ཚེས་ལྔ་ཉིན་ཁྱབ་སྒྲོག་བྱས་དོན། དབྱིན་ཇིའི་ཕྱི་འབྲེལ་བློན་ཆེན་ཧེ་ཀི་ཡིས་བཀའ་རྒྱ་བཏང་སྟེ་དབྱིན་ཇིར་སྡོད་པའི་ལི་པུ་ཡཱའི་གཞུང་ཚབ་ཁང་གི་ཕྱི་འབྲེལ་དཔོན་པོ་གཉིས་མཐར་སྐྲོད་གཏོང་རྒྱུ་ཁྱབ་སྒྲོག་བྱས།
 ཧེ་ཀི་ཡིས་ཡིག་ཐོག་གི་གསལ་སྒྲོག་ཅིག་ལས། ངས་བཀའ་རྒྱ་བཏང་སྟེ་དབྱིན་ཇི་རུ་སྡོད་པའི་ལི་པུ་ཡཱའི་ཕྱི་འབྲེལ་གཞུང་ཚབ་ཁང་གི་ཕྱི་འབྲེལ་དཔོན་པོ་མཐར་སྐྲོད་གཏོང་བ་ནི་ཁོ་ཚོའི་བྱ་འགུལ་གྱིས་དབྱིན་ཇིའི་ཁེ་ཕན་ལ་གནོད་པ་ཐེབས་ཡོད་ཟེར།
 ཧེ་ཀི་ཡིས་ཕྱི་འབྲེལ་དཔོན་པོ་གཉིས་དང་དེའི་ཁྱིམ་མི་དག་དུས་བཅད་ནང་དབྱིན་ཇིའི་མངའ་ཁོངས་དང་ཁ་འབྲལ་དགོས་པའི་རེ་བ་བཏོན། ཁོ་ཚོ་ངེས་པར་དུ་ཟླ་ལྔ་བའི་ཚེས་བཅུ་གཅིག་ཉིན་གྱི་སྔོན་ལ་དབྱིན་ཇི་དང་ཁ་འབྲལ་དགོས་ཟེར། དབྱིན་ཇི་རྒྱལ་ཁབ་ཀྱིས་དེར་སྡོད་ཀྱི་ལི་པུ་ཡཱའི་གཞུང་ཚབ་ཁང་གི་ཕྱི་འབྲེལ་དཔོན་པོ་ལ་ལྟ་རྟོག་བྱེད་བཞིན་ཡོད་པ་དང་། མི་སྒེར་གྱི་བྱ་སྤྱོད་དང་ལེན་བྱེད་ཐབས་མེད་ཚེ་ཁོ་ཚོ་དགའ་བསུ་མི་བྱེད་པའི་མིའི་གྲས་སུ་འཇོག་ངེས་ཡིན་ཟེར།