ཁི་ཝེ་ཐི་རྒྱལ་ཁབ་ཏུ་འཚམས་འདྲི་བྱེད་བཞིན་པའི་ཨེ་ཅིབ་བར་བརྒལ་སྲིད་གཞུང་གི་ཙུང་ལི་ཞེ་ལཱ་ཧྥུའུ་ཡིས་ཚེས་ཉེར་དྲུག་ཉིན་བཤད་རྒྱུར།ཨེ་ཅིབ་དང་དབྱི་ལིང་གིས་ཕྱོགས་གཉིས་ཀྱི་འབྲེལ་བ་ལེགས་བཅོས་བྱེད་པ་དེས་མཚོ་ཁུགས་ཨ་རབ་རྒྱལ་ཁབ་ཀྱི་བདེ་འཇགས་ལ་ཤུགས་རྐྱེན་ཐེབས་མི་སྲིད་ཟེར།
 ཞེ་ལཱ་ཧྥུའུ་ཡིས་ཁི་ཝེ་ཐི་རྒྱལ་དམངས་གྲོས་ཁང་གི་གྲོས་བསྡུར་དཔོན་པོ་ཧཱ་ལཱ་ཧྥེ་དང་གྲོས་མོལ་བྱས་རྗེས་བསྟན་དོན།ཨེ་ཅིབ་དང་མཚོ་ཁུགས་ཨ་རབ་རྒྱལ་ཁབ་ཀྱི་འབྲེལ་བ་རྒྱུན་པར་ཟབ་པ་དང་།མཚོ་ཁུགས་ཨ་རབ་རྒྱལ་ཁབ་ཀྱི་བདེ་འཇགས་དེ་ཨེ་ཅིབ་ལ་མཚོན་ན་གལ་འགངས་ཆེ།གལ་ཏེ་ཨེ་ཅིབ་དང་དབྱི་ལིང་གི་འབྲེལ་བར་འཕེལ་རྒྱས་གསར་བ་བྱུང་ན་མཚོ་ཁུགས་ཨ་རབ་རྒྱལ་ཁབ་ཀྱི་བདེ་འཇགས་ལ་ཤུགས་རྐྱེན་ཐེབས་མི་སྲིད་ཟེར།
 ཞེ་ལཱ་ཧྥུའུ་ཡིས་ནན་གྱིས་བསྟན་དོན།ཁོའི་ཐེངས་འདིའི་མཚོ་ཁུགས་འགྲུལ་བཞུད་ཀྱི་དམིགས་ཡུལ་ནི་ཨེ་ཅིབ་ཀྱིས་ས་ཁུལ་དེའི་རྒྱལ་ཁབ་གཞན་པར་རྒྱབ་སྐྱོར་ཆེན་པོ་བྱེད་བཞིན་པ་བརྒྱུད་སྒྲོག་བྱེད་པའི་ཆེད་དུ་ཡིན་ཟེར།