ཨ་མེ་རི་ཁའི་རྒྱལ་སྲིད་སྤྱི་ཁྱབ་ཁང་གིས་ཚེས་བཅུ་ཉིན་བཤད་རྒྱུར། དབྱི་སི་རལ་དང་ཕཱ་ལེ་སི་ཐན་གྱི་གྲོས་མོལ་འཐུས་མིས་གཟའ་འཁོར་འདིའི་ནང་ཝ་ཧྲིན་ཏོན་ནས་བརྒྱུད་པའི་གྲོས་མོལ་བྱེད་རྒྱུ་རེད་ཟེར།
 རྒྱལ་སྲིད་སྤྱི་ཁྱབ་ཁང་གི་མགྲིན་ཚབ་པ་ཁི་ལོ་ལེ་ཡིས་བཤད་རྒྱུར། གཟའ་འཁོར་འདིའི་ནང་། དབྱི་སི་རལ་གྱི་དབུ་བཞུགས་གྲོས་མོལ་འཐུས་མི་མའོ་ཨར་ཧའོ་དང་ཕཱ་ལེ་སི་ཐན་གྱི་དབུ་བཞུགས་གྲོས་མོལ་འཐུས་མི་ཨེ་ལོས་ཁཱ་ཐི་གཉིས་ཀྱིས་ཝ་ཧྲིན་ཏོན་ནས་སོ་སོར་ཨ་མེ་རི་ཁའི་དཔོན་རིགས་དང་གྲོས་མོལ་བྱེད་རྒྱུ་རེད་ཟེར།
 ཁི་ལོ་ལེ་ཡིས་བཤད་རྒྱུར། བརྒྱུད་པའི་གྲོས་མོལ་ནི་ཨ་མེ་རི་ཁ་དང་ཕྱོགས་སོ་སོས་དབྱི་སི་རལ་དང་ཕཱ་ལེ་སི་ཐན་གྱི་ཞི་བའི་གྲོས་མཐུན་འགོད་པའི་ཆེད་དུ་གྲོས་མོལ་བྱེད་དུ་བཅུག་པ་ཡིན་ལ། ཨ་མེ་རི་ཁའི་ཀྲུང་ཏུང་གནད་དོན་གྱི་ཆེད་མངག་ཕོ་ཉ་མུས་ཆེ་ཨར་ཕྱོགས་གཉིས་ཀྱི་གྲོས་མོལ་ལ་ཞུགས་རྒྱུ་རེད་ཟེར།