ཨ་མེ་རི་ཁའི་ཙུང་ཐུང་ཨོ་པཱ་མཱ་ཡིས་ཚེས་ལྔ་ཉིན་ཡང་བསྐྱར་རྒྱལ་ཚོགས་ཀྱིས་ཕོགས་དངུལ་གྱི་ཁྲལ་བསྡུ་ཇེ་ཉུང་དུ་གཏོང་བའི་བཅའ་ཁྲིམས་འཆར་ཟིན་ལ་ཆོག་མཆན་བཀོད་དེ་ཨ་མེ་རི་ཁའི་དཔལ་འབྱོར་འཕར་སྣོན་ལ་ཡར་སྐུལ་བྱེད་དགོས་པའི་སྐུལ་མ་བཏང་།
ཨོ་པཱ་མཱ་ཡིས་ཉིན་དེར་ཕོ་བྲང་དཀར་པོའི་གསར་འགོད་པའི་སྣེ་ལེན་ཚོགས་འདུའི་སྟེང་བཤད་རྒྱུར། ཟླ་བཅུ་གཅིག་པའི་ལས་ཤོར་གྱི་ཚད་ཟླ་སྔོན་མའི་བརྒྱ་ཆའི་དགུ་ནས་བརྒྱ་ཆའི་བརྒྱད་དང་གྲངས་ཆུང་དྲུག་ཏུ་མར་བབས་ཡོད་ཀྱང་། ཨ་མེ་རི་ཁའི་དཔལ་འབྱོར་སྔར་བཞིན་ཉམས་ཞན་ཡིན་པར་མ་ཟད་ཡོ་རོབ་གླིང་གི་དཔལ་འབྱོར་འཕེལ་འགྲིབ་ཀྱི་ཤུགས་རྐྱེན་ཐེབས་ཡོད། ཨ་མེ་རི་ཁའི་དཔལ་འབྱོར་ཐད་སྔར་ལས་རྒྱབ་སྐྱོར་བྱས་ཏེ་འཛད་སྤྱོད་ལ་ཡར་སྐུལ་དང་མྱུར་མོར་སླར་གསོ་བྱེད་དགོས་ཟེར། ཨོ་པཱ་མཱ་ཡིས་བཤད་རྒྱུར། རྒྱལ་ཚོགས་ཀྱིས་ཨ་མེ་རི་ཁའི་མི་དམངས་ལ་ཁས་ལེན་བྱས་པའི་གནད་དོན་དོན་འཁྱོལ་བྱེད་དགོས་པ་ལས་ཁྲལ་བསྡུའི་ཚད་ཇེ་མཐོར་གཏོང་མི་རུང་ཟེར།