ཀྲུང་གོས་བསྐྲུན་པའི་ཨ་ཧྥེ་རི་ཁའི་གློག་ཤུགས་ཅན་གྱི་ལྕགས་ལམ་དང་པོ་རུ་མེ་འཁོར་དངོས་སུ་ཤར་གཏོང་ཐུབ།

མི་དམངས་ཉིན་རེའི་ཚགས་པར་ནས་དྲངས། 2016-10-14

ཞིན་ཧྭ་གསར་འགྱུར་ཁང་ནས་འབྱོར་བའི་གཏམ་གསར། ཀྲུང་གོའི་ཁེ་ལས་ཀྱིས་བསྐྲུན་པ་དང་ཨེ་ཙེ་ཨོ་ཕི་ཡ་དང་ཅི་པོའུ་ཐི་རྒྱལ་ཁབ་གཉིས་ཀྱི་རྒྱལ་ས་ཨེ་ཏི་སི་ཨ་པ་པ་ནས་ཅི་པོའུ་ཐི་བར་གྱི་ལྕགས་ལམ（གཤམ་དུ་ཨེ་ཅི་ལྕགས་ལམ་ཞེས་བསྡུས་རྒྱུ）ཟླ་བ10པའི་ཚེས7ཉིན་བསྐྲུན་ཟིན་ནས་མེ་འཁོར་ཤར་གཏོང་ཐུབ་པ་བྱུང་ཞིང་། ལྕགས་ལམ་དེ་ནི་ཐན་ཙན་ལྕགས་ལམ་བསྐྲུན་རྗེས། ཀྲུང་གོས་ཨ་ཧྥེ་རི་ཁར་བསྐྲུན་པའི་རྒྱལ་སྒྲོལ་ལྕགས་ལམ་གཞན་དེ་ཡིན་ཞིང་། དེར“དུས་སྐབས་གསར་པའི་ཐན་ཙན་ལྕགས་ལམ”ཞེས་བརྗོད་ཀྱི་ཡོད།
ཨེ་ཅི་ལྕགས་ལམ་ནི་ཨ་ཧྥེ་རི་ཁའི་གློག་ཤུགས་ཅན་གྱི་ལྕགས་ལམ་དང་པོ་དེ་ཡིན་པ་དང་། ལྕགས་ལམ་དེ་ཀྲུང་གོའི་ཚད་གཞི་དང་ཀྲུང་གོའི་སྒྲིག་ཆས་འཛུགས་སྐྲུན་ལྟར་བསྐྲུན་པ་ཞིག་ཡིན། མེ་འཁོར་ཤར་གཏོང་ཐུབ་པའི་མཛད་སྒོ་དེ་དེ་ཉིན་ཨེ་ཏི་སི་ཨ་པ་པ་ཡི་ལ་པུ་མེ་འཁོར་བབས་ཚུགས་སུ་འཚོགས་ཤིང་། ཀྲུའུ་ཞི་ཞི་ཅིན་ཕིང་གི་དམིགས་བསལ་ཕོ་ཉ་རྒྱལ་ཁབ་འཕེལ་སྒྱུར་ཨུ་ཡོན་ལྷན་ཁང་གི་ཀྲུའུ་རེན་ཞུས་ཧྲའོ་ཧྲེ་དང་ཨེ་ཙེ་ཨོ་ཕི་ཡའི་ཙུང་ལི་ཧེར་མ་ལི་ཡ་མུའུ་དང་ཅི་པོའུ་ཐིའི་ཙུང་ཐུང་ཀེ་ལའེ་ཡིས་མཉམ་དུ་མེ་འཁོར་ཤར་གཏོང་ཐུབ་པའི་དར་ཚོན་བྲེག་རྗེས་མེ་འཁོར་ནང་ལྟ་སྐོར་བྱས་པ་རེད།
ཨེ་ཅི་ལྕགས་ལམ་ལ་སྤྱིའི་རིང་ཚད་སྤྱི་ལེ752.7ཡོད་པ་དང་མྱུར་ཚད་ཆུ་ཚོད་རེ་ལ་སྤྱི་ལེ120ཟིན་པ་དང་། མེ་འཁོར་བབས་ཚུགས45ཡོད་པར་ཁྱོན་བསྡོམས་མ་དངུལ་ཨ་སྒོར་དུང་ཕྱུར40བཏང་བ་དང་། ཀྲུང་གོའི་ཀྲུང་གོ་ལྕགས་ལམ་སྤྱི་གཉེར་ཁང་དང་ཀྲུང་གོ་ལྕགས་ལམ་འཛུགས་སྐྲུན་སྤྱི་གཉེར་ཁང་གིས་བསྐྲུན་པ་ཞིག་ཡིན་པ་དང་། ཀྲུང་གོའི་ཁེ་ལས་ཀྱིས་ཕྱི་རྒྱལ་དུ་བསྐྲུན་པའི་ཐོན་ལས་ཀྱི་སྦྲེལ་ཐག་ཧྲིལ་པོ“ཕྱིར་བསྐྱོད་པའི”
ལྕགས་ལམ་དང་པོ་དེ་ཡིན། ཨེ་ཅི་ལྕགས་ལམ་ནི་ཟོག་འདྲེན་གཙོ་བོར་བྱས་པའི་འགྲུལ་པ་དང་དངོས་ཟོག་དབོར་འདྲེན་གྱི་ལྕགས་ལམ་ཞིག་ཡིན་པ་དང་། ལྕགས་ལམ་བསྐྲུན་ཟིན་རྗེས། ཅི་པོའུ་ཐི་ནས་ཨེ་ཏི་སི་ཨ་པ་པ་བར་གྱི་སྐྱེལ་འདྲེན་དུས་ཚོད་གཞུང་ལམ་ཐོག་ནས་སྐྱེལ་འདྲེན་བྱས་ན་ཉིན7འགོར་བ་དང་ལྕགས་ལམ་ཐོག་ནས་སྐྱེལ་འདྲེན་བྱས་ན་ཆུ་ཚོད10ལས་འགོར་གྱི་མེད།

ཀྲུང་གོས་བསྐྲུན་པའི་ཨ་ཧྥེ་རི་ཁའི་གློག་ཤུགས་ཅན་གྱི་ལྕགས་ལམ་དང་པོ་རུ་མེ་འཁོར་དངོས་སུ་ཤར་གཏོང་ཐུབ།

དོ་སྣང་ཆེ་བའི་རྩོམ།

རྩོམ་གསར། 10

དོ་སྣང་ཆེ་བའི་རྩོམ། 10