ཟླ་དྲུག་པའི་ཚེས་གཉིས་ཉིན། 2016ལོའི་ཀྲུང་གོའི་མཚོ་སྔོན་བོད་ཀྱི་ས་གདན་རྒྱལ་སྤྱིའི་འགྲེམ་སྟོན་ཚོགས་འདུ་མཚོ་སྔོན་འགྲེམ་སྟོན་ལྟེ་གནས་ནས་གཟབ་རྒྱས་ངང་བསྡུས།

ཟླ་དྲུག་པའི་ཚེས་གཉིས་ཉིན། 2016ལོའི་ཀྲུང་གོའི་མཚོ་སྔོན་བོད་ཀྱི་ས་གདན་རྒྱལ་སྤྱིའི་འགྲེམ་སྟོན་ཚོགས་འདུ་མཚོ་སྔོན་འགྲེམ་སྟོན་ལྟེ་གནས་ནས་གཟབ་རྒྱས་ངང་བསྡུས། ཞིང་ཆེན་ཏང་ཨུའི་རྒྱུན་ལས་ཨུ་ཡོན། འཐབ་ཕྱོགས་གཅིག་གྱུར་པུའུ་ཡི་པུའུ་ཀྲང་བསྟན་ཁོ་དང་ཞིང་ཆེན་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རིན་གཞོན་པ་ཚའོ་ཧུང་། ཧྲིན་ཀྲང་གཞོན་པ་ཁོང་ཡུང་། ཞིང་ཆེན་སྲིད་གྲོས་ཀྱི་ཀྲུའུ་ཞི་གཞོན་པ་མཱ་ཀྲི་ཝེ། ཀྲུང་གོ་འཁེལ་འཐག་བཟོ་ལས་མཉམ་འབྲེལ་ལྷན་ཚོགས་ཀྱི་ཚོགས་གཙོ་གཞོན་པ། དྲུང་ཡིག་ཆེན་མོ་ཀོ་ཡུང་། དབྱི་སི་རལ་སྤྱི་མཐུན་རྒྱལ་ཁབ་ཀྱི་ཀྲུང་གོར་སྡོད་པའི་ཚོང་དོན་ཚན་ཙན་ཨ་ཅ་ཀྲ་ཏི་སོགས་མགོ་རྩོམ་མཛད་སྒོར་ཞུགས།

བསྟན་ཁོ་སོགས་ཀྱིས་རྒྱལ་ཁབ་ཕྱི་ནང་ནས་ཡོང་བའི་ས་གདན་ཁེ་ལས་ཀྱི་སྐུ་མགྲོན་རྣམས་ལ་མཇལ་འཕྲད་གནང།

མཚོ་སྔོན་ཞིང་ཆེན་ཏང་ཨུའི་རྒྱུན་ལས་ཨུ་ཡོན། འཐབ་ཕྱོགས་གཅིག་གྱུར་པུའུ་ཡི་པུའུ་ཀྲང་བསྟན་ཁོ་དང་ཀྲུང་གོ་འཁེལ་འཐག་བཟོ་ལས་མཉམ་འབྲེལ་ལྷན་ཚོགས་ཀྱི་ཚོགས་གཙོ་གཞོན་པ། དྲུང་ཡིག་ཆེན་མོ་ཀོ་ཡུང་གཉིས་ཀྱིས་མཉམ་དུ་སྲོལ་རྒྱུན་འཁེལ་འཐག་འཁོར་ལོ་བསྐོར་ནས་ཐེངས་འདིའི་མཚོ་སྔོན་བོད་ཀྱི་རྒྱལ་སྤྱིའི་ས་གདན་འགྲེམ་སྟོན་མགོ་བརྩམས་པ་ཁྱབ་སྒྲོག་བྱས།

རྒྱལ་ཁབ་སོ་སོའི་ས་གདན་ཐོན་ལས་ཀྱི་སྐུ་མགྲོན་དག་གིས་ཤིས་ཚིག་འབུལ་བཞིན་པ།

རྒྱལ་ཁབ་སོ་སོའི་ས་གདན་ཐོན་ལས་ཀྱི་སྐུ་མགྲོན་དག་གིས་ཤིས་ཚིག་འབུལ་བཞིན་པ།

རྒྱལ་ཁབ་སོ་སོའི་ས་གདན་ཐོན་ལས་ཀྱི་སྐུ་མགྲོན་དག་གིས་ཤིས་ཚིག་འབུལ་བཞིན་པ།

སྲོལ་རྒྱུན་གྱི་འཁེལ་འཐག་འཁོར་ལོ་བཀོལ་ནས་ཡུལ་དངོས་སུ་ས་གདན་འཐག་བཞིན་པ།

འགྲེམ་སྟོན་ཁང་དུ་བཀྲམ་པའི་བོད་ཀྱི་ས་གདན།

བོད་ལུགས་གཞིས་ཁྱིམ་གྱི་ཁྱད་ཆོས་ལྡན་པའི་བཀོད་པ་སྣ་ཚོགས།

ས་གདན་འགྲེམ་སྟོན་ལ་བྲེལ་བཞིན་པའི་ཕྱི་རྒྱལ་གྱི་འཁེལ་འཐག་ཁེ་ལས་པ།

ཁྱད་ཆོས་ལྡན་པའི་ཕྱི་རྒྱལ་གྱི་ས་གདན་སྣ་ཚོགས།

 2016ལོའི་ཀྲུང་གོའི་མཚོ་སྔོན་བོད་ཀྱི་ས་གདན་རྒྱལ་སྤྱིའི་འགྲེམ་སྟོན་ཚོགས་འདུ་ཚེས་གཉིས་ཉིན་གྱི་སྔ་དྲོའི་དུས་ཚོད་དགུ་དང་ཕྱེད་ཀའི་སྟེང་མཚོ་སྔོན་འགྲེམ་སྟོན་ལྟེ་གནས་ནས་གཟབ་རྒྱས་ངང་བསྡུས། ཞིང་ཆེན་ཏང་ཨུའི་རྒྱུན་ལས་ཨུ་ཡོན། འཐབ་ཕྱོགས་གཅིག་གྱུར་པུའུ་ཡི་པུའུ་ཀྲང་བསྟན་ཁོ་དང་ཞིང་ཆེན་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རིན་གཞོན་པ་ཚའོ་ཧུང་། ཧྲིན་ཀྲང་གཞོན་པ་ཁོང་ཡུང་། ཞིང་ཆེན་སྲིད་གྲོས་ཀྱི་ཀྲུའུ་ཞི་གཞོན་པ་མཱ་ཀྲི་ཝེ། ཀྲུང་གོ་འཁེལ་འཐག་བཟོ་ལས་མཉམ་འབྲེལ་ལྷན་ཚོགས་ཀྱི་ཚོགས་གཙོ་གཞོན་པ། དྲུང་ཡིག་ཆེན་མོ་ཀོ་ཡུང་། དབྱི་སི་རལ་སྤྱི་མཐུན་རྒྱལ་ཁབ་ཀྱི་ཀྲུང་གོར་སྡོད་པའི་ཚོང་དོན་ཚན་ཙན་ཨ་ཅ་ཀྲ་ཏི། འཛམ་གླིང་ལག་བཟོས་ས་གདན་མཐུན་ཚོགས་ཀྱི་ཀྲུའུ་ཞི་ཁུའུ་ཁི་སོགས་འགྲེམ་སྟོན་མགོ་རྩོམ་པའི་མཛད་སྒོར་ཞུགས། ཐེངས་འདིའི་འགྲེམ་སྟོན་ཚོགས་འདུའི་བརྗོད་དོན་གཙོ་བོ་ནི་“བརྩེ་སེམས་འཛམ་གླིང་ལ་བཅངས་ཏེ། མཉམ་དུ་ཚོང་ལས་གོ་སྐབས་ལོངས་སུ་སྤྱོད”ཅེས་པ་དེ་རེད། འགྲེམ་སྟོན་ཚོགས་འདུ་འདི་ནི་རྒྱལ་ཁབ་ཚོང་དོན་པུའུ་དང་མཚོ་སྔོན་ཞིང་ཆེན་མི་དམངས་སྲིད་གཞུང་གཉིས་ཀྱིས་གཙོ་སྒྲུབ་དང་ཞིང་ཆེན་ཚོང་དོན་ཐིན་དང་ཀྲུང་གོའི་བོད་ཀྱི་ས་གདན་མཐུན་ཚོགས་གཉིས་ཀྱིས་འགན་སྒྲུབ་བྱས་པ་རེད། དབྱི་ལིང་དང་ཨ་ཧྥུའུ་ཧན། ནེ་པ་ལ། རྒྱ་གར། ཕ་ལི་སི་ཐན། འཇར་མན་སོགས་རྒྱལ་ཁབ་བཅུ་གསུམ་ལྷག་གི་ཁེ་ལས་དང་ཚོང་བ་འགྲེམ་སྟོན་ལ་ཞུགས། འགྲེམ་སྟོན་ལྟེ་གནས་སུ་འགྲེམ་སྟོན་ཁང་ཀ་བ་དང་ཁ་བ། ག་བ་བཅས་གསུམ་དུ་བགར་ནས་འགྲེམ་སྟོན་བྱས་ཡོད་ལ། འགྲེམ་སྟོན་ཁང་ཀ་བའི་ནང་དུ་གཙོ་བོ་རྒྱལ་ནང་གི་ས་གདན་སྣ་ཚོགས་འགྲེམ་སྟོན་བྱས་ཡོད་པ་དང་། དེར་འགྲེམ་སྟོན་སྟེགས་བུ་ཉིས་བརྒྱ་སུམ་ཅུ་བཀོད་སྒྲིག་བྱས་ཡོད། འགྲེམ་སྟོན་ཁང་ཁ་བའི་ནང་དུ་གཙོ་བོ་རྒྱལ་སྤྱིའི་ས་གདན་སྣ་ཚོགས་འགྲེམ་སྟོན་བྱས་ཡོད་ལ། དེར་འགྲེམ་སྟོན་སྟེགས་བུ་བཞི་བརྒྱ་རེ་གཉིས་བཀོད་སྒྲིག་བྱས་ཡོད། འགྲེམ་སྟོན་ཁང་ག་བའི་ནང་དུ་གཙོ་བོ་བོད་ཀྱི་ས་གདན་དང་བོད་ཀྱི་ས་གདན་རིག་གནས་དྲིལ་སྒྲོག་བྱེད་ས། བོད་ཀྱི་ས་གདན་གྱི་འབྲེལ་ཡོད་པར་རིས་དང་ཅ་ལག་ངོ་མ། བོད་ཀྱི་ས་གདན་འགྲེམ་སྟོན་གྱི་འཕེལ་རྒྱས་བརྒྱུད་རིམ་འགྲེམ་སྟོན་བྱེད་ས་བཅས་བཀོད་སྒྲིག་བྱས་ཏེ། མི་རིགས་མང་པོའི་རིག་གནས་བརྗེ་རེས་ཐད་ལ་ཁོར་ཡུག་ལེགས་པོ་ཞིག་བསྐྲུན་ཡོད། ཐེངས་འདིའི་འགྲེམ་སྟོན་ཚོགས་འདུའི་འགྲེམ་ཁུལ་གྱི་སྤྱིའི་རྒྱ་ཁྱོན་ལ་རྨིད་གྲུ་བཞི་མ་ཁྲི་གསུམ་དང་སྟོང་གཉིས་ལྷག་ཡོད་ལ། ཁྱོན་བསྡོམས་པས་འགྲེམ་སྟོན་སྟེགས་བུ་དགུ་བརྒྱ་དང་བརྒྱད་ཡོད། ད་ལོའི་འགྲེམ་སྟོན་ཚོགས་འདུའི་གོ་སྐབས་དང་བསྟུན་ནས་རྒྱལ་ཡོངས་ཀྱི་ས་གནས་སོ་སོའི་མིང་དུ་གྲགས་པའི་ཁེ་ལས་སྐོར་ཞིག་གིས་ཀྱང་ཆེད་དུ་ཐོན་རྫས་སྣ་ཚོགས་འགྲེམ་སྟོན་བྱས་ཡོད།