རྒྱལ་ཡོངས་སྲིད་གྲོས་ཀྱི་ཀྲུའུ་ཞི་ཡུས་ཀྲིན་ཧྲིན་གྱིས་ཚེས་བཅུ་བཞི་ཉིན་པེ་ཅིན་ནས་ཀྲུང་གོ་མི་དམངས་ཕྱི་ཕྱོགས་མཛའ་མཐུན་ཚོགས་པས་གདན་དྲངས་བ་ལྟར་ཀྲུང་གོར་འཚམས་འདྲིར་ཡོང་བའི་ཨན་ཐི་ཀྭ་དང་པ་པུ་ཏའི་ཙུང་ཏུའུ་ཝེ་ལན་སི་འཁོར་དང་བཅས་པར་མཇལ་འཕྲད་གནང་།

ཡུས་ཀྲིན་ཧྲིན་གྱིས་བསྟན་དོན། ཕྱོགས་གཉིས་བར་རྒྱལ་ཁབ་འབྲེལ་བ་བཙུགས་ནས་ལོ་འཁོར་སུམ་ཅུའི་རིང་ལ། རྒྱལ་ཁབ་གཉིས་ཀྱི་འབྲེལ་བ་དང་ཁྱབ་ཁོངས་སོ་སོའི་མཉམ་ལས་ལ་ཡུན་རིང་འཕེལ་རྒྱས་བྱུང་། ཀྲུང་གོ་ཕྱོགས་ཀྱིས་ཨན་ཐི་ཀྭ་དང་པ་པུ་ཏའི་བར་གྱི་འབྲེལ་བར་མཐོང་ཆེན་བྱས་ནས། ཨན་ཐི་ཀྭ་དང་མཉམ་དུ་རྒྱུན་ཆད་མེད་པར་རྒྱལ་ཁབ་གཉིས་ཀྱི་འབྲེལ་བ་ཕུན་སུམ་ཇེ་ཚོགས་སུ་གཏོང་འདོད་ཡོད་ཟེར།