ཞི་ཅིན་ཕིང་གིས་ཨ་ཧྥེ་རི་ཁའི་མནའ་འབྲེལ་གྱི་མགོ་གཙོའི་གྲོས་ཚོགས་སྐབས་ཉེར་དགུ་བ་ཚོགས་པར་གློག་འཕྲིན་བཏང་ནས་རྟེན་འབྲེལ་ཞུས།

བཀྲ་ཤིས་འབུམ།    ཞིན་ཧྭ་གསར་འགྱུར་དྲ་བ།    2017-07-05

ཟླ་བདུན་པའི་ཚེས་གསུམ་ཉིན། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གིས་ཨེ་ཙེ་ཨོ་ཕི་ཡའི་རྒྱལ་ས་ཡ་ཏི་སི་ཡ་པེ་པ་ནས་ཚོགས་པའི་ཨ་ཧྥེ་རི་ཁའི་མནའ་འབྲེལ་གྱི་མགོ་གཙོའི་གྲོས་ཚོགས་སྐབས་ཉེར་དགུ་བར་གློག་འཕྲིན་བཏང་སྟེ་ཨ་ཧྥེ་རི་ཁ་རྒྱལ་ཁབ་དང་མི་དམངས་ལ་གྲོས་ཚོགས་བདེ་བླག་ངང་ཚོགས་པར་རྟེན་འབྲེལ་ཞུས།

ཞི་ཅིན་ཕིང་གིས་བཤད་རྒྱུར། ཨ་ཧྥེ་རི་ཁ་མནའ་འབྲེལ་ནི་ཨ་ཧྥེ་རི་ཁ་མཉམ་འབྲེལ་རང་སྟོབས་ཀྱི་མཚོན་བྱེད་ཡིན། ཨ་ཧྥེ་རི་ཁ་མནའ་འབྲེལ་གྱིས་ཧུར་ཐག་སྒོས་ཨ་ཧྥེ་རི་ཁའི་གཞི་གཅིག་ཅན་གྱི་འཕེལ་རིམ་ལ་སྐུལ་འདེད་བཏང་བ་དང་། ཨ་ཧྥེ་རི་ཁའི་རྒྱལ་ཁབ་ཀྱིས་རྒྱལ་སྤྱི་དང་ས་གནས་ཀྱི་གནད་དོན་ཐད་ནས་ནུས་པ་ཆེན་པོ་འདོན་པར་སྐུལ་འདེད་བཏང་ནས་གྲུབ་འབྲས་མངོན་གསལ་བླངས་ཡོད། ཨ་ཧྥེ་རི་ཁ་མནའ་འབྲེལ་གྱིས་ཨ་ཧྥེ་རི་ཁའི་རྒྱལ་ཁབ་ལ་སྣེ་ཁྲིད་བྱས་ཏེ་ཞི་བདེ་དང་འཕེལ་རྒྱས་ཀྱི་ལས་དོན་ཁྲོད་ནས་གྲུབ་འབྲས་སྔར་ལས་ཆེན་པོ་ལེན་པར་སྨོན་འདུན་ཞུ་བ་ཡིན་ཟེར།

ཞི་ཅིན་ཕིང་གིས་ནན་གྱིས་བསྟན་དོན། ཀྲུང་གོ་ཕྱོགས་ཀྱིས་ཧུར་ཐག་སྒོས་ཀྲུང་གོ་དང་ཨ་ཧྥེ་རི་ཁའི་མཉམ་ལས་འཆར་འགོད་ཆེན་པོ་བཅུ་དང་རྒྱུད་གཅིག་ལམ་གཅིག་འཛུགས་སྐྲུན། ཨ་ཧྥེ་རི་ཁ་མནའ་འབྲེལ་གྱི་ཉིས་སྟོང་རེ་གསུམ་ལོའི་གྲོས་རིམ་བཅས་སྦྲེལ་མཐུད་བྱེད་པ་དང་། ཀྲུང་གོ་དང་ཨ་ཧྥེ་རི་ཁའི་ཁྱོན་ཡོངས་ཀྱི་འཐབ་ཇུས་མཉམ་ལས་གྲོགས་པོའི་འབྲེལ་བ་སྔར་ལས་འཕེལ་རྒྱས་སུ་འགྲོ་བར་སྐུལ་འདེད་བཏང་ནས་ཀྲུང་གོ་དང་ཨ་ཧྥེ་རི་ཁའི་མི་དམངས་ལ་བདེ་སྐྱིད་སྐྲུན་འདོད་ཡོད་ཟེར། 


  • ལེ་ཚན་སྔོན་མ།:ཨེར་སྤྱི་ཕན་ཐེབས་རྩ་ཚོགས་པས་རང་ལྗོངས་ཀྱི་ཀླད་ནད་ཕོག་པའི་བྱིས་པ21ལ་གཤགས་བཅོས་བྱས་པ།
  • ལེ་ཚན་རྗེས་མ།:ཞི་ཅིན་ཕིང་གིས་འཇར་མན་གྱི་ཙུང་ལི་མའོ་ཁི་ཨར་དང་གྲོས་མོལ་མཛད།
  • དོ་སྣང་ཆེ་བའི་རྩོམ།