ཟླ10པའི་ཚེས16ཉིན། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གིས་མི་དམངས་ཚོགས་ཁང་ཆེན་མོའི་ནང་དབྱིན་ཇིའི་སྡེ་ཚོགས་ཞེ་བརྒྱད་ཀྱི་རོལ་རྩེད་ཁང་གི་ཀྲུའུ་ཞི་ཕེ་ལེ་ལ་མཇལ་འཕྲད་གནང་།

རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གིས་ཚེས་བཅུ་དྲུག་ཉིན་མི་དམངས་ཚོགས་ཁང་ཆེན་མོའི་ནང་དབྱིན་ཇིའི་སྡེ་ཚོགས་ཞེ་བརྒྱད་ཀྱི་རོལ་རྩེད་ཁང་གི་ཀྲུའུ་ཞི་ཕེ་ལེ་ལ་མཇལ་འཕྲད་གནང་།

ཞི་ཅིན་ཕིང་གིས་ཕེ་ལེ་ཡང་བསྐྱར་ཀྲུང་གོར་འཚམས་འདྲིར་ཡོང་བར་དགའ་བསུ་ཞུས། ཞི་ཅིན་ཕིང་གིས་བསྟན་དོན། དུས་རབས་སྔོན་མའི་ལོ་རབས་ལྔ་བཅུ་པའི་འགོར། ནུབ་ཕྱོགས་རྒྱལ་ཁབ་ཀྱིས་ཀྲུང་གོ་གསར་པར་ཉོ་འཚོང་བཀག་སྡོམ་བྱེད་པའི་སྐབས་སུ། ཁྱེད་ཀྱི་ཡབ་ཆེན་གྱིས་དབྱིན་ཇིའི་བཟོ་ཚོང་ལས་རིགས་ཀྱི་རྣམ་དཔྱོད་ཅན་བཅུ་ཕྲག་འགའ་ཁྲིད་དེ། བར་ཆད་སྣ་ཚོགས་སེལ་ནས་ཀྲུང་གོར་ཡོང་སྟེ། ཀྲུང་གོ་དང་དབྱིན་ཇི་མཛའ་མཐུན་གྱི་བྱ་གཞག་བཏོད་པ་དེ་ངོ་མཚར་ཧ་ཅང་ཆེ། ཀྲུང་གོ་མི་དམངས་ཀྱིས་དཀའ་ཁག་གི་དུས་དེར་ཀྲུང་གོ་དབྱིན་ཇིའི་འབྱོར་འཚོང་འགྲོ་འོང་ཐད་ལོ་རྒྱུས་རང་བཞིན་གྱི་བྱས་རྗེས་བཞག་པའི་རྒན་རབས་པ་དེ་དག་གཏན་ནས་བརྗེད་མི་སྲིད། ད་ལྟ་ཀྲུང་གོ་དབྱིན་ཇིའི་མཛའ་བརྩེ་ནི་མི་ཚང་མའི་སེམས་ཀྱི་གཏིང་དུ་སིམ་ཡོད་ལ། ཚང་མའི་འབད་བརྩོན་འོག་ཏུ། ཀྲུང་གོ་དང་དབྱིན་ཇིའི་མཛའ་བརྩེ་དེ་མི་རབས་ནས་མི་རབས་བར་རྒྱུན་འཛིན་བྱས་ཏེ་ཡུན་རིང་བརྟན་པོར་གནས་ཐུབ་པར་ཡིད་ཆེས་ཡོད་ཟེར།

ཞི་ཅིན་ཕིང་གིས་བསྟན་དོན། ཀྲུང་གོ་མི་དམངས་ཀྱིས་བརྒྱ་ལོ་གཉིས་ཀྱི་འབད་འཐབ་དམིགས་འབེན་མངོན་འགྱུར་བྱེད་ཆེད་འབད་བརྩོན་ལྷོད་མེད་བྱེད་བཞིན་ཡོད། དེང་སྐབས་ཀྱི་འཛམ་གླིང་གི་གནས་བབ་འོག་ཏུ། ཀྲུང་གོས་ཉོ་འཚོང་རང་དབང་ཅན་ལ་སྔར་ལས་རྒྱབ་སྐྱོར་ཆེན་པོ་བྱེད་པ་དང་། དཔལ་འབྱོར་འཛམ་གླིང་ཅན་ལ་རྒྱབ་སྐྱོར་བྱེད་པ་དང་། ཀྲུང་གོ་རྒྱལ་ཁབ་སྟོབས་འབྱོར་ལྡན་ན་གཞན་ལ་བརྙས་བཅོས་བྱེད་པའི་ལམ་དུ་གཏན་ནས་བསྐྱོད་མི་སྲིད། ཀྲུང་གོས་མིའི་རིགས་ཀྱི་ལས་སྐལ་གཅིག་འབྲེལ་ཐུན་མོང་ཚོགས་པ་འཛུགས་པ་དང་། འཕེལ་རྒྱས་སུ་འགྲོ་བཞིན་པའི་རྒྱལ་ཁབ་བར་དུ་མཛའ་མཐུན་འབྲེལ་བ་འཛུགས་པའི་འདོད་བློ་བཅངས་ཡོད་ལ། ཀྲུང་གོ་དང་དབྱིན་ཇིའི་འབྲེལ་བའི་རྫོགས་ལྡན་གྱི་དུས་ཚིགས་བསྐྲུན་པར་འབད་བརྩོན་བྱེད་རྒྱུ་ཡིན་ཟེར།

དབྱང་ཅེ་ཁྲི་མཇལ་འཕྲད་ལ་ཞུགས།