ཀྲུང་གོ་དང་ཨ་ཧྥེ་རི་ཁའི་ན་གཞོན་མགོ་ཁྲིད་པའི་གླེང་སྟེགས་སྐབས་གསུམ་པ་ཐན་ཙན་ནི་ཡཱ་ནས་གྲོལ།

    མཚོ་སྔོན་བོད་སྐད་རྒྱང་སྒྲོག    2015-03-31

ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཀྲུང་གོ་དང་ཨ་ཧྥེ་རི་ཁའི་ན་གཞོན་མགོ་ཁྲིད་པའི་གླེང་སྟེགས་སྐབས་གསུམ་པ་ཚེས་ཉེར་དགུའི་ཉིན་ཐན་ཙན་ནི་ཡཱའི་བྱང་ཕྱོགས་ཀྱི་ཨ་ལུའུ་ཧྲ་གྲོང་ཁྱེར་ནས་གྲོལ།
ཨ་ཧྥེ་རི་ཁ་རྒྱལ་ཁབ་ནས་ཡོང་བའི་འཐུས་མི་བརྒྱ་ལྷག་དང་ཀྲུང་གོའི་ཕྱོགས་ཀྱི་འཐུས་མི། དེ་མིན་ན་གཞོན་ཁེ་ལས་པ་བཅས་ཀྱིས་ཚོགས་ཡུན་ཉིན་གཉིས་ཀྱི་གྲོས་ཚོགས་སྐབས་སུ་ཀྲུང་གོ་དང་ཨ་ཧྥེ་རི་ཁའི་འབྲེལ་བའི་རྒྱུན་འཛིན་དང་འཕེལ་རྒྱས། ཀྲུང་གོ་དང་ཨ་ཧྥེ་རི་ཁའི་ན་གཞོན་གྱི་འགྲོ་འོང་། ཀྲུང་གོ་དང་ཨ་ཧྥེ་རི་ཁའི་དམངས་ཁྲོད་བརྗེ་རེས་སོགས་གྲོས་གཞིའི་ཐད་ནས་གྲོས་བསྡུར་རྒྱ་ཆེན་པོ་བྱས་ཏེ། ཨ་ལུའུ་ཧྲ་གྲོས་འདོན་ཡི་གེར་གྲོས་འཆམ་བྱུང་།
ཀྲུང་གོའི་གུང་གཞོན་ཚོགས་པའི་ཀྲུང་དབྱང་ཧྲུའུ་ཅི་ཁྲུའུ་ཡི་ཧྲུའུ་ཅི་ཀྲིག་ཁྲང་ཁོས་ཀྱིས་ཚོགས་འདུ་གྲོལ་བའི་མཛད་སྒོའི་སྟེང་བཤད་རྒྱུར། ཨ་ལུའུ་ཧྲ་གྲོས་འདོན་ཡི་གེ་ནི་གླེང་སྟེགས་ཀྱི་གྲུབ་འབྲས་གལ་ཆེན་ཞིག་ཡིན་པ་དང་། དེ་ལས་ཀྲུང་གོ་དང་ཨ་ཧྥེ་རི་ཁའི་ན་གཞོན་གྱི་ཡིད་ཆེས་ཇེ་ཟབ་ཏུ་འགྲོ་བ་དང་མཉམ་ལས་ལ་ཤུགས་སྣོན་པ། དཀའ་སྡུག་མཉམ་མྱོང་བྱེད་པའི་ཆོད་སེམས་དང་རེ་འདུན་མངོན་པར་མཚོན་ཡོད་ཟེར།
ཐན་ཙན་ནི་ཡཱའི་ཙུང་ཐུང་གཞོན་པ་པུས་ལཱ་ལེ་ཡིས་ཚོགས་འདུ་གྲོལ་བའི་མཛད་སྒོའི་སྟེང་བཤད་རྒྱུར། གྲོས་ཚོགས་ལ་ཞུགས་པའི་ཨ་ཧྥེ་རི་ཁ་གླིང་གི་ན་གཞོན་མགོ་ཁྲིད་པས་གྲོས་ཚོགས་སྐབས་སུ་ཨ་ཧྥེ་རི་ཁ་གླིང་གི་ན་གཞོན་མང་བོས་སེམས་ཁུར་བྱེད་པའི་གནད་དོན་ལ་གྲོས་བསྡུར་བྱས་པ་དང་། གནད་དོན་དེ་དག་ནི་ཨ་ཧྥེ་རི་ཁ་གླིང་སྐམ་སའི་མ་འོངས་པའི་འཕེལ་རྒྱས་ལ་མཚོན་ན་གལ་འགངས་ཧ་ཅང་ཆེ། ཐན་ཙན་ནི་ཡཱ་རྒྱལ་ཁབ་ཀྱིས་ཨ་ཧྥེ་རི་ཁའི་རྒྱལ་ཁབ་གཞན་དག་དང་མཉམ་དུ་ཀྲུང་གོ་དང་ཨ་ཧྥེ་རི་ཁའི་ན་གཞོན་གྱི་འགྲོ་འོང་དང་བརྗེ་རེས་ལ་རྒྱབ་སྐྱོར་བྱེད་རྒྱུ་ཡིན་ཟེར།
  • ལེ་ཚན་སྔོན་མ།:ཞི་ཅིན་ཕེན་གྱིས་ཨ་མེ་རི་ཁའི་ཀའེ་ཚི་ཐེབས་རྩ་ཚོགས་པའི་ཀྲུའུ་ཞི་ལ་མཇལ་འཕྲད་གནང་།
  • ལེ་ཚན་རྗེས་མ།:ཁེ་ན་ཏའི་འགྲུལ་སྐྱེལ་གནམ་གྲུ་ཞིག་རྒྱུག་ལམ་གྱི་ཕྱི་ལ་ཤོར་ཏེ་མི25རྨས།
  • དོ་སྣང་ཆེ་བའི་རྩོམ།