ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། དགུན་ཁའི་དྲག་རླུང་ཆེན་མོས་ཨ་མེ་རི་ཁའི་བྱང་ཤར་ས་ཁུལ་དུ་གནོད་པ་ཐེབས་ཏེ། མི་བྱེ་བ་དྲུག་ལྷག་ལ་དེའི་ཤུགས་རྐྱེན་ཐེབས་ཡོད། ཚེས་ཉེར་བརྒྱད་ཉིན་བར། ཨ་མེ་རི་ཁ་ཡོངས་ནས་བསྡོམས་པས་གནམ་གྲུ་གཏོང་ཐེངས་སྟོང་དགུ་དང་བརྒྱད་བརྒྱ་མེད་པར་བཟོས་དང་། གནམ་གྲུ་གཏོང་ཐེངས་ཁྲི་གཅིག་དང་སྟོང་གཉིས་ལ་འགོར་འགྱངས་བྱས། གངས་རླུང་ཆེན་མོའི་ནམ་ཟླར་ཡོལ་ཆེད། ཨ་མེ་རི་ཁའི་བྱང་ཤར་ས་ཁུལ་གྱི་བྲེལ་ཟིང་ཆེ་བའི་དཔལ་འབྱོར་བྱ་སྤྱོད་མཚམས་མི་འཇོག་ཐབས་མེད་བྱུང་ཡོད། དཔལ་འབྱོར་རིག་པའི་ཆེད་མཁས་པས་ཚོད་དཔག་བྱས་ན། ཐེངས་འདིའི་གངས་རླུང་གི་ནམ་ཟླ་ལས་བཟོས་པའི་དཔལ་འབྱོར་གྱོང་གུད་དེ་མེ་སྒོར་ཐེར་འབུམ་གཅིག་ལ་བརྒལ་ཡོད་ཟེར།  །