2010ལོའི་ཟླ11པའི་ཚེས12ཉིན་གྱི་དགོང་མོར་ར་གྲོང་ཞེས་འབོད་བཞིན་ཡོད་པའི་ཀོང་ཀྲོའུ་གྲོང་ཁྱེར་དུ་ཨེ་ཤ་ཡའི་ལུས་རྩལ་འགྲན་ཚོགས་སྐབས་བཅུ་དྲུག་པ་གཟབ་རྒྱས་ངང་འཚོགས་ཤིང་།རྒྱལ་སྲིད་སྤྱི་ཁྱབ་ཁང་གི་ཙུང་ལི་ཝུན་ཅ་པའོ་འགོ་ཚུགས་མཛད་སྒོར་ཞུགས་པ་དང་འབྲེལ་ཐེངས་འདིའི་ལུས་རྩལ་འགྲན་ཚོགས་འགོ་ཚུགས་པ་ཁྱབ་བསྒྲགས་ཀྱང་གནང་བ་རེད།  ཐེངས་འདིའི་ལུས་རྩལ་འགྲན་ཚོགས་ནི1990ལོར་པེ་ཅིན་དུ་ཨེ་ཤ་ཡའི་ལུས་རྩལ་འགྲན་ཚོགས་སྐབས་བཅུ་གཅིག་པ་འཚོགས་ནས་ལོ་ངོ༢༠འགོར་རྗེས་ཡང་བསྐྱར་ཀྲུང་གོའི་རྒྱལ་ཁབ་ཏུ་འཚོགས་པའི་ཨེ་ཤ་ཡའི་ལུས་རྩལ་འགྲན་ཚོགས་ཡིན་ཞིང་།2008ལོར་པེ་ཅིན་དུ་ཨའོ་རྩལ་འགྲན་ཚོགས་འཚོགས་རྗེས་རང་རྒྱལ་གྱིས་གཉེར་བའི་ཕྱོགས་བསྡུས་རང་བཞིན་གྱི་ལུས་རྩལ་འགྲན་ཚོགས་ཤིག་ཀྱང་ཡིན།