སེམས་མཐུན་ཕྱོགས་མཐུན་གྱི་བྱེད་སྒོ་ལག་ལེན་དུ་བསྟར་ཏེ་སྤྱི་ཚོགས་བདེ་འཇགས་དང་འཆམ་མཐུན་ཡོང་བའི་ཆེད་དུ།ཟླ་བ3པའི་ཚེས24ཉིན་ལ་དཀར་མཛེས་ཚགས་པར་ཁང་གི་ཏང་ཨུ་ཧྲུའུ་ཅི་དང་ཧྲེ་ཀྲང་ཨ་ལེན་གྱིས་འགོ་ཁྲིད་མཛད་པའི་ལས་དོན་ཚོ་ཆུང་སྡེ་དགེ་རྫོང་གི་དབེན་ཐོག་ཤང་གི་སྨན་རྒྱལ་དགོན་དུ་སོང་ནས་སེམས་མཐུན་ཕྱོགས་མཐུན་གྱི་བྱེད་སྒོ་སྤེལ་བ་རེད། བྱེད་སྒོ་སྤེལ་བའི་ཁྲོད་དུ་དགོན་པའི་བླ་སྤྲུལ་དང་གྲྭ་པ་རྣམས་དང་བཞུགས་མོལ་ཚོགས་འདུ་འཚོགས་ནས་དགོན་པའི་ཉེ་ཆའི་གནས་ཚུལ་ལ་འདྲི་རྟོགས་བྱས་ཤིང་། ཐེངས་སྔོན་མའི་རིག་དངོས་སྲུང་སྐྱོང་ལས་གཞིའི་མ་དངུལ་འགྲོ་སོང་བཏང་ཚུལ་དང་དགོན་པའི་འདུ་ཁང་འཛུགས་སྐྲུན་བྱས་ཚུལ་ལ་རྒྱུས་ལོན་བྱས་པ་དང་།དགོན་པའི་བླ་སྤྲུལ་དང་མཁན་པོ།གྲོང་སྡེའི་འགོ་ཁྲིད་དང་མཉམ་དུ་རིག་དངོས་སྲུང་སྐྱོང་སྐོར་གྱི་གནད་དོན་དང་དགོན་པའི་དོ་དམ་སྐོར་གྱི་དྲན་འཆར།དགོན་པ་དང་གྲོང་སྡེ་བར་གྱི་ཞི་མཐུན།ད་ལམ་གྱི་དཀའ་ངལ་གཙོ་བོ་བཅས་སྐོར་ཁ་བརྡ་དང་བགྲོ་གླེང་བྱས་ཏེ་ཕྱིན་ཆད་ཀྱི་ལས་དོན་ལ་ཁ་ཕྱོགས་གསལ་བསྟན་བྱས་པ་རེད།དེ་མིན་དགོན་པའི་གྲྭ་བཙུན་དང་མི་སེར60ཙམ་ལ་རིག་དངོས་སྲུང་སྐྱོང་བྱ་རྒྱུའི་སྐོར་ལ་སྒྲོག་འགྲེལ་བྱས་པས་དགའ་བསུ་ཆེན་པོ་ཐོབ།