ཉེ་ཆར།ཉག་རོང་རྫོང་སྲིད་གྲོས་ཀྱིས་མང་ཚོགས་ལམ་ཕྱོགས་སློབ་གསོ་ལག་བསྟར་བྱེད་སྒོའི་སྐུལ་སློང་ཚོགས་འདུ་འཚོགས་ཤིང་། ཚོགས་འདུའི་ནང་རྫོང་ཨུ་ཧྲུའུ་ཅི་དང་དམངས་ཆེན་ཀྲུའུ་རེན།  རྫོང་མང་ཚོགས་ལམ་ཕྱོགས་ཀྱི་ལྟ་སྐུལ་སློབ་སྟོན་ཚོ་ཆུང་གི་མི་སྣ50ལྷག་ཙམ་ཚོགས་འདུ་ནང་དུ་ཞུགས་པ་རེད། སྐབས་འདིའི་ཚོགས་འདུ་ནི་སྔོན་མའི་ཚོགས་འདུ་ཐམས་ཅད་དང་མི་འདྲ་སྟེ། གཙོ་བོ་ཏང་ཡོན་ལས་བྱེད་པ་དང་ལས་ཁུངས་ཀྱི་འགོ་ཁྲིད་རྣམས་ཀྱི་སྤྱོད་ཚུལ་ངན་པ་བཞི་སྟེ་ཕྱི་ཚུལ་རིང་ལུགས་དང་དཔོན་ཉམས་རིང་ལུགས། སྐྱིད་འདོད་རིང་ལུགས། བག་མེད་ཆུད་ཟོས་ཀྱི་སྤྱོད་པ་བཅས་ལ་དམིགས་ནས།  ཚོགས་ཆེན་ཐོག་ངོ་དངོས་སུ་ཐུག་སྟེ་རང་ཉིད་ཀྱི་མི་འདང་སར་རང་སྐྱོན་རང་བརྗོད་དང་གཞན་གྱིས་རང་གི་སྐྱོན་བརྗོད་པ་ལ་ཁས་ལེན་བྱེད་པ་དང་། རྗེས་སུ་མང་ཚོགས་ལས་ཀ་སྒྲུབ་སྐབས་ཀུན་སྤྱོད་དག་བཅོས་བྱེད་ཐབས་ཀྱང་གསལ་པོ་སྟོན་པ་རེད། རྫོང་སྲིད་གྲོས་ཀྱི་མང་ཚོགས་ལམ་ཕྱོགས་དང་གཞི་རིམ་རྩ་འཛུགས་འཛུགས་སྐྲུན་ལོ། ཁྲིམས་སྐྱོང་ཅན་གྱི་ཉག་རོང་། མང་ཚོགས་ལས་ཀ་ཕྱོགས་ཡོངས་སུ་ཁྱབ་པ་བཅས་ཀྱི་བྱེད་སྒོ་དང་ཟུང་འབྲེལ་བྱས་པ་མ་ཟད།སྲིད་གྲོས་རང་ཉིད་ཀྱི་ལས་ཀ་ཡོངས་དང་ཟུང་འབྲེལ་དམ་པོ་བྱས་ནས2014ལོར་སྲིད་གྲོས་ཀྱི་མང་ཚོགས་ལས་ཀ་སྔ་ལས་གཏིང་ཇེ་ཟབ་གཏོང་བར་སྲ་བརྟན་ཅན་གྱི་རྨང་གཞི་བཞག་པ་རེད།