ཞི་ཅིན་ཕིང་དང་ལི་ཁེ་ཆང་གིས་གསུང་བཤད་གལ་ཆེན་གནང་། ཀྲང་ཏེ་ཅང་།ཡུས་ཀྲེང་ཁྲེང་།ལིའུ་ཡུན་ཧྲན། ཝང་ཆིས་ཧྲན།ཀྲང་ཀའོ་ལི་བཅས་ཚོགས་འདུར་ཞུགས་ཡོད།
སང་ལོའི་དཔལ་འབྱོར་ལས་དོན་གྱི་ལས་འགན་གཙོ་བོ།
༄༅།།དཔལ་འབྱོར་བརྟན་བརླིང་ངང་འཕར་སྣོན་གཏོང་གང་ཐུབ་བྱ་རྒྱུ།
༄༅།།འཕར་སྣོན་གཏོང་ས་གསར་པ་གསོ་སྐྱོང་ཧུར་ཐག་བྱ་རྒྱུ།
༄༅།།ཞིང་ལས་འཕེལ་རྒྱས་གཏོང་སྟངས་ཇེ་མགྱོ གས་སུ་བསྒྱུར་དགོས།
༄༅།།དཔལ་འབྱོར་འཕེལ་རྒྱས་ཀྱི་གཞི་ཁྱོན་ཆགས་ཚུལ་ལེགས་ཕྱོགས་སུ་བསྒྱུར་དགོས།
༄༅།།དམངས་འཚོ་ལས་དོན་ལ་འགན་སྲུང་དང་ལེགས་བཅོས་བྱེད་ཤུགས་ཆེ་རུ་གཏང་རྒྱུ།
མི་དམངས་དྲ་བ་ཐོག་ནས་གནས་ཚུལ་འབྱོར་གསལ།ཟླ་བ12ཚེས་9ཉིན་ནས་ཚེས11ཉིན་བར་ཀྲུང་དབྱང་གི་དཔལ་འབྱོར་ལས་དོན་གྲོས་ཚོགས་པེ་ཅིང་དུ་འཚོགས།ཞི་ཅིན་ཕིང་གིས་གྲོས་ཚོགས་ཐོག་གསུང་བཤད་གལ་ཆེན་གནང་ནས་མིག་སྔའི་རྒྱལ་ཁབ་ཕྱི་ནང་གི་དཔལ་འབྱོར་གནས་བབ་ལ་དབྱེ་ཞིབ་དང་།2014ལོའི་དཔལ་འབྱོར་ལད་དོན་ཕྱོགས་བསྡོམས་གནང་བར་མ་ཟད།2015ལོའི་དཔལ་འབྱོར་ལས་དོན་སྤྱི་ཡོངས་ཀྱི་བླང་བྱ་དང་ལས་འགན་གཙོ་བོའང་བཏོན་གནང་བ་རེད།ལི་ཁེ་ཆང་གིས་གསུང་བཤད་གནང་སྐབས་སང་ལོའི་སྤྱི་ཁོག་དཔལ་འབྱོར་གྱི་སྲིད་ཇུས་ལེན་ཕྱོགས་ཞིབ་པར་གསུངས་པ་དང་།སང་ལོའི་དཔལ་འབྱོར་དང་སྤྱི་ཚོགས་འཕེལ་རྒྱས་གཏོང་རྒྱུའི་གཙོ་གནད་ལས་དོན་སྐོར་བཀོད་སྒྲིག་ཞིབ་ཕྲ་གནང་བར་མ་ཟད་ཕྱོགས་བསྡོམས་ཀྱི་གསུང་བཤད་ཀྱང་གནང་བ་རེད། ཀྲང་ཏེ་ཅང་།ཡུས་ཀྲེང་ཁྲེང་།ལིའུ་ཡུན་ཧྲན། ཝང་ཆིས་ཧྲན།ཀྲང་ཀའོ་ལི་བཅས་ཚོགས་འདུར་ཞུགས་ཡོད།
གྲོས་ཚོགས་ཐོག་བསྟན་དོན།ད་ལོ་ནས་བཟུང་རྙོག་འཛིང་ཆེ་ཞིང་འགྱུར་བ་མང་བའི་རྒྱལ་སྤྱིའི་གནས་བབ་དང་དཀའ་ཚེགས་ཆེ་ཞིང་ལྕི་བའི་རྒྱལ་ནང་བཅོས་བསྒྱུར་འཕེལ་རྒྱས་བརྟན་བརླིང་བྱ་རྒྱུའི་ལས་འགན་ལ་དམིགས་ནས་ང་ཚོས་ན་ནིང་ལོའི་ཀྲུང་དབྱང་དཔལ་འབྱོར་ལས་དོན་གྲོས་ཚོགསཀྱི་ཐབས་ཇུས་དང་བཀོད་སྒྲིག་ལག་བསྟར་མཐར་ཕྱིན་དང་།ཏང་གིས་དཔལ་འབྱོར་ལས་དོན་ལ་འགོ་ཁྲིད་བྱེད་ཤུགས་ཆེར་བྱས་པ་དང་ལེགས་བཅོས།འཕེལ་རྒྱས་ཀྱི་འཕེལ་ཕྱོགས་ཆེན་པོ་ཁོང་ཆུད་དམ་འཛིན།བརྟན་པོའི་ངང་ཡར་རྒྱས་བརྩོན་ལེན་བྱ་རྒྱུའི་སྤྱིའི་ལས་སྒྲུབ་བྱེད་སྟངས་མཐའ་འཁྱོངས།ཁྱོན་ཡོངས་ནས་བཅོས་བསྒྱུར་ཟབ་སྤེལ།སྤྱི་ཁོག་སྲིད་ཇུས་ཀྱི་རྒྱུན་མཐུད་རང་བཞིན་དང་བརྟན་པོའི་རང་བཞིན་རྒྱུན་འཁྱོངས།སྤྱི་ཁོག་སྙོམས་སྒྲིག་གི་བསམ་ཕྱོགས་དང་བྱེད་སྟངས་གསར་གཏོད།དམིགས་ས་ཡོད་པའི་སྒོ་ནས་སྔོན་གྱི་སྙོམས་སྒྲིག་དང་སྙོམས་སྒྲིག་ཆུང་རྩག་བཅས་བྱས་ཏེ་ཏན་ཏིག་ངང་ལས་དོན་ཁག་ལེགས་པར་བསྒྲུབས་ནས་དཔལ་འབྱོར་དང་སྤྱི་ཚོགས་རྒྱུན་མཐུད་ངང་འཕེལ་རྒྱས་བརྟན་པོ་འགྲོ་བ་མངོན་འགྱུར་བྱུང་བ་དང་།ལོ་ཧྲིལ་པོའི་དམིགས་ཡུལ་དང་ལས་འགན་གཙོ་བོ་ལེགས་ཙམ་སྒྲུབ་ཐུབ་པའི་རེ་བ་ཡོད་ཅིང་།དཔལ་འབྱོར་འཁོར་སྐྱོད་ལུགས་མཐུན་གྱི་བར་མཚམས་སུ་གནས་པ་དང་།དཔལ་འབྱོར་གྲུབ་ཚུལ་ལེགས་སྒྲིག་བྱེད་པའི་ཐད་དགེ་མཚན་ལྡན་པའི་འགྱུར་ལྡོག་བྱུང་ལ།བཅོས་བསྒྱུར་སྒོ་འབྱེད་ཟབ་སྤེལ་བྱེད་པའི་ཐད་འཕེལ་རྒྱས་གལ་ཆེན་བྱུང་བར་མ་ཟད།མི་དམངས་ཀྱི་འཚོ་བའི་ཆུ་ཚད་ཀྱང་མཐོ་རུ་ཕྱིན་ཡོད།དེ་དང་དུས་མཚུངས་སུ་རང་རྒྱལ་གྱི་དཔལ་འབྱོར་འཁོར་སྐྱོད་བྱེད་པའི་མདུན་དུའང་དཀའ་ངལ་དང་འགྲན་སློང་མང་པོ་ལྷགས་ཡོད་པ་སྟེ།དཔལ་འབྱོར་མར་ཆག་པའི་གནོན་ཤུགས་ཆེ་ཙམ་ཡོད་པ་དང་།གྲུབ་ཚུལ་ལེགས་སྒྲིག་བྱེད་པའི་ཐད་གནས་སྐབས་དཀའ་གནས་སུ་ལྷུང་བའི་གནས་ཚུལ་མངོན་པ།ཁེ་ལས་ཀྱིས་ཐོན་སྐྱེད་གཉེར་སྐྱོང་བྱེད་པའི་ཐད་ཀྱི་དཀའ་ངལ་མང་དུ་སོང་བ།དཔལ་འབྱོར་ཐད་ཀྱི་ཉེན་ཁ་ཁ་ཤས་མངོན་པ་སོགས་རེད།
གྲོས་ཚོགས་ཐོག་ངོས་འཛིན་བྱས་དོན།འཛམ་གླིང་གི་དཔལ་འབྱོར་སྔར་བཞིན་རྒྱལ་སྤྱིའི་དངུལ་རྩའི་ཉམས་ཉེན་བྱུང་རྗེས་ལེགས་སྒྲིག་གཏིང་ཟབ་པོ་བྱེད་པའི་དུས་སྐབས་སུ་གནས་བཞིན་ཡོད་པ་དང་།སང་ལོར་དཔལའབྱོར་འཕར་སྣོན་འགྲོ་བའི་མྱུར་ཚད་བསྐྱར་དུ་ཅུང་མགྱོ གས་སུ་འགྲོ་སྲིད།འོན་ཀྱང་སྤྱི་ཡོངས་ནས་བསྐྱར་དར་བྱུང་བའི་གནས་ཚུལ་ལེགས་ཕྱོགས་སུ་མངོན་གསལ་འགྲོ་དཀའ་བ་དང་།རྒྱལ་སྤྱིའི་དངུལ་རྩའི་ཚོང་རར་གཡོ་འགུལ་ཆེ་རུ་འགྲོ་སྲིད་ཅིང་།རྒྱལ་སྤྱིའི་ཚོང་ཟོག་འབོར་ཆེན་གྱི་རིན་གོང་འཕར་ཆག་འབྱུང་སྲིད་པ་དང་།ས་བབ་ཐད་ཀྱི་འབྲེལ་བ་དང་ཆབ་སྲིད་སོགས་དཔལ་འབྱོར་གྱི་རྒྱུ་རྐྱེན་མིན་པའི་ཤུགས་རྐྱེན་ཐེབས་ཤུགས་ཆེ་རུ་འགྲོ་སྲིད་པས།ཁེ་ཕྱོགས་འཚེ་འབྱོལ་དང་བབ་དང་བསྟུན་ཐབས་བྱས་ནས་ཉེན་ཁ་སྣ་ཚོགས་འགོག་ཐབས་བྱ་དགོས།