ཀྲུང་གོའི་བོད་ཀྱི་དྲ་བའི་འཕྲིན། ཉེ་སྔོན་གསར་འགོད་པས་བོད་རང་སྐྱོང་ལྗོངས་ཏང་ཨུའི་འཐབ་ཕྱོགས་གཅིག་གྱུར་པུའུ་དང་། རང་སྐྱོང་ལྗོངས་ཆོས་ལུགས་གཞུང་སྒྲུབ་ཁང་ནས་རྒྱུས་ལོན་པ་ལྟར་ན། བོད་ལྗོངས་ཀྱིས་དགོན་སྡེ་སྤྱི་ཚོགས་རྩ་འཛུགས་ཀྱི་གཞི་རྩ་རུ་བཟུང་ནས། རྒྱ་ཆེ་གྲྭ་བཙུན་རྣམས་སྤྱི་དམངས་ཕལ་བ་དང་རྩ་བའི་མང་ཚོགས་སུ་རྩིས་ནས། གྲྭ་བཙུན་རྣམས་ཀྱི་བྱ་བ་མང་ཚོགས་བྱ་བའི་ཆ་ཤས་ལྟར་སྒྲུབ་པ་བཅས་རྒྱུན་འཁྱོངས་བྱས་ཏེ། དགོན་སྡེའི་སྤྱི་བའི་ཞབས་ཞུ་ནུས་བ་ཇེ་མཐོར་བཏང་བ་དང་། དགོན་སྡེའི་རྨང་གཞི་སྒྲིག་ཆས་དང་སྤྱི་བའི་ཞབས་ཞུའི་ཆ་རྐྱེན་ཇེ་ལེགས་སུ་བཏང་བ་རེད།

ད་ལོའི་སྤྱི་ཟླ9བའི་བར། བོད་ལྗོངས་ཀྱིས་དགོན་སྡེ1299ལ་ལམ་བཟོས་པ་དང་། དགོན་སྡེ1178ལ་གློག་འཐེན་པ། དགོན་སྡེ1310ལ་ཆུ་འཐེན་པ། དགོན་སྡེ971ལ་རྒྱང་སྒྲོག་བརྙན་འཕྲིན་འཐེན་པ་དང་། དགོན་སྡེ1751ལ་འཕྲིན་གཏོང་ཁེབས་པ་མངོན་འགྱུར་བྱས། དགོན་སྡེ་ལ་སྟབས་བདེ་བསྐྲུན་པ་དང་གྲྭ་བཙུན་ལ་ཕན་པའི་གནད་དོན་འདི་དག་དངོས་འབེབས་བྱས་པ་དང་བསྟུན་ནས། དགོན་སྡེའི་གྲྭ་བཙུན་རྣམས་ཀྱིས་རེ་བ་བྱེད་བཞིན་ཡོད་ལ། ཆེས་ཐད་ཀར་དང་མངོན་སུམ་ཡིན་པའི་གནད་དོན་དག་ཕན་ནུས་ལྡན་པའི་ངང་ཐག་གཅོད་བྱས་པ་རེད།  །