ཉེ་ལམ། 2013ལོའི《པའོ་ཀང་སློབ་གསོའི་བྱ་དགའ》དཔྱད་འདེམས་དང་བྱ་དགའ་སྟེར་བའི་ཚོགས་འདུ་ཧྲང་ཧེ་རུ་སྤེལ་བ་དང་། བོད་ལྗོངས་སློབ་ཆེན་གྱི་དགེ་སློབ་མང་པོ་ཞིག་ལ་བྱ་དགའ་ཐོབ་ཡོད་པ་རེད།
      ཤེས་རྟོགས་བྱུང་བ་ལྟར་ན། ཐེངས་འདིའི《པའོ་ཀང་སློབ་གསོའི་བྱ་དགའ》དཔྱད་འདེམས་ཁྲོད་བོད་ལྗོངས་སློབ་ཆེན་སྒྱུ་རྩལ་སློབ་གླིང་གི་དགེ་རྒན་ཆེན་མོ་བ་ཇོ་དཀར་ལ་པའོ་ཀང་ཕུལ་བྱུང་དགེ་རྒན་གྱི་དམིགས་བསལ་བྱ་དགའི་མཚན་སྙན་ཐོབ་པ་དང་། བོད་ལྗོངས་སློབ་ཆེན་བཟོ་ལས་སློབ་གླིང་གི་དངོས་གཞིའི་སློབ་མ་ཀྲང་ཝེ་ཅིང་ལ་པའོ་ཀང་ཕུལ་བྱུང་གི་སློབ་མའི་བྱ་དགའ་ཐོབ་ཡོད་པ་རེད། དེ་མིན་བོད་ལྗོངས་སློབ་ཆེན་བཟོ་ལས་སློབ་གླིང་གི་དགེ་རྒན་ཆེན་མོ་བ་གཞོན་པ་རིན་ཆེན་ནོར་བུ་ལ་པའོ་ཀང་ཕུལ་བྱུང་དགེ་རྒན་གྱི་བྱ་དགའ་ཐོབ་པ་དང་། ལེའུ་ཡང་དང་། ཐན་ཀྲེ་ཧང་། སྐལ་བཟང་དབང་མོ། ཀྲའོ་ཡིས་ཙུན་བཅས་སློབ་མ་བཞི་ལ་པའོ་ཀང་ཕུལ་བྱུང་སློབ་མའི་བྱ་དགའ་ཐོབ་ཡོད་པ་རེད།