གསར་འགོད་པས་སྤྱི་ཟླ11པའི་ཚེས29ཉིན་བོད་རང་སྐྱོང་ལྗོངས་ཀྱི་འཕེལ་རྒྱས་དང་བཅོས་བསྒྱུར་ཨུ་ཡོན་ལྷན་ཁང་ནས་རྒྱུས་ལོན་པ་ལྟར་ན།མིག་སྔའི་བར་དུ་བོད་ལྗོངས་སུ་བསྡོམས་པས་རོང་འབྲོག་པའི་ཁྱིམ་ཚང་ཁྲི20ལྷག་གིས་རྫབ་རླངས་ནུས་ཁུངས་བེད་སྤྱོད་བྱེད་བཞིན་ཡོད།
བོད་རང་སྐྱོང་ལྗོངས་འཕེལ་རྒྱས་དང་བཅོས་བསྒྱུར་ཨུ་ཡོན་ལྷན་ཁང་གི་འབྲེལ་ཡོད་འགན་ཁུར་མི་སྣས་བཤད་རྒྱུར།2006ལོར།བོད་ལྗོངས་ཀྱི་ཞིང་སྡེའི་རྫབ་རླངས་འཛུགས་སྐྲུན་རྣམ་གྲངས་དངོས་སུ་ལས་འགོ་ཚུགས་ཤིང་།དེ་ལས་རྣམས་གྲངས་ས་ཁུལ་གྱི་རོང་འབྲོག་མང་ཚོགས་རྣམས་ཀྱིས་འཚོ་བའི་ཁྲོད་ནུས་ཁུངས་བེད་སྤྱོད་བྱེད་པའི་གནད་དོན་ཐག་བཅད་པ་མ་ཟད།རོག་འབྲོག་མང་ཚོགས་ཀྱི་ཐོན་སྐྱེད་དང་འཚོ་བའི་ཆ་རྐྱེན་ཡང་ཇེ་ལེགས་སུ་བཏང་།དེ་མིན་འདེབས་འཛུགས་དང་གསོ་སྤེལ་ལས་རིགས་འཁོར་རྒྱུག་ལེགས་པོ་བྱེད་པ་དང་།ཞིང་སྡེའི་སྐྱེ་ཁམས་ཁོར་ཡུག་སྲུང་སྐྱོབ་དང་འཛུགས་སྐྲུན་བྱེད་པར་སྐུལ་འདེད་བྱས།དེའི་ཁྲོད།ལོ་རེར་ཁྱིམ་ཚམ་རེས་འབར་རྫས་འགྲོ་གྲོན་སྒོར1000ལྷག་གྲོན་ཆུང་བྱེད་ཐུབ་ཟེར།
དེ་ལས་གཞན།ཉེ་བའི་ལོ་འགའི་རིང་ནུས་ཁུངས་བཟོ་འགོད་ལག་བསྟར་བྱས་པ་བརྒྱུད།བོད་ལྗོངས་ཀྱི་སྣུམ་དང་།གློགཉི་འོད་ནུས་ཁུངས་སོགས་སྲོལ་རྒྱུན་མ་ཡིན་པའི་ནུས་ཁུངས་བེད་སྤྱོད་བྱེད་ཚད2006ལོའི0.12%ནས2012ལོའི8.55%ལ་འཕར་ཡོད་དེ།དེ་ལས་གྲོང་ཁྱེར་དང་གྲོང་རྡལ་མང་ཚོགས་ཀྱིས་བུད་ཤིང་དང་།ལྕི་བ།རྩི་ཤིང་།སོགས་སྲོལ་རྒྱུན་བུད་ཤིང་ནུས་ཁུངས་བེད་སྤྱོད་བྱེད་ཚད་ཇེ་ཉུང་དུ་བཏང་སྟེ།བོད་ལྗོངས་ཀྱི་དྭངས་ཞིང་གཙང་བའི་ཆུ་བོ་དང་མཁའ་དབུགས་སྲུང་སྐྱོབ་བྱེད་ཐུབ་པ་རེད།  །