ཉེ་ཆར།སྐབས་དྲུག་པའི་རི་མཐོན་པོའི་ལས་རིགས་ལག་རྩལ་ཤེས་བྱའི་ཟབ་སྦྱོང་འཛིན་གྲྭ་ལྷ་ས་རུ་སྤེལ་བ་དང་།བོད་ལྗོངས་རི་འཛེག་རུ་ཁག་དང་བོད་ལྗོངས་རི་འཛེག་ལུས་རྩལ་དོ་དམ་ལྟེ་གནས།བོད་ལྗོངས་རི་འཛེག་སློབ་གྲྭབོད་ལྗོངས་གནས་རི་མྱུལ་དཔྱད་ཀུང་ཟི་བཅས་ནས་ཡོང་བའི་ལས་ཞུགས་མི་སྣ150ལ་ཉེ་བ་ཟླ་གཅིག་རིང་མཉམ་བསྡུས་སློབ་སྦྱོང་དང་ཟབ་སྦྱོང་།སྦྱོང་བརྡར་བཅས་ནང་ཞུགས་རྒྱུ་ཡིན་པ་རེད།
ཤེས་རྟོགས་བྱུང་བར།ཟབ་སྦྱོང་གི་གྲུབ་འབྲས་ལ་འགན་ལེན་དང་བོད་ལྗོངས་རི་འཛེག་ཀྱི་དམིགས་བསལ་གྱི་དགེ་མཚན་འབུར་ཐོན་ཡོང་ཆེད།ད་ཐེངས་ཀྱི་ཟབ་སྦྱོང་ནང་དོན་ལེགས་སྒྲིག་བྱས་ཡོད་པ་དང་རིག་གཞུང་གི་སློབ་སྦྱོང་ཐད་མཐོང་ཆེན་བྱས་ཡོད་ལ་དོན་དངོས་ཀྱི་སྦྱོང་བརྡར་འབུར་དུ་ཐོན་ཏེ་ལུས་སྦྱོང་ལ་ཡང་མཐོང་ཆེན་བྱས་ཡོད་པ་རེད།ཟབ་སྦྱོང་ནང་རི་མཐོན་པོའི་པར་ལེན་དང་རི་མཐོན་པོའི་གསོ་རིགརི་མཐོན་པོའི་གནམ་གཤིས།ཁོར་ཡུག་སྲུང་སྐྱོང་།ཕྱི་རོལ་གྱི་རོགས་སྐྱོབ།བོད་ལྗོངས་ཀྱི་ལོ་རྒྱུས།སྐར་རྩིས།ཕྱི་དོན་གྱི་སྒྲིག་ཁྲིམས་སོགས་ཁོངས་གཏོགས་ཀྱི་རྒྱལ་ནང་གི་ཆེད་མཁས་པ་གྲགས་ཅན་དམིགས་བསལ་གྱིས་གདན་ཞུ་གནང་ནས་སློབ་ཁྲིད་བྱེད་རྒྱུ་རེད།
ངོ་སྤྲོད་གནང་བ་ལྟར་ན།2008ལོར་ཟབ་སྦྱོང་གི་འཛིན་གྲྭ་ཐོག་མ་གཉེར་བའི་ཚུན།བོད་རང་སྐྱོང་ལྗོངས་ལུས་རྩལ་ཅུའི་ཡིས་རི་མཐོན་པོའི་ལས་རིགས་ལག་རྩལ་ཤེས་བྱའི་ཟབ་སྦྱོང་འཛིན་གྲྭ་སྐབས་ལྔ་བདེ་བླག་ངང་སྤེལ་བས་ཚན་རིག་དང་མཐུན་པའི་ཟབ་སྦྱོང་གི་རྣམ་པ་དང་ཕུན་སུམ་ཚོགས་པའི་ལས་ཀའི་ཉམས་མྱོང་གསོག་ཐུབ་པ་བྱུང་ནས་རི་འཛེག་ལུས་རྩལ་པ་མང་པོ་ཞིག་གསོ་སྦྱོང་བྱས་ཡོད་པ་རེད།  །