ཚོགས་རའི་ཟུར་ཞིག
 　　ཟླ11ཚེས27ཉིན། མཚོ་སྔོན་དགེ་ཐོན་སློབ་ཆེན་གྱི་སྐབས་དང་པོའི་བོད་ཀྱི་སྐད་ཡིག་རིག་གནས་དུས་ཆེན་ལས“བོད་ཀྱི་ཤེས་རིག་གླེང་སྟེགས”ཞེས་པའི་མུ་འབྲེལ་བྱ་འགུལ་ལས་འབུམ་རམས་པའི་བོད་ཀྱི་ཤེས་རིག་གླེང་སྟེགས་ཁག་གཉིས་པ་དེ་སློབ་གྲྭ་དེ་གར་བདེ་ལེགས་ངང་སྤེལ། ཐེངས་འདིར་འཆད་ཁྲིད་གནང་མཁན་ནི་མཚོ་སྔོན་དགེ་ཐོན་སློབ་ཆེན་མི་རིགས་དགེ་ཐོན་སློབ་གླིང་བོད་ཀྱི་སྐད་ཡིག་དང་རྩོམ་རིག་སྡེ་ཁག་གི་དགེ་རྒན་ཆེན་མོ། འབུམ་རམས་པ་མགོན་པོ་ཚེ་རིང་ཡིན་ལ། ཁོང་གིས་པཎ་ཆེན་སྐུ་ཕྲེང་བཅུ་བའི་གྲུབ་མཐའ་རིས་མེད་ཀྱི་དགོངས་པར་དཔྱད་པ་ཞེས་པ་བརྗོད་གཞིར་བཟུང་ནས་བོད་དུ་གྲུབ་མཐའ་རིས་མེད་མེད་པ་ནས་ཡོད་པ་དང་། ཡོད་པ་ནས་འཕེལ་རྒྱས་སོང་བའི་སྐོར་དང་། པཎ་ཆེན་སྐུ་ཕྲེང་བཅུ་བ་མཆོག་གི་མཛད་པ་དང་འབྲེལ་ནས་ཁོང་གིས་གྲུབ་མཐའ་རིས་མེད་ལག་ལེན་གནང་བའི་ཕྱོགས་གཙོ་བོར་བཟུང་ནས་འཆད་ཁྲིད་གནང་། མཐར་དགེ་རྒན་ཆེན་མོ་སྟོབས་ལྡན་གྱིས་ཐེངས་འདིའི་འཆད་ཁྲིད་ལ་ཕྱོགས་གསུམ་ནས་གདེང་འཇོག་ཆེན་པོ་བྱས།