ཀྲུང་གོ་བོད་ཀྱི་དྲ་བའི་འཕྲིན།མང་ཚོགས་ཀྱི་རིག་གནས་འཚོ་བ་ཕུན་སུམ་ཇེ་ཚོགས་སུ་གཏོང་ཆེད། མཚོ་སྔོན་ཞིང་ཆེན་མཚོ་ལྷོ་བོད་རིགས་རང་སྐྱོང་ཁུལ་ཁྲི་ཀ་རྫོང་རིག་གནས་ལུས་རྩལ་རྒྱང་སྒྲོག་བརྙན་འཕྲིན་ཅུའུ་ཡིས་མུ་མཐུད་དུ་རིག་གནས་གྲོང་སྡེ་དང་ཁྱིམ་ཚང་དུ་བསྐྱོད་པའི་བཟོ་སྐྲུན་བཟང་བོར་སྤེལ་ནས། སྟག་ལུང་སྡེ་བ་སོགས་སྡེ་བ་བརྒྱད་ལ་རིན་ཐང་སྒོར་འབུམ་གཉིས་དང་ཁྲི་གཉིས་ཀྱི་རོལ་ཆས་དང་འཁྲབ་སྟོན་གྱོན་ཆས། མིག་མངས་སོགས་རིག་གནས་ལུས་རྩལ་ཡོ་བྱད་བྱིན།
རྒྱུས་ལོན་བྱུང་བ་ལྟར་ན། ཐེངས་འདིར་སྒྲིག་ཆས་སྐོར་ཞིག་བྱིན་པ་དེས། ཁྲི་ཀ་རྫོང་གི་རོང་འབྲོག་ཁུལ་གྱི་རིག་གནས་བྱ་འགུལ་སྒྲིག་ཆས་ཆ་རྐྱེན་ཇེ་ལེགས་སུ་བཏང་ནས། རྒྱ་ཆེའི་མང་ཚོགས་ཀྱི་རིག་གནས་ཐད་ཀྱི་དགོས་མཁོ་བསྐངས་བ་དང་། མང་ཚོགས་ཀྱི་བསམ་པའི་རིག་གནས་འཚོ་བ་ཕུན་སུམ་ཇེ་ཚོགས་སུ་བཏང་བར་མ་ཟད། རྫོང་ཡོངས་ཀྱི་རོང་འབྲོག་ཁུལ་གྱི་རིག་གནས་ཞབས་ཞུའི་སྒྲིག་ཆས་སྔར་ལས་འཐུས་ཚང་དུ་བཏང་ནས། ཞིང་སྡེའི་རིག་གནས་སྣང་ཚུལ་བཟང་བོ་བསྐྲུན། །