《རེབ་གོང་མཚར་ཉམས》ཞེས་པའི་ཟློས་གར་གྱི་པར་རིས།

　　ཟླ10པའི་ཚེས26ཉིན། སྐབས་བཅུ་པའི་ཀྲུང་གོའི་སྒྱུ་རྩལ་དུས་ཆེན་ཧྲན་ཏུང་དུ་མཇུག་བསྡུས་ཤིང་། མཚོ་སྔོན་ཞིང་ཆེན་གྱི་ཟློས་གར་རྣམ་གྲངས《རེབ་གོང་མཚར་ཉམས》ཞེས་པ་དང《གཙོད》ཅེས་པ་གཉིས་ལ་སྐབས་བཅུ་བཞི་པའི་ཝུན་ཧྭ་རྟགས་མའི་བྱ་དགའ་ཐོབ་པ་རེད། 
　　《རེབ་གོང་མཚར་ཉམས》དང《གཙོད》ཅེས་པ་ནི་མཚོ་སྔོན་ཞིང་ཆེན་གྱིས་ནུས་ཤུགས་ཡོད་རྒུས་རྩོམ་སྒྲིག་འཁྲབ་ཁྲིད་བྱས་པའི་བརྩམས་ཆོས་མཆོག་ཏུ་གྱུར་པ་གཉིས་ཡིན་ཞིང་། མཚོ་སྔོན་ཞིང་ཆེན་གྱི་དེང་དུས་ཀྱི་རིག་གནས་སྒྱུ་རྩལ་གསར་རྩོམ་གྱི་ཆེས་མཐོ་བའི་ཆུ་ཚད་མཚོན་ལ། ཉེ་བའི་ལོ་ནང་རིག་གནས་སྒྱུ་རྩལ་གསར་རྩོམ་ཐད་བླངས་པའི་སྨིན་འབྲས་དང་ཡིད་དུ་འོང་བའི་མཚོ་སྔོན་གྱི་རིག་གནས་གཟི་དཔལ་མངོན་པས། རྒྱ་ཆེའི་གཟིགས་མོ་བ་རྣམས་ཀྱི་དགའ་བསུ་ཆེན་པོ་ཐོབ་ཀྱིན་ཡོད་པ་རེད།