ཞིན་ཧྭ་གསར་འགྱུར་ཁང་ལན་གྲུ་ནས་ཉེ་ཆར་འབྱོར་བའི་གཏམ་གསར། ཀན་སུའུ་སློབ་གསོ་ཐིང་ནས་ཤེས་རྟོགས་བྱུང་བར་གཞིགས་ན། ཀན་སུའུ་མིན་རྫོང་དང་ཀྲང་རྫོང་གནོད་སྐྱོན་ཐེབས་ཁུལ་གྱི་སློབ་གྲྭའི་དགུན་དུས་བསྐྱལ་བའི་གནད་དོན་ཐག་གཅོད་བྱེད་ཆེད། སློབ་གསོ་པུས་ཀྲུང་གོའི་སློབ་གསོ་འཕེལ་རྒྱས་ཐེབས་རྩ་ཚོགས་པ་ནས་སྒོར་ཁྲི600ཀན་སུའུ་ཞིང་ཆེན་གྱི་གནོད་སྐྱོན་ཐེབས་ཁུལ་ལ་བབ་བསྟུན་གྱི་རྒུད་སྐྱོབ་མ་དངུལ་མཐུན་སྦྱོར་བྱས་ཞིང་། མིག་སྔར་མ་དངུལ་བཏང་སྟེ་ལག་ཏུ་ཐོན་པ་རེད།
    ད་ལོའི་ཟླ་བ7པའི་ཚེས22ཉིན། ཀན་སུའུ་ཞིང་ཆེན་ཏིང་ཞི་གྲོང་ཁྱེར་དུ་ས་འགུལ་རིམ་པ6.6བྱུང་སྟེ། མིང་རྫོང་དང་ཀྲང་རྫོང་གཉིས་ཀྱི་གནོད་སྐྱོན་ཐེབས་ཚུལ་ཅུང་ཚབས་ཆེན་ཡིན་པས།སློབ་གྲྭ་ཁྱོན་བསྡོམས114ལ་གྱོ ང་གུད་ཚབས་ཆེན་ཐེབས་ཡོད་པ་རེད།
    ཤེས་རྟོགས་བྱུང་བར་གཞིགས་ན། ཐེངས་འདིར་ཏིང་ཞི་གྲོང་ཁྱེར་ལ་བཏང་བའི་མ་དངུལ་དེ་གཙོ་བོ་མིང་རྫོང་དང་ཀྲང་རྫོང་གི་ཤིང་ཁང་དང་སྦྲ་གུར་སློབ་གྲྭའི་དགུན་དུས་ཀྱི་དྲོད་སྐྱིད་དང་སྒྲོན་མེ་སོགས་ཀྱི་གནད་དོན་ཐག་གཅོད་བྱེད་རྒྱུའི་ཐད་སྤྲད་ཅིང་། ཐན་ཧྲི་དང་ལུང་ལན། ཆིན་དབྱང་སོགས་རྫོང་ལ་བཏང་བའི་མ་དངུལ་དེས་གཙོ་བོར་སློབ་གྲྭའི་སྡོད་ཁང་དང་ལམ་སྐྱོབ་སྦྱར་རྩིག གྱང་འགོག་པ། ཞོར་གཏོགས་སྒྲིག་ཆས་སོགས་ཀྱི་ཉེན་མེད་བདེ་འཇགས་ཀྱི་མངོན་མེད་རྐྱེན་ངན་སེལ་བ་སོགས་བབ་བསྟུན་བསྐྱར་འཛུགས་སླར་གསོའི་གནད་དོན་ཐག་གཅོད་བྱེད་དགོས་པ་རེད།