ཟི་ལིང་མེ་འཁོར་འབབ་ཚུགས་ནི་མཚོ་བོད་ལྕགས་ལམ་དང་ལན་གྲུ་དང་ཞིན་ཅང་བར་གྱི་བགྲོད་ལམ་གཙོ་བོ་ཡིན་པ་མ་ཟད།མཚོ་བོད་ལྕགས་ལམ་གྱི་འགོ་ཚུགས་ས་ཡིན། ཟི་ལིང་གྲོང་ཁྱེར་གྱི་མེ་འཁོར་འབབ་ཚུགས་ཏེ་མཚོ་བོད་མཐོ་སྒང་གི་མེ་འཁོར་འབབ་ཚུགས་གཙོ་བོར་འཛུགས་སྐྲུན་བྱེད་ཆེད། ཉེ་བའི་ལོ་འགར། མཚོ་སྔོན་ཞིང་ཆེན་ནོར་སྲིད་ཀྱིས་སྔ་གཞུག་དུ་སྒོར་དུང་ཕྱུར404བཏང་ནས་ནུས་པ་ཡོད་པའི་སྒོ་ནས་ཟི་ལིང་མེ་འཁོར་འབབ་ཚུགས་བསྒྱུར་བཀོད་བཟོ་སྐྲུན་འཛུགས་སྐྲུན་བྱས།
    ཤེས་རྟོགས་བྱུང་བར་གཞིགས་ན། ཟི་ལིང་མེ་འཁོར་འབབ་ཚུགས་ཀྱི་འབབ་ཚུགས་སྟེགས་བུ་བསྐྱར་ལས་སོགས་འབྲེལ་ཡོད་བཟོ་སྐྲུན་དང་ཟི་ལིང་མེ་འཁོར་འབབ་ཚུགས་ཕྱོགས་བསྡུས་བསྒྱུར་བཀོད་ནི་མེ་འཁོར་ས་ཚིགས་བཙུགས་རྗེས་ཀྱི་གཞི་ཁྱོན་ཆེས་ཆེ་བའི་བསྒྱུར་བཀོད་བཟོ་སྐྲུན་ཡིན། བསྒྱུར་བཀོད་བཟོ་སྐྲུན་ཁྲོད་འགྲུལ་སྐྱེལ་ས་ཚིགས་དང་མེ་འཁོར་སྒུག་ཁང་ཐོག་ཁང་བསྐྱར་འཛུགས། འབབ་ཚུགས་སྟེགས་བུ་བསྐྱར་ཞུས་དང་ས་ཚུགས་ར་བ་གསར་དུ་འཛུགས་སྐྲུན་བྱེད་པ་དང་མི་ཚོགས་དང་རླངས་འཁོར་བསྡུ་འགྲེམ་ས་ཁུལ་སོགས། བསྒྱུར་བཀོད་བྱས་རྗེས་ཟི་ལིང་མེ་འཁོར་འབབ་ཚུགས་ཀྱི་ནུས་པ་སྔར་ལས་ཇེ་མཐོར་འགྲོ་ཐུབ་པ་མ་ཟད་མཚོ་སྔོན་ཞིང་ཆེན་ལ་མྱུར་བགྲོད་མེ་འཁོར་མེད་པའི་ལོ་རྒྱུས་མཇུག་བསྒྲིལ་བ།  
ཟི་ལིང་མེ་འཁོར་འབབ་ཚུགས་ཀྱི་བཟོ་སྐྲུན་དང་གནས་སྤོར་བཀོད་སྒྲིག་བདེ་ལེགས་ངང་འགྲུབ་ཆེད། མཚོ་སྔོན་ཞིང་ཆེན་ནོར་སྲིད་ཀྱིས་སྔ་གཞུག་དུ་སྒོར་དུང་ཕྱུར404.4བཏང་བའི་རྨང་གཞིའི་སྟེང་། ས་ཆ་བསྡུ་ལེན་བྱས་པར་སྒོར་དུང་ཕྱུར5བཏང་། མིག་སྔའི་བར་དུ། ཟི་ལིང་མེ་འཁོར་འབབ་ཚུགས་ཕྱོགས་བསྡུས་བསྒྱུར་བཀོད་བཟོ་སྐྲུན་ལ་དུས་རིམ་རང་བཞིན་གྱི་གྲུབ་འབྲས་ཐོབ་པ་རེད།