ཀྲུང་གོ་བོད་ཀྱི་དྲ་བའི་འཕྲིན། གསར་འགོད་པས་མཚོ་སྔོན་གནམ་གྲུ་ཐང་ཀུང་ཟི་ནས་རྒྱུས་ལོན་པ་ལྟར་ན། མཚོ་སྔོན་ཞིང་ཆེན་མགོ་ལོག་བོད་རིགས་རང་སྐྱོང་ཁུལ་དམངས་སྤྱོད་གནམ་གྲུ་ཐང་ལ་རྒྱལ་སྲིད་སྤྱི་ཁྱབ་ཁང་གིས་འཛུགས་སྐྲུན་ཆོག་མཆན་བཀོད། འདི་ནི་མཚོ་སྔོན་ཡུས་ཧྲུའུ་གནམ་གྲུ་ཐང་ལ་ཆོག་མཆན་ཐོབ་པའི་རྗེས་ཀྱི་མཚོ་སྔོན་བོད་ཁུལ་དུ་འཛུགས་སྐྲུན་བཀོད་སྒྲིག་བྱས་པའི་མཐོ་སྒང་གི་གནམ་གྲུ་ཐང་ཞིག་ཡིན།
རྒྱུས་ལོན་པ་ལྟར་ན། མགོ་ལོག་དམངས་སྤྱོད་གནམ་གྲུ་ཐང་ནི་རྒྱལ་ནང་གི་ཡན་ལག་གནམ་གྲུ་ཐང་ཞིག་ཡིན་ལ། མགོ་ལོག་བོད་རིགས་རང་སྐྱོང་ཁུལ་རྨ་ཆེན་རྫོང་རྟ་བོ་གྲོང་རྡལ་གྱི་ཉེ་འདབས་སུ་འཛུགས་རྒྱུ་ཡིན་པ་དང་། མཐོ་ཚད་ལ་མཚོ་ངོས་ལས་མུས3780ཡོད་པ་དང་ལོ་རེའི་གནས་སྐོར་བ་འགྲུལ་ཚད་མི་ཐེངས་ཁྲི8ཡིན། བཟོ་འགོད་ཀྱི་སྤྱིའི་མ་དངུལ་སྒོར་དུང་ཕྱུར11.32ཡིན་པ་དང་། ཇུས་འགོད་བྱས་པའི་གནམ་གྲུ་ནི་མཁའ་འགྲུལA319རྟགས་ཅན་དང་། པའོ་དབྱིནB737-700རྟགས་ཅན་གྱི་མཐོ་སྒང་གི་གནམ་གྲུ་ཡིན།
གསར་དུ་འཛུགས་རྒྱུ་ཡིན་པའི་མགོ་ལོག་དམངས་སྤྱོད་གནམ་གྲུ་ཐང་ནི་ཀྲུང་དབྱང་གིས་བོད་ཁུལ་འཕེལ་རྒྱས་ལ་རོགས་སྐྱོར་དང་ནུབ་རྒྱུད་གསར་སྤེལ་ཆེན་མོའི་འཐབ་ཇུས་དངོས་འབེབས་བྱས་པའི་བྱེ་བྲག་གི་མཚོན་བྱེད་ཡིན་ལ།