སྤྱི་ཟླ7པར། རང་རྒྱལ་གྱི་རང་བྱུང་གནོད་འཚེ་ནི་ཆུ་ལོག་ཞོད་སྐྱོན་དང་། ས་ཡོམ། ཐན་སྐྱོན། ས་གཤིས་གནོད་འཚེ་བཅས་ཀྱིས་གཙོ་བོ་བྱས་པ་དང་། སེར་བ་དང་རྒྱ་མཚོའི་རླུང་འཚུབ་སོགས་གནོད་འཚེའང་ཚད་གཞི་མི་འདྲ་བ་ཐོན་པ་བཅས་རིགས་ཁག་གི་རང་བྱུང་གནོད་འཚེས་ཁྱོན་རྒྱལ་ཡོངས་ཀྱི་མིའི་ཐེངས་གྲངས་བྱེ་བ8.1584ལ་གནོད་འཚེ་ཕོག་པ་དང་། མི461གྲོངས་པ། མི228གར་སོང་ཆ་མེད་དུ་གྱུར་བ། མིའི་ཐེངས་གྲངས་ས་ཡ3.334མགྱོགས་མྱུར་ངང་གནས་སྤར། ཞིང་ལས་སྐྱེ་དངོས་ལ་གནོད་འཚེ་ཕོག་པའི་རྒྱ་ཁྱོན་སྤྱི་ཆིངས་སྟོང7807ལྷག་ཟིན་པ། ཁང་མིག293000ལོག་པ། ཁང་མིག་ས་ཡ1.48ལ་ཚད་གཞི་མི་འདྲ་བའི་གཏོར་སྐྱོན་ཕོག་པ། ཐད་ཀའི་དཔལ་འབྱོར་གྱོང་གུན་སྒོར་དུང་ཕྱུར1215.3བཟོས་ཡོད་པ་རེད།

སྤྱི་ཡོངས་ནས་བལྟས་ན། སྤྱི་ཟླ7པའི་རང་བྱུང་གནོད་འཚེའི་ཐད་གཤམ་གསལ་གྱི་ཁྱད་ཆོས་མངོན་ཡོད་དེ། ཀན་སུའུ་ཀྲང་རྫོང་དང་མེན་རྫོང་གི་ས་ཡོམ་ཤུགས་རྐྱེན་ཆེ་བ་དང་མི་སྣ་ཤི་རྨས་ཚབས་ཆེ་བ། ཁང་པ་ལོག་པ་དང་གཏོར་སྐྱོན་ཕོག་པ་མང་པོ་ཡོད། ཆར་པ་བབས་པའི་བརྒྱུད་རིམ་མང་བ་དང་ཤུགས་ཚད་ཆེ་བ། ཆུ་ལོག་ཞོད་སྐྱོན་དང་ས་གཤིས་གནོད་འཚེའི་གྱོང་གུན་ཅུང་ཚབས་ལྕི་བ། ལྷོ་ཕྱོགས་སུ་རྒྱུན་མཐུད་ཚ་བ་ཆེ་བ་དང་ཆར་ཆུ་ཉུང་བ། རྒྱ་མཚོའི་རླུང་འཚུབ་ཀྱི་གྱོང་གུན་དེ་ཧྥུ་ཅན་དང་ཀོང་ཏུང་དུ་གཅིག་བསྡུས་བྱས་པ། གནོད་འཚེ་བསྐྱར་ཐོན་སྣང་ཚུལ་མངོན་གསལ་དོད་པ། གནོད་འཚེ་ཉིས་བརྩེགས་ཀྱི་གྱོང་གུན་ཚབས་ཆེ་བ་བཅས་ཡོད་པ་རེད།