ཀྲུང་གོའི་བོད་ཀྱི་དྲ་བའི་འཕྲིན། རྒྱལ་ཁབ་ཆེས་མཐོ་མི་དམངས་ཁྲིམས་ཁང་ཆས་སྲིད་པུའུ་ཡི་རྒྱལ་ཡོངས་ཀྱི་བོད་རྒྱ་སྐད་གཉིས་ཀྱི་གསོ་སྦྱོང་རྟེན་གཞི་འཛུགས་སྐྲུན་བྱེད་པའི་རེ་བ་ལྟར། ད་ལོའི་སྤྱི་ཟླ6པའི་ཟླ་མགོར། རྒྱལ་ཁབ་ཁྲིམས་དཔོན་སློབ་གླིང་བོད་ལྗོངས་ཡན་ལག་ཁང་གིས་ལྗོངས་ཡོངས་ཀྱི་གཞི་རིམ་གྱི་ཁྲིམས་ཁང་གི་ཕུལ་བྱུང་ཁྲིམས་དཔོན70ལྷག་རྩ་འཛུགས་བྱས་ནས་གསོ་སྦྱོང་འཛིན་གྲྭ་བསྒྲུབས།

བོད་ལྗོངས་ཀྱི་དཔལ་འབྱོར་དང་སྤྱི་ཚོགས་མགྱོགས་མྱུར་སྒོས་འཕེལ་རྒྱས་སུ་སོང་བ་དང་བསྟུན་ནས། བོད་ལྗོངས་དང་དེའི་མཐའ་འཁོར་གྱི་ཟི་ཁྲོན།མཚོ་སྔོན།ཀན་སུའུ།ཡུན་ནན་བཅས་ཞིང་ཆེན་བཞིའི་གྲངས་ཉུང་མི་རིགས་ས་ཁུལ་གྱི་གྱོད་དོན་དང་ལེན་བྱས་ཚད་ལོ་རེར་ཇེ་མཐོར་འགྲོ་བཞིན་ཡོད་པ་དང་།སྐད་གཉིས་འདྲི་གཅོད་ཀྱི་དགོས་མཁོ་ཇེ་མང་ལ་འགྲོ་བཞིན་ཡོད།མགྱོགས་མྱུར་ངང་གནས་བབ་གསར་བའི་དགོས་མཁོར་མཚམས་པ་དང་དུས་ཐོག་དང་ཡང་དག་པའི་སྒོ་ནས་གྲངས་ཉུང་མི་རིགས་ས་ཁུལ་གྱི་གྱོད་དོན་ཐག་གཅོད་བྱེད་ཆེད།བོད་ལྗོངས་མཐོ་རིམ་མི་དམངས་ཁྲིམས་ཁང་གིས་བོད་ལྗོངས་ཁྲིམས་དཔོན་གསོ་སྦྱོང་སློབ་གླིང་འཛུགས་སྐྲུན་བྱེད་རྒྱུ་ལས་གཞན་ད་རུང་།རྒྱལ་ཁབ་ཁྲིམས་དཔོན་སློབ་གླིང་བོད་ལྗོངས་ཡན་ལག་ཁང་སྒྱུར་སྐྲུན་ཁྲུའུ་གསར་འཛུགས་བྱས་ཡོད།

ཤེས་གསལ་ལྟར་ན།བོད་ལྗོངས་ཀྱི་བོད་རྒྱ་སྐད་གཉིས་ཀྱི་ཁྲིམས་དཔོན་གསོ་སྦྱོང་རྟེན་གཞི་ལེགས་འགྲུབ་བྱུང་རྗེས་བོད་ལྗོངས་དང་། ཟི་ཁྲོན། མཚོ་སྔོན། ཀན་སུའུ། ཡུན་ནན་བཅས་ལ་ཕན་ཆེན་པོ་ཐོགས་ཐུབ། རང་རྒྱལ་གྱི་བོད་རིགས་ས་ཁུལ་གྱིས་གོ་སྐབས་འདི་བརྒྱུད་ནས་ཕན་ཚུལ་ལ་སློབ་སྦྱོང་དང་བརྗེ་རེས།འབྲེལ་འདྲིས་བྱས་ཆོག  །