ཀྲུང་གུང་ཀྲུང་དབྱང་ཆབ་སྲིད་ཅུའུ་ཡི་རྒྱུན་ལས་ཨུ་ཡོན། རྒྱལ་ཡོངས་སྲིད་གྲོས་ཀྱི་ཀྲུའུ་ཞི་ཡུས་ཀྲིན་ཧྲིན་གྱིས་ཉེ་ལམ་ཀན་སུའུ་ཞིང་ཆེན་ཀན་ལྷོ་བོད་རིགས་རང་སྐྱོང་ཁུལ་དུ་བྱ་བར་རྟོག་ཞིབ་མཛད། པར་འདི་ནི་ཚེས་བདུན་ཉིན། ཡུས་ཀྲིན་ཧྲིན་གྱིས་བོང་དཀར་ཐང་གྲོང་རྡལ་འཕྲོད་བསྟེན་ཁང་དུ་བོད་རིགས་མང་ཚོགས་དང་གླེང་མོལ་མཛད་པའི་ཚུལ་རེད།

ཀྲུང་གུང་ཀྲུང་དབྱང་ཆབ་སྲིད་ཅུའུ་ཡི་རྒྱུན་ལས་ཨུ་ཡོན། རྒྱལ་ཡོངས་སྲིད་གྲོས་ཀྱི་ཀྲུའུ་ཞི་ཡུས་ཀྲིན་ཧྲིན་གྱིས་ཉེ་ལམ་ཀན་སུའུ་ཞིང་ཆེན་ཀན་ལྷོ་བོད་རིགས་རང་སྐྱོང་ཁུལ་དུ་བྱ་བར་རྟོག་ཞིབ་མཛད། པར་འདི་ནི་ཚེས་བདུན་ཉིན་ཡུས་ཀྲིན་ཧྲིན་གྱིས་བསང་ཁོག་རྩྭ་ཐང་དུ་གཏན་སྡོད་བྱས་པའི་འབྲོག་ཁྱིམ་དུ་གནས་ཚུལ་ལ་རྒྱུས་ལོན་བྱེད་པའི་ཚུལ་རེད། 

ཀྲུང་གུང་ཀྲུང་དབྱང་ཆབ་སྲིད་ཅུའུ་ཡི་རྒྱུན་ལས་ཨུ་ཡོན། རྒྱལ་ཡོངས་སྲིད་གྲོས་ཀྱི་ཀྲུའུ་ཞི་ཡུས་ཀྲིན་ཧྲིན་གྱིས་ཉེ་ལམ་ཀན་སུའུ་ཞིང་ཆེན་ཀན་ལྷོ་བོད་རིགས་རང་སྐྱོང་ཁུལ་དུ་བྱ་བར་རྟོག་ཞིབ་མཛད། པར་འདི་ནི་ཚེས་བརྒྱད་ཉིན་ཡུས་ཀྲིན་ཧྲིན་བླ་བྲང་དགོན་པར་ཕེབས་ནས་ཆོས་ལུགས་ལས་རིགས་ཀྱི་མི་སྣར་འཚམས་འདྲི་བྱེད་པའི་ཚུལ་རེད།

ཀྲུང་གུང་ཀྲུང་དབྱང་ཆབ་སྲིད་ཅུའུ་ཡི་རྒྱུན་ལས་ཨུ་ཡོན། རྒྱལ་ཡོངས་སྲིད་གྲོས་ཀྱི་ཀྲུའུ་ཞི་ཡུས་ཀྲིན་ཧྲིན་གྱིས་ཉེ་ལམ་ཀན་སུའུ་ཞིང་ཆེན་ཀན་ལྷོ་བོད་རིགས་རང་སྐྱོང་ཁུལ་དུ་བྱ་བར་རྟོག་ཞིབ་མཛད། པར་འདི་ནི་ཚེས་བརྒྱད་ཉིན་ཡུས་ཀྲིན་ཧྲིན་བླ་བྲང་དགོན་པར་ཕེབས་ནས་ཆོས་ལུགས་ལས་རིགས་ཀྱི་མི་སྣར་འཚམས་འདྲི་བྱེད་པའི་ཚུལ་རེད།

ཀྲུང་གུང་ཀྲུང་དབྱང་ཆབ་སྲིད་ཅུའུ་ཡི་རྒྱུན་ལས་ཨུ་ཡོན། རྒྱལ་ཡོངས་སྲིད་གྲོས་ཀྱི་ཀྲུའུ་ཞི་ཡུས་ཀྲིན་ཧྲིན་གྱིས་ཉེ་ལམ་ཀན་སུའུ་ཞིང་ཆེན་ཀན་ལྷོ་བོད་རིགས་རང་སྐྱོང་ཁུལ་དུ་བྱ་བར་རྟོག་ཞིབ་མཛད་སྐབས་གསུངས་རྒྱུར། ཀྲུང་དབྱང་གིས་བོད་ཁུལ་གྱི་དཔལ་འབྱོར་དང་སྤྱི་ཚོགས་འཕེལ་རྒྱས་ཐད་ལ་རྒྱབ་སྐྱོར་བྱེད་པའི་སྲིད་ཇུས་དང་བྱེད་ཐབས་སྣ་ཚོགས་ཕྱོགས་ཡོངས་ནས་ལག་བསྟར་དང་དངོས་འབེབས་བྱེད་པ་དང་། འཕེལ་རྒྱས་དང་བརྟན་འཇགས་བྱ་བ་དམ་འཛིན་བྱས་ཏེ། རྒྱ་ཆེའི་རོང་འབྲོག་མང་ཚོགས་ཀྱི་འཚོ་བའི་ཆུ་ཚད་མྱུར་དུ་ཇེ་མཐོར་གཏོང་བ་དང་། ལངས་ཕྱོགས་བརྟན་པོ་བྱས་ཏེ་ཏཱ་ལའི་ཚོགས་ཁག་ལ་འཐབ་རྩོད་བྱས་ནས། བོད་ཁུལ་གྱི་ཡུན་རིང་གི་དར་རྒྱས་བརྟན་འཇགས་ལ་འགན་སྲུང་བྱེད་དགོས་ཟེར།
ཚེས་བདུན་དང་ཚེས་བརྒྱད་ཉིན་གཉིས་ལ། ཡུས་ཀྲིན་ཧྲིན་ཆེད་དུ་ཀན་ལྷོ་བོད་རིགས་རང་སྐྱོང་ཁུལ་གྱི་ཞང་དང་གྲོང་རྡལ། རོང་འབྲོག་ཕྱོགས་བཅས་ལ་ཕེབས་ཏེ། གཞི་རིམ་གྱི་ལས་བྱེད་པ་དང་མང་ཚོགས་དང་མཉམ་དུ་འཕེལ་རྒྱས་དང་བརྟན་འཇགས་ཀྱི་ཇུས་ཆེན་ལ་གྲོས་བསྡུར་མཛད།
ཡུས་ཀྲིན་ཧྲིན་བསང་ཁོག་རྩྭ་ཐང་དུ་གཏན་སྡོད་བྱས་པའི་འབྲོག་ཁྱིམ་དུ་ཕེབས་ཏེ་ཐོན་སྐྱེད་དང་འཚོ་བའི་གནས་ཚུལ་ལ་རྒྱུས་ལོན་མཛད་པ་དང་། བོང་དཀར་ཐང་གྲོང་རྡལ་འཕྲོད་བསྟེན་ཁང་གི་སྒྲིག་ཆས་སོགས་ལ་གཟིགས་ཞིབ་གནང་བ་མ་ཟད། སྨན་བཅོས་མི་སྣར་བརྩེ་བའི་གླེང་མོལ་མཛད་པ་དང་ཁོ་ཚོའི་ཡོང་སྒོ་དང་དཀའ་ཁག་སོགས་ཞིབ་འདྲི་མཛད། བོང་དཀར་ཐང་གྲོང་རྡལ་གྱི་ལྟེ་གནས་སློབ་ཆུང་དུ་ཡུས་ཀྲིན་ཧྲིན་གྱིས་སློབ་གྲྭའི་དགེ་སློབ་རྣམས་ལ་འཚམས་འདྲི་མཛད་པ་དང་སློབ་གྲྭའི་སློབ་ཁྲིད་དང་སློབ་སྦྱོང་གི་གནས་ཚུལ་ལ་རྒྱུས་ལོན་ཞིབ་མོ་མཛད། ཡུས་ཀྲིན་ཧྲིན་ད་དུང་བླ་བྲང་དགོན་པར་ཕེབས་ཏེ་ཆོས་ལུགས་ལས་རིགས་ཀྱི་མི་སྣར་འཚམས་འདྲི་མཛད་པར་མ་ཟད། ཁོ་ཚོར་བོད་བརྒྱུད་ནང་བསྟན་ཆོས་ལུགས་ཀྱི་རྒྱལ་སྲུང་དམངས་ཕན་གྱི་སྲོལ་བཟང་དར་སྤེལ་བྱས་ཏེ། རྒྱལ་གཅེས་ཆོས་གཅེས་དང་ཆོས་ལུགས་ཀྱི་ཡོན་ཚད་ཅུང་མཐོ་བའི་ཤེས་ལྡན་མི་སྣ་སྔར་ལས་མང་པོ་ཞིག་སྐྱེད་སྲིང་བྱེད་དགོས་པའི་སྐུལ་མ་བཏང་།
ཡུས་ཀྲིན་ཧྲིན་གྱིས་ཞིང་ཆེན་དང་ཁུལ། རྫོང་བཅས་ཀྱི་འབྲེལ་ཡོད་འགན་འཁུར་པ་དང་མཉམ་དུ་བཞུགས་མོལ་མཛད་སྐབས། ཀན་ལྷོ་ཁུལ་གྱིས་མཐོ་སྒང་གི་དཀའ་ཚེགས་ཆེ་བའི་འཚོ་བའི་ཆ་རྐྱེན་འོག་ཏུ་བྱ་བ་གང་མང་བསྒྲུབས་ནས་གྲུབ་འབྲས་མངོན་གསལ་བླངས་པར་ཁས་ལེན་གང་ལེགས་མཛད། ཏཱ་ལའི་གནད་དོན་སྐོར་གླེང་སྐབས་ཁོང་གིས་གསུངས་རྒྱུར། ཏཱ་ལའི་བླ་མ་སྐུ་ཕྲེང་བཅུ་བཞི་བས་དུས་ཡུན་རིང་བོར་མེས་རྒྱལ་ཁ་བྲལ་གྱི་བྱ་འགུལ་སྤེལ་ནས། རྒྱལ་ཡོངས་རིགས་སོ་སོའི་མི་དམངས་ཀྱི་ཐུན་མོང་གི་ཁེ་ཕན་ལ་རྒྱབ་འགལ་བྱས་པ་དང་། བོད་བརྒྱུད་ནང་བསྟན་ཆོས་ལུགས་ཀྱི་སྲོལ་རྒྱུན་ལྟ་བ་ལ་རྒྱབ་འགལ་བྱས། ཁོས་བཏོན་པའི་བོད་ཁུལ་ཆེན་པོ་ཚད་མཐོན་པོས་རང་སྐྱོང་བྱེད་པ་དམིགས་འབེན་ཡིན་པའི་དབུ་མའི་ལམ་ནི་ཀྲུང་གོའི་རྩ་ཁྲིམས་དང་ཀྲུང་གོའི་མི་རིགས་ས་ཁོངས་རང་སྐྱོང་ལམ་ལུགས་དང་མཐའ་གཅིག་ཏུ་འགལ་ཡོད། རྒྱལ་ཁབ་གཅིག་གྱུར་དང་བོད་ཁུལ་འཕེལ་རྒྱས་བརྟན་འཇགས་ཡོང་ཆེད། ངེས་པར་དུ་ལངས་ཕྱོགས་གསལ་བོའི་སྒོ་ནས་ཏཱ་ལའི་ཕྱོགས་ཁག་ལ་འཐབ་རྩོད་བྱེད་དགོས་པ་དང་། བོད་བརྒྱུད་ནང་བསྟན་ཆོས་རིགས་ལས་རིགས་ཀྱི་མི་སྣས་ཆབ་སྲིད་ཀྱི་ཐད་ནས་ཏཱ་ལའི་སྐུ་ཕྲེང་བཅུ་བཞི་བའི་ལངས་ཕྱོགས་དང་འབྲེལ་མཚམས་གཅོད་པར་སློབ་གསོ་གཏོང་བ་དང་སྣེ་ཁྲིད་བྱེད་དགོས་ལ། བློ་ཐག་རྦད་ཆོད་སྒོས་རྒྱལ་ཁབ་ཁ་བྲལ་ཏུ་གཏོང་བ་དང་ཏང་གི་མགོ་ཁྲིད་དང་སྤྱི་ཚོགས་རིང་ལུགས་ཀྱི་ལམ་ལུགས་ལ་གཏོར་བརླག་བྱེད་པའི་བྱ་སྤྱོད་ལ་ངོ་རྒོལ་བྱེད་དགོས། ཀྲུང་དབྱང་གིས་ཏཱ་ལའི་སྐུ་ཕྲེང་བཅུ་བཞི་བར་སྤྱོད་པའི་སྲིད་ཇུས་ནམ་ཡང་གསལ་བོ་ཡིན་པ་དང་། ཏཱ་ལའི་བླ་མས་བོད་ལྗོངས་གནའ་ནས་བཟུང་ཀྲུང་གོའི་མངའ་ཁོངས་བསྙོན་མེད་ཡིན་པ་མངོན་གསལ་དུ་ཁྱབ་སྒྲོག་བྱེད་པ་དང་། བོད་ལྗོངས་རང་བཙན་གྱི་ལངས་ཕྱོགས་འདོར་བ། མེས་རྒྱལ་ཁ་བྲལ་གྱི་བྱ་འགུལ་སྤེལ་མཚམས་བཞག་ན་ད་གཟོད་ཀྲུང་དབྱང་བར་གྱི་འབྲེལ་བ་ལེགས་བཅོས་བྱེད་པའི་སྐོར་གླེང་ཆོག་ཟེར།