ཟླ་བ5པའི་ཚེས25ཉིན་གྱི་སྔ་དྲོར།ཉག་རོང་རྫོང་སྲིད་གྲོས་ཀྱིས་ཏང་སྲོལ་སྲིད་གཙང་དངོས་འཛིན་བྱས་ཏེ་ཀྲུང་གོའི་ཕུགས་འདུན་མངོན་འགྱུར་ཡོང་བར་སྐུལ་འདེད་གཏོང་བའི་ཚོགས་འདུ་འཚོགས་པ་རེད། ཚོགས་འདུའི་ནང་ལས་བྱེད་པ25ཞུགས་ཡོད། ཚོགས་འདུའི་ཐོག་ཏང་སྲོལ་སྲིད་གཙང་གི་ལས་ཀ་དང་ཀྲུང་གོའི་ཕུགས་འདུན་གཉིས་ནི་ང་ཚོ་མི་རེ་རེར་འགན་སྲུང་བྱེད་པའི་འགན་ཡོད།  དུས་རྒྱུན་དུ་ང་ཚོའི་འགོ་ཁྲིད་རྣམ་པས་རང་གི་ལས་ཀ་སྒྲུབ་སྐབས། ཏང་སྲོལ་སྲིད་གཙང་སེམས་སུ་ནན་བཟུང་བྱས་ནས་མ་འོང་པའི་ཀྲུང་གོའི་ཕུགས་འདུན་མངོན་འགྱུར་ཡོང་བར་འབད་འབུངས་ལྷད་མེད་བྱེད་དགོས།  ཀྲུང་གོའི་ཕུགས་འདུན་ཞེས་པ་ནི་རྒྱལ་ཁབ་སྤྱི་ཁྱབ་ཀྱི་ཕུགས་འདུན་ཡིན་ལ་མི་རིགས་ཀྱི་ཕུགས་འདུན་ཡང་ཡིན་པར་མ་ཟད་ང་ཚོ་མི་རེ་རེའི་མ་འོང་པའི་ཕུགས་འདུན་ཡང་ཡིན་པ་རེད།   ཁྱད་པར་དུ་རུལ་སུངས་ལ་ངོ་རྒོལ་དང་སྲིད་གཙང་འདོན་པའི་ལས་གྲྭ་ནི་མཆོང་བརྒལ་འཕེལ་རྒྱས་དང་ཡུན་རིང་བདེ་འགོད་ཀྱི་རྐང་བྱེད་སྟོབས་ཤུགས་ཡིན་ལ་ཀྲུང་གོའི་ཕུགས་འདུན་ཉག་རོང་གི་ལེ་ཚན་ཞེས་པ་མངོན་འགྱུར་ཡོང་བར་འགན་ལེན་བྱེད་པའི་རྐང་བྱེད་སྟོབས་ཤུགས་ཀྱང་ཡིན་པ་རེད། དེའི་དབང་གིས་རུལ་སུངས་ལ་ངོ་རྒོལ་དང་སྲིད་གཙང་འདོན་པའི་ཚོགས་ཆེན་གྱི་ལས་ཀ་དོན་ཐོག་ཏུ་འཁྱོལ་དགོས་མ་གཏོགས་ངག་ཐོག་བཤད་རྐྱང་བྱས་ན་དགོས་པ་མེད།སྲིད་གྲོས་ལས་བྱེད་པ་རྣམ་པས་དུས་དང་རྣམ་པ་ཀུན་ཏུ་ཏང་སྲོལ་སྲིད་གཙང་གི་ལམ་ལུགས་འཛུགས་སྐྲུན་བྱེད་པ་དང་སྒྲིག་ལམ་ལེགས་སྲུང་བྱ་རྒྱུར་རྒྱུན་འཁྱོངས་བྱེད་དགོས།  རང་རྟོགས་ཀྱིས་ཏང་སྲོལ་སྲིད་གཙང་གི་ལས་ཀ་དེ་སྲིད་གྲོས་ལས་ཀའི་ཕྱོགས་སོ་སོ་དང་མཉམ་འདྲེས་བྱས་ནས་སྲིད་གཙང་ཅན་གྱི་སྲིད་གྲོས་དང་དམངས་ལ་ཉེ་བཅར་ཅན་གྱི་སྲིད་གྲོས། དམངས་ཕན་ཅན་གྱི་སྲིད་གྲོས་ཀྱི་རྣམ་པ་ཞིག་བསྐྲུན་པར་འབད་བརྩོན་བྱེད་དགོས་ཞེས་རེ་འདུན་བཏོན་པ་རེད།