མི་དམངས་དྲ་བའི་འཕྲིན། ཟླ་བ7པའི་ཚེས2ཉིན་རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གིས་མི་དམངས་ཚོགས་ཁང་ཆེན་མོར་ཀྲུང་གོ་དང་ཡོ་རོབ་དབུས་ཤར་རྒྱུད་ཀྱི་རྒྱལ་ཁབ་ཀྱི་ས་གནས་འགོ་ཁྲིད་པའི་ཚོགས་འདུར་ཞུགས་པར་ཕེབས་པའི་རོ་མ་ནི་ཡའི་ཙུལ་ལི་ཕེང་ཐ་ལ་མཇལ་འཕྲད་གནང་བ་རེད།
ཞི་ཅིན་ཕིང་གིས་ཀྲུང་གོ་དང་རོ་མ་ནི་ཡ་ནི་ཕན་ཚུན་བར་ལྷག་བསམ་ཟོལ་མེད་ཀྱི་སྤྱོད་ཚུལ་འཛིན་པ་དང་།ཕན་ཚུན་རྒྱབ་སྐྱོར་བྱེད་པ།ཕན་ཚུན་བསམ་ཤེས་བྱེད་པ་བཅས་ཀྱི་གྲོགས་པོ་རྙིང་པ་དང་གྲོགས་པོ་བཟང་པོ་ཡིན་ཞིང་།རྒྱལ་ཁབ་གཉིས་ཀྱི་མི་དམངས་བར་བརྩེ་དུང་ཟབ་མོ་ལྡན་པ་དང་།རྒྱལ་ཁབ་གཉིས་བར་གྱི་འབྲེལ་བ་ཐོག་མཐའ་བར་གསུམ་དུ་འཕེལ་རྒྱས་ལེགས་པོ་འགྲོ་བཞིན་ཡོད་ལ།རིམ་གྲས་མང་པོ་དང་ཕྱོགས་མཐའ་ཀུན་ནས་མཉམ་ལས་སྤེལ་ཡོད་ཅེས་བསྟན་གནང་བ་རེད།