གསར་འགོད་པ་ཚེས9ཉིན་ནོར་སྲིད་པུའུ་ཞིང་ལས་སི་ནས་ཤེས་རྟོགས་བྱུང་རྒྱུར། 2013ལོར། ཀྲུང་དབྱང་ནོར་སྲིད་ཀྱིས་འོག་རིམ་གྱི་ས་གནས་ཁག་ལ་ཆུ་འབྲས་དང་མ་རྨོས་ལོ་ཏོག སྲན་ཆེན། གྲོ། སྲིང་བལ། ནས། ཡུངས་དཀར། རང་བྱུང་འགྱིག་བཅས་ཀྱི་ལོ་ཏོག་སོན་བཟང་འདེབས་པར་ཁ་གསབ་མ་དངུལ་སྒོར་དུང་ཕྱུར199སྤྲད་ཡོད།
    ནོར་སྲིད་པུའུ་ཞིང་ལས་སིའི་འབྲེལ་ཡོད་འགན་ཁུར་པས་སྟོན་རྒྱུར། ཞིང་ལས་དུས་ཚོད་ཀྱི་དགོས་མཁོ་དང་འཚམ་ཕྱིར་ས་གནས་ཁག་གིས་དཔྱིད་དུས་ཞིང་ལས་ཐོན་སྐྱེད་སྤེལ་བར་རྒྱབ་སྐྱོར་བྱེད་ཆེད། ཀྲུང་དབྱང་ནོར་སྲིད་ཀྱིས་སོན་བཟང་འདེབས་པར་ཁ་གསབ་མ་དངུལ་སྤྲོད་ཚད་མགྱོ གས་སུ་བཏང་ཡོད། ཀྲུང་དབྱང་ནོར་སྲིད་ཀྱིས་ཁ་གསབ་མ་དངུལ་སྤྲོད་རྒྱུའི་ལག་བསྟར་ཇུས་གཞི་གཏན་འཁེལ་བྱས་རྗེས་མགྱོ གས་མྱུར་ངང་ལོ་ཏོག་གཞན་པའི་སོན་བཟང་འདེབས་པར་ཁ་གསབ་མ་དངུལ་སྤྲོད་རྒྱུ་རེད།
    ཤེས་རྟོགས་བྱུང་བར་གཞིགས་ན།ཞིང་པས་ཐོན་སྐྱེད་ཁྲོད་སྤུས་ལེགས་ས་བོན་སྤྱོད་པར་ཁྲིད་སྟོན་དང་སྐུལ་མ་བྱེད་ཆེད། ཀྲུང་དབྱང་ནོར་སྲིད་ཀྱིས2002ལོ་ནས་སྔོན་རྗེས་སུ་སྲན་ཆེ་དང་གྲོ། མ་རྨོས་ལོ་ཏོག ཆུ་འབྲས། རང་བྱུང་འགྱིག སྲིང་བལ། ཡུངས་དཀར། ཞོག་ཁོག ནས། བ་དམ་བཅས་སྣ་ཁ10ཡི་སོན་བཟང་འདེབས་པར་ཁ་གསབ་མ་དངུལ་སྤྲོད་རྒྱུའི་ནང་རྐྱེན་བཙུགས་ཡོད།
    མིག་སྔར་གྱི་བར་དུ། ཆུ་འབྲས་དང་གྲོ མ་རྨོས་ལོ་ཏོག སྲིང་བལ་བཅས་རིགས་ཀྱི་སོན་བཟང་འདེབས་པར་ཁ་གསབ་མ་དངུལ་ཡོངས་སུ་སྤྲད་ཡོད། ལིའོ་ཉིང་དང་ཅི་ལིན། ཧེ་ལུང་ཅང་། ནང་སོག་བཅས་ས་ཁུལ་གྱིས་སྲན་ཆེན་སོན་བཟང་འདེབས་པར་ཁ་གསབ་རོགས་དངུལ་ཡོངས་སུ་སྤྲད་ཡོད། བོད་ཁུལ་དུ་ནས་ཀྱི་སོན་བཟང་འདེབས་པར་ཁ་གསབ་རོགས་དངུལ་ཡོངས་སུ་སྤྲད་ཡོད། ལོ་ཏོག་སོན་བཟང་འདེབས་པར་ཁ་གསབ་རོགས་དངུལ་སྤྲད་པའི་སྲིད་ཇུས་ལག་བསྟར་བྱས་ཏེ་ཁ་གསབ་རོགས་དངུལ་སྤྲོད་པའི་ལོ་ཏོག་གི་རིགས་དང་སྤྲོད་པའི་རྒྱ་ཁྱོན་མུ་མཐུད་ནས་རྒྱ་སྐྱེད་བྱས། རྒྱལ་ཡོངས་ཀྱི་འབྲུ་རིགས་དང་སྲིང་བལ། ཡུངས་དཀར་ཐོན་སྐྱེད་བརྟན་བརླིང་ངང་འཕེལ་རྒྱས་འགྲོ་བར་སྐུལ་འདེད་གཏོང་བ་དང་། ཞིང་པའི་ཡོང་འབབ་རྒྱུན་མཐུད་དེ་མཐོ་རུ་འཕར་བར་ནུས་པ་གལ་ཆེ་བཏོན་པས་ཞིང་ལས་སྟོབས་ལྡན་དང་ཞིང་པར་ཕན་པའི་སྲིད་ཇུས་གལ་ཆེན་ཤིག་ཏུ་གྱུར།