ཀྲུང་གུང་ཀྲུང་དབྱང་གི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་གྲོས་ཚོགས་ཀྱི་གཙོ་འགན་བཞེས་ཤིང་གསུང་བཤད་གལ་ཆེན་གནང་།
ཞིན་ཧྭ་གསར་འགྱུར་ཁང་པེ་ཅིན་ནས་ཟླ་བ4པའི་ཚེས23ཉིན་འབྱོར་བའི་གཏམ་གསར།ཟླ་བ4པའི་ཚེས23ཉིན་གྱི་ཕྱི་དྲོར། ཀྲུང་གུང་ཀྲུང་དབྱང་ཆབ་སྲིད་ཅུས་ཀྱི་རྒྱུན་ལས་ཨུ་ལྷན་གྱིས་གྲོས་ཚོགས་འཚོགས་ནས་སྔར་ལྷག་གིས་ཁྱོན་ཡོངས་ནས་སི་ཁྲོན་ལུའུ་ཧྲན་གྱི་འགུལ་འགོག་གནོད་སེལ་གྱི་ལས་ཀར་བཀོད་སྒྲིག་བྱས། ཀྲུང་གུང་ཀྲུང་དབྱང་གི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་གྲོས་ཚོགས་ཀྱི་གཙོ་འགན་བཞེས་ནས་གསུང་བཤད་གལ་ཆེན་གནང་བ་རེད།
ཚོགས་འདུ་འགོ་ཚུགས་པའི་སྐབས་སུ་ཀྲུང་གུང་ཀྲུང་དབྱང་གི་སྤྱི་ཁྱབ་ཧྲུའུ་ཅི།  རྒྱལ་ཁབ་ཀྱི་ཀྲུའུ་ཞི། ཀྲུང་དབྱང་དམག་དོན་ཨུ་ལྷན་གྱི་ཀྲུའུ་ཞི་ཞི་ཅིན་ཕིང་གིས་གྲོས་འགོ་བཏོན་ནས། གྲོས་ཚོགས་ནང་ཞུགས་མཁན་ཀྲུང་གུང་ཀྲུང་དབྱང་ཆབ་སྲིད་ཅུས་ཀྱི་རྒྱུན་ཨུ་ལི་ཁེ་ཆང་དང་ཀྲང་ཏེ་ཅང་།ཡུས་ཀྲེང་ཧྲེང་། ལིའུ་ཡུན་ཧྲན། ཝང་ཆི་ཧྲན། ཀྲང་ཀའོ་ལི་སོགས་ཚང་མ་ཡར་ལངས་ནས་སི་ཁྲོན་ལུའུ་ཧྲན་གྱི་ས་འགུལ་ནང་རྐྱེན་དབང་དུ་ཤི་ཤོར་བའི་སྤུན་ཟླ་དང་ཉེན་ཁ་མྱུར་སེལ་དང་གནོད་སེལ་ནང་དཔའ་ངར་ཞུམ་མེད་ཀྱིས་རང་སྲོག་བློས་བཏང་བའི་འཐབ་འཛིང་པ་རྣམས་ལ་ངག་བསྡམས་མྱ་ངན་ཞུས་པ་རེད། གྲོས་ཚོགས་ཀྱིས་རྒྱལ་སྲིད་སྤྱི་ཁྱབ་ཁང་གི་འགུལ་འགོག་གནོད་སེལ་བཀོད་འདོམས་པུའུ་ཡི་སི་ཁྲོན་ལུའུ་ཧྲན་དུ་ས་འགུལ་ཡོང་ཚུལ་དང་འགུལ་འགོག་གནོད་སེལ་ལས་ཀ་སྤེལ་ཚུལ་གྱི་སྙན་ཞུ་ལ་ཉན་འཇོག་བྱས་པ་རེད།
གྲོས་ཚོགས་ཀྱིས་ངོས་འཛིན་བྱས་དོན། སི་ཁྲོན་ལུའུ་ཧྲན་དུ་ས་འགུལ་ཡོང་རྗེས་ཏང་ཀྲུང་དབྱང་གིས་ཚད་མཐོན་པོས་མཐོང་ཆེན་གནང་ནས་མགྱོ གས་མྱུར་དུ་འགུལ་འགོག་གནོད་སེལ་ལས་ཀར་ཁྱོན་ཡོངས་ནས་བཀོད་སྒྲིག་བྱས་ཤིང་བླང་བྱ་གསལ་པོར་བཏོན་པ་དང་ཕྱོགས་གང་ཐད་ཀྱི་བྱ་སྤྱོད་གཅིག་གྱུར་ཡོང་བར་འགོ་ཁྲིད་དང་སྐུལ་སློང་བྱས་ནས་འགུལ་འགོག་གནོད་སེལ་ལས་ཀའི་རང་དབང་ནུས་པ་བློར་བརྟན་པོར་ངེས་ཡོད་པ། ཏང་ཀྲུང་དབྱང་གི་གཅིག་གྱུར་འགོ་ཁྲིད་དང་བཀོད་སྒྲིག་འོག   རྒྱལ་སྲིད་སྤྱི་ཁྱབ་ཁང་གི་གནོད་འགོག་གནོད་སེལ་བཀོད་འདོམས་པུའུ་ཡིས་ཐད་ཀར་བཀོད་འདོམས་བྱས་འོག  སི་ཁྲོན་ཞིང་ཆེན་གྱི་རིམ་ཁག་ཏང་ཨུ་དང་སྲིད་གཞུང་། ཀྲུང་དབྱང་གི་འབྲེལ་ཡོད་སྡེ་ཁག་བཅས་ཀྱིས་བྲེལ་མྱུར་གྱི་བྱ་སྤྱོད་སྤེལ་ནས་མི་དམངས་བཅིངས་འགྲོལ་དམག་དང་དྲག་ཆས་ཉེན་རྟོག་དམག་དཔུང་ཚོ་སྔོན་དུ་གདོང་མཆོང་བྱས་པ་དང་སྤྱི་ཚོགས་ཀྱི་ལས་རིགས་ཁག་གིས་ཤུགས་ཆེན་པོས་ཕྱོགས་གཅིག་ལ་དཀའ་ངལ་ཡོང་དུས་ཕྱོགས་མང་པོས་རོགས་སྐྱོར་བྱེད་པའི་སྙིང་སྟོབས་དར་སྤེལ་བཏང་ནས་འགུལ་འགོག་གནོད་སེལ་ལས་ཀ་ནུས་ཤུགས་ལྡན་པའི་ངང་སྤེལ་བ་རེད། ཕྱོགས་གང་ཐད་ཀྱིས་དཀའ་སྤྱད་སྙིང་རུས་བྱས་པར་བརྒྱུད།གནོད་སྐྱོན་ཐེབས་སའི་ཉེན་ཁ་མྱུར་སེལ་དང་རྨས་མ་མྱུར་བཅོས།འཕྲོད་བསྟེན་རིམས་འགོག།མང་ཚོགས་ཀྱི་འཚོ་བ་བཀོད་སྒྲིག  རྨང་གཞི་སྒྲིག་ཆས་མྱུར་དུ་ཉམས་གསོ། མ་དངུལ་དང་དངོས་རྫས་འགན་སྲུང་གི་ལས་ཀ་ཁག་ལས་ལུགས་ཡག་པོ་རེད། གྲོས་ཚོགས་ཀྱིས་ནན་གསུང་གནང་དོན།ད་ལྟར་འགུལ་འགོག་གནོད་སེལ་ལས་ཀ་དེ་འགག་རྩའི་དུས་སུ་བསླེབས་པས།འགུལ་འགོག་གནོད་སེལ་ལས་ཀ་དེ་མིག་སྔའི་གལ་འགངས་ཧ་ཅང་ཆེ་ཞིང་ཁ་ཚ་དགོས་གཏུགས་ཀྱི་ལས་ཀ་ཞིག་ཏུ་བརྩིས་ནས་བྱེད་ཐབས་དེ་བས་ནུས་ལྡན་དང་དེ་བས་ཚན་རིག་དང་མཐུན་པ་སྤྱད་ནས་བློ་བརྟན་འགྱུར་མེད་ཀྱིས་འགུལ་འགོག་གནོད་སེལ་ལས་འགན་གལ་ཆེན་ཁག་ཡག་པོ་འགྲུབ་པ་བྱས་ནས་གནོད་འཚེའི་གྱོ ང་གུད་ཕོག་ཚད་དེ་ཆེས་ཉུང་ཤོས་སུ་གཏོང་དགོས། མིག་སྔར་གཙོ་གནད་དུ་འོག་གི་ལས་ཀ་སྒྲུབ་དགོས་པ་སྟེ།
མུ་མཐུད་ནས་ཁང་པ་ཞིག་རོའི་ནང་ནས་ཚུར་མི་ཐར་བའི་མང་ཚོགས་འཚོལ་ཉུལ་བྱེད་པ་དང་ཤུགས་ཆེན་པོས་རྨས་མ་ལ་སྨན་བཅོས་བྱེད་དགོས་པ་དང་གཅིག  གནོད་སྐྱོན་ཐེབས་སའི་མང་ཚོགས་ཀྱི་རྩ་བའི་འཚོ་བ་བཀོད་སྒྲིག་འོས་འཚམས་བྱེད་དགོས་པ་དང་གཉིས།རྨང་གཞི་སྒྲིག་ཆས་ཉམས་གསོ་དང་ཁང་པ་ཞིག་རོ་གཙང་སེལ་ལས་ཀ་དམ་འཛིན་ཡག་པོ་བྱེད་དགོས་པ་དང་གསུམ།ཐོན་སྐྱེད་བསྐྱར་གསོ་དང་ཁྱིམ་གཞིས་བསྐྱར་འཛུགས་ལས་ཀ་ཡག་པོ་སྒྲུབ་དགོས་པ་དང་བཞི།གླེང་ཕྱོགས་ཀྱི་ཁྲིད་སྟོན་བྱ་རྒྱུར་ཤུགས་སྣོན་རྒྱག་དགོས་པ་དང་ལྔ།འགུལ་འགོག་གནོད་སེལ་ལས་ཀའི་འགོ་ཁྲིད་བྱ་རྒྱུར་ཤུགས་སྣོན་རྒྱག་དགོས་པ་དང་དྲུག་བཅས་རེད།