ཧུའུ་ཅིན་ཐའོ་དང་།ཞིས་ཅིན་ཕིང་།ཝུའུ་པང་གོ ཝུན་ཅ་པའོ།ལི་ཁེ་ཆང་།ཀྲང་ཏེ་ཅང་།ལིའུ་ཡུན་ཧྲན།ཝང་ཆི་ཧྲན།ཀྲང་ཀའོ་ལོ་བཅས་ཚོགས་འདུར་ཕེབས་ནས་བཀྲ་ཤིས་བདེ་ལེགས་ཞུས་པ།
ཅ་ཆིན་ལིན་གྱིས་སྲིད་གྲོས་སྐབས་བཅུ་གཅིག་པའི་རྒྱུད་ཨུད་ཀྱི་ལས་དོན་སྙན་སྒྲོན་གནང་བ་དང་།་ཡུས་ཀྲེང་ཧྲེང་གིས་ཚོགས་འདུ་གཙོ་སྐྱོང་གནང་བ།ཝན་ཀང་གིས་གྲོས་གཞིའི་ལས་དོན་གནས་ཚུལ་གྱི་སྙན་སྒྲོན་གནང་བ།
ཟླ་བ3པའི་ཚེས3ཉིན་གྱི་ཕྱི་དྲོའི་ཆུ་ཚོས་གསུམ་གྱི་ཐོག་ཀྲུང་གོའི་མི་དམངས་ཆབ་སྲིད་གྲོས་མོལ་ཚོགས་འདུ་སྐབས་བཅུ་གཉིས་པའི་རྒྱལ་ཡོངས་ཨུ་ཡོན་ལྷན་ཁང་གི་ཚོགས་འདུ་ཐེངས་དང་པོ་པེ་ཅིང་མི་དམངས་ཚོགས་ཁང་ཆེན་མོར་འཚོགས་པ་རེད། རྒྱལ་ཡོངས་སྲིད་གྲོས་སྐབས་བཅུ་གཉིས་པའི་ཚོགས་འདུ་ཐེངས་དང་པོར་ཞུགས་དགོས་པའི་ཨུ་ཡོན2237ཡོད་པ་དང་དངོས་སུ2206ཕེབས་པས་ཁྲིམས་གཏན་འཁེལ་བའི་མི་གྲངས་དང་མཐུན་ཡོད།
སྐབས་བཅུ་གཅིག་པའི་རྒྱལ་ཡོངས་སྲིད་གྲོས་ཀྱི་ཀྲུའུ་ཞི་ཅ་ཆིན་ལིན་གྱིས་སྲིད་གྲོས་སྐབས་བཅུ་གཅིག་པའི་རྒྱལ་ཡོངས་ཨུ་ཡོན་ལྷན་ཁང་རྒྱུན་ཨུད་ཀྱི་ཚབ་ཞུས་ཏེ་ཚོགས་ཆེན་ཐོག་འདས་ཟིན་པའི་ལོ་ལྔའི་རིང་གི་ལས་དོན་སྙན་སྒྲོན་གནང་ཞིང་།ཁོང་གིས་འདས་ཟིན་པའི་ལོ་ལྔ་ནི་རང་རྒྱལ་གྱི་སྒྱུར་བཅོས་སྒོ་དབྱེ་དང་སྤྱི་ཚོགས་རིང་ལུགས་དེང་རབས་ཅན་འཛུགས་སྐྲུན་བྱེད་པའི་ཐད་འཕྲད་པའི་འགྲན་སློང་ནན་པོ་ལས་རྣམ་པར་རྒྱལ་བ་དང་གྲུབ་འབྲས་ཐུན་མོང་མ་ཡིན་པ་ཐོབ་པའི་ལོ་ལྔ་དང་མི་དམངས་སྲིད་གྲོས་ཀྱི་བྱ་གཞག་རྒྱུན་འཛིན་ཁྲོད་གསར་གཏོད་དང་སྲ་བརྟན་ཁྲོད་འཕེལ་རྒྱས་གཏོང་བའི་ལོ་ལྔའང་རེད།ལོ་ལྔའི་རིང་ཀྲུང་གུང་ཀྲུང་དབྱང་གི་གཙིགས་མཐོང་གལ་ཆེན་དང་སྲ་ཞིང་བརྟན་པའི་འགོ་ཁྲིད་འོག་མི་དམངས་སྲིད་གྲོས་ཀྱིས་ཏང་དང་རྒྱལ་ཁབ་ཀྱི་ལྟེ་བའི་ལས་དོན་ལ་གཞིགས་ཏེ་ཆབ་སྲིད་གྲོས་མོལ་དང་།དམངས་གཙོ་ལྟ་སྐུལ།སྲིད་ཞུགས་སྲིད་གྲོས་བཅས་ཀྱི་འགན་ནུས་ནན་ཏན་ངང་བསྒྲུབས་ནས་འབྲེལ་བ་མཐུན་སྦྱོར་བྱེད་པ་དང་།སྟོབས་ཤུགས་གཅིག་ཏུ་སྒྲིལ་བ།ཐབས་དང་ཇུས་འདོན་པ།ཁྱོན་ཡོངས་ལ་ཞབས་འདེགས་ཞུ་བ་བཅས་ཀྱི་ནུས་པ་འདོན་སྤེལ་གང་ལེགས་བྱས་ཏེ་ཚན་རིག་དང་མཐུན་པའི་འཕེལ་རྒྱས་ལ་སྐུལ་མ་གཏོང་བ་དང་།ཞི་མཐུན་བརྟན་ལྷིང་ལ་སྲུང་སྐྱོང་བྱེད་པ།མེས་རྒྱལ་གཅིག་གྱུར་ལ་སྐུལ་མ་གཏོབ་བ་བཅས་ཀྱི་ཆེད་དུ་ལེགས་སྐྱེས་གལ་ཆེན་ཕུལ་བ་དང་མི་དམངས་སྲིད་གྲོས་ཀྱི་ལོ་རྒྱུས་ཐོག་ལེའུ་གསར་བ་མུ་མཐུད་བརྩམས་ཡོད་ཅེས་གསུངས།
ཅ་ཆིན་ལིན་གྱིས་སྙན་སྒྲོན་དང་ཐུན་མོང་གི་བསམ་བློ་ཆབ་སྲིད་ཀྱི་རྨང་གཞི་བརྟན་དུ་གཏོང་བ་དང་བློ་བརྟན་འགྱུར་མེད་ངང་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་ཆབ་སྲིད་འཕེལ་རྒྱས་འགྲོ་ལམ་ཐོག་བསྐྱོད་པ་སོགས་ཕྱོགས་དྲུག་གི་ཐད་ནས་སྲིད་གྲོས་སྐབས་བཅུ་གཅིག་པའི་ལས་དོན་ལ་ཕྱིར་མིག་བལྟས་པ་དང་འབྲེལ་ངེས་པར་དུ་ཀྲུང་གོ་གུང་ཁྲན་ཏང་གི་འགོ་ཁྲིད་སྔ་ཕྱི་བར་གསུམ་དུ་མཐའ་འཁྱོངས་དང་མི་དམངས་སྲིད་གྲོས་ཀྱི་བྱ་གཞག་གོང་དུ་འཕེལ་བའི་ཁ་ཕྱོགས་ཡང་དག་འགན་སྲུང་བྱས་པ་སོགས་ཉམས་མྱོང་གཙོ་བོ་དྲུག་ཕྱོགས་སྡོམ་གནང་བ་དང་།ད་དུང་འབྱུང་འགྱུར་གྱི་ལོ་ལྔའི་ལས་དོན་ནང་ཏང་གི་ཚོགས་ཆེན་བཅོ་བརྒྱད་པའི་དགོངས་དོན་སློབ་སྦྱོང་ལག་བསྟར་གཏིང་ཟབ་བྱེད་དགོས་པ་སོགས་གྲོས་འགོ་དྲུག་བཏོན་པ་རེད།
སྲིད་གྲོས་སྐབས་བཅུ་གཅིག་པའི་རྒྱལ་ཡོངས་ཨུ་ཡོན་ལྷན་ཁང་རྒྱུན་ཨུད་ཀྱི་བཀའ་མངགས་ལྟར་ཝན་ཀང་གིས་ཚོགས་ཆེན་ཐོག་སྐབས་བཅུ་གཅིག་པའི་སྲིད་གྲོས་ཀྱི་གྲོས་གཞིའི་ལས་དོན་སྙན་སྒྲོན་གནང་།ཁོང་གིས་སྲིད་གྲོས་སྐབས་བཅུ་གཅིག་པའི་རིང་གི་སྲིད་གྲོས་ཨུ་ཡོན་རྣམས་དང་།སྲིད་གྲོས་ནང་ཞུགས་མཁན་ཚན་པ་ཁག སྲིད་གྲོས་ཀྱི་ཆེད་དོན་ཨུ་ཡོན་ལྷན་ཁང་བཅས་ཀྱིས་དཔལ་འབྱོར་དང་སྤྱི་ཚོགས་འཕེལ་རྒྱས་ཁྲོད་ཀྱི་གནད་དོན་གལ་ཆེན་དང་མང་ཚོགས་ཀྱི་བདེ་རྩར་ཐུག་པའི་ཁེ་ཕན་དང་འབྲེལ་བ་ཡོད་པའི་གནད་དོན་དངོས་ལ་དམིགས་ཏེ་གྲོས་གཞི28930བདག་སྤྲོད་བྱེད་ཁོངས་སུ་བཅུག་ཅིང་།2013ལོའི་ཟླ་བ2པའི་ཚེས20ཉིན་བར་གྲོས་གཞི26583བདག་སྤྲོད་བྱས་ཟིན་པ་དང་།གྲོས་གཞིའི་ནང་གི་བསམ་འཆར་དང་གྲོས་འགོ་མང་པོ་ཞིག་རྒྱལ་ཁབ་ཀྱི་འབྲེལ་ཡོད་ཐབས་ཇུས་དང་འཕེལ་རྒྱས་འཆར་འགོད་དམ།ཡང་ན་སྡེ་ཚན་གྱི་ལས་དོན་ནང་བསྡུ་ལེན་དང་འབྲེལ་དོན་འཁྱོལ་ཡང་བྱས་ནས་དཔལ་འབྱོར་བརྟན་ལ་མགྱོགས་ཙམ་ངང་འཕེལ་རྒྱས་འགྲོ་བ་དང་།དམངས་འཚོ་ལེགས་གཏོང་དང་སྤྱི་ཚོགས་ཞི་མཐུན་ལ་སྐུལ་འདེད་གཏོང་བ།སྤྱི་ཚོགས་རིང་ལུགས་ཀྱི་དམངས་གཙོ་ཆབ་སྲིད་འཛུགས་སྐྱོང་ལ་སྐུལ་མ་གཏོང་བ་བཅས་ཀྱི་ཆེད་དུ་ལེགས་སྐྱེས་ཧུར་ཐག་ཕུལ་ཡོད་ཅེས་གསུངས།