རང་དྲ་བའི་སྤྱིའི་འགན་འཛིན་པ་བྱང་སྒྲ་སྙན་ལགས་ཀྱིས་གཙོ་སྒྲིག་བྱས་པའི་མཁས་དབང་དགེ་འདུན་ཆོས་འཕེལ་སྐུ་འཁྲུངས་ནས་ལོ་འཁོར་༡༡༠ལོན་པའི་རྗེས་དྲན་དེབ་སྟེ།  དགེ་འདུན་ཆོས་འཕེལ་གྱི་འཁྲུངས་གཞིས་ངོ་སྤྲོད་དང་ཤུལ་བཞག་རིག་དངོས་དཀར་ཆག་གིས་མཚན་པའི་དེབ་ཚོན་པར་ཅན་ཞིག   ཉེ་ལམ་དངོས་སུ་པར་སྐྲུན་འགྲེམས་སྤེལ་བྱས་འདུག

  དེབ་དེ་རུ་དགེ་ཆོས་འཁྲུངས་གཞིས་ངོ་སྤྲོད་དང་།  དངོས་རིགས་འདུ་ཁང་།  ཤུལ་བཞག་རིག་དངོས།  ཕྱི་ཡིག་གི་འགྱུར་དེབ་སྣ་ཚོགས།  དགེ་ཆོས་ལགས་ཀྱི་འདྲ་པར་སྣ་ཚོགས།  ཕྱག་བྲིས་ཀྱི་ཕྱི་མོ།  ཟིན་བྲིས།  རི་མོའི་བརྩམས་ཆོས་སོགས་ངོ་སྤྲོད་པར་དང་བཅས་བཀོད་ཡོད་པ་མ་ཟད།  ཧོར་ཁང་བསོད་ནམས་དཔལ་འབར་དང་ལྷག་པ་ཕུན་ཚོགས། མེ་ལྕེ་སོགས་དགེ་ཆོས་ཞིབ་འཇུག་ཐད་གྲུབ་འབྲས་གཡུར་དུ་ཟ་བའི་དཔྱད་བརྗོད་པ་དག་གི་རྩོམ་ཡིག་རྣམས་ཀྱང་བར་བཅུག་རི་མོ་དང་བཅས་བཀོད་ཡོད་པས།  དགེ་འདུན་ཆོས་འཕེལ་སྐོར་ལ་ཞིབ་འཇུག་དང་སྤྲོ་བ་ཡོད་མཁན་ཚོར་གྱ་ནོམ་པའི་ལེགས་སྐྱེས་ཤིག་ཏུ་སྐྲུན་ནས་ཡོད་པ་རེད།
 

བར་བཅུག་འདྲ་པར།