ཀྲུང་གོ་སྲིད་གཞུང་དྲ་བའི་སྟེང2013ལོའི་ཟླ་དང་པོའི་ཚེས་དྲུག་ཉིན་སྤེལ་བའི་གནས་ཚུལ་ལྟར་ན། རྒྱལ་སྲིད་སྤྱི་ཁྱབ་ཁང་གིས་ཉེ་ལམ«སྐྱེ་དངོས་ཐོན་ལས་འཕེལ་རྒྱས་འཆར་འགོད»ཅེས་པ་བཀྲམས་ཏེ། 2020ལོར་ཐོན་སྐབས། སྐྱེ་དངོས་ཐོན་ལས་གོང་དུ་སྤེལ་རྒྱུ་དེ་རྒྱལ་དམངས་དཔལ་འབྱོར་གྱི་ཐོན་ལས་གཙོ་བོར་བསྒྱུར་བ་སོགས་ཀྱི་དམིགས་ཡུལ་གཏན་ལ་ཕབ།«སྐྱེ་དངོས་ཐོན་འཕེལ་རྒྱས་འཆར་འགོད»ལས་སྐྱེ་དངོས་ཐོན་ལས་ནི་རྒྱལ་ཁབ་ཀྱིས་གཏན་ལ་ཕབ་པའི་འཐབ་ཇུས་རང་བཞིན་གྱི་གསར་དར་ཐོན་ལས་ཤིག་ཡིན་ལ། 2011ལོར་སྤྱིའི་ཐོན་རིན་སྒོར་དུང་ཕྱུར་གཉིས་ཙམ་མངོན་འགྱུར་བྱུང་སྟེ། སྐྱེ་དངོས་སྨན་རྫས་དང་སྐྱེ་དངོས་ཞིང་ལས། སྐྱེ་དངོས་བཟོ་སྐྲུན། སྐྱེ་དངོས་ནུས་ཁུངས་སོགས་ཐོན་ལས་ཀྱི་གཞི་ཁྱོན་ཐོག་མ་གྲུབ། ད་ལྟ། རང་རྒྱལ་ལོ་ལོན་གྱི་མི་གྲངས་ཇེ་མང་དང་། ཟས་རིགས་བདེ་འཇགས་འགན་སྲུང་། ནུས་ཁུངས་དཀོན་པ། སྐྱེ་ཁམས་ཁོར་ཡུག་ཉིན་རེ་བཞིན་ཇེ་སྡུག་ཡིན་པ་སོགས་ཀྱི་འགྲན་རྩོད་ལ་འཕྲད་ཡོད་པས། མི་གྲངས་ཀྱི་བདེ་ཐང་དང་འབྲི་རིགས་བདེ་འཇགས་འགན་སྲུང་དང་། ནུས་ཁུངས་གྲོན་ཆུང་དང་བཙོག་རྫས་ཉུང་འདོན་བྱེད་ན། སྨན་རྫས་གསར་བ་དང་ལོ་ཏོག་གསར་བ། ལྷད་མེད་འདེབས་འཛུགས་ལག་རྩལ། སྐྱེ་དངོས་འབར་རྫས། སྐྱེ་དངོས་གློག་འདོན། སྐྱེ་དངོས་ཁོར་ཡུག་སྲུང་སྐྱོབ་ལག་རྩལ། སྐྱེ་དངོས་གཞི་རྒྱུ་ཐོན་རྫས་སོགས་ཅིས་ཀྱང་གསར་སྤེལ་དང་ཁྱབ་བརྡལ། བཀོལ་སྤྱོད་བཅས་བྱེད་དགོས་ཞེས་ནན་གྱིས་བསྟན།