ལུགས་གསར་ལོ་སར་གྱི་སྔོན་ཏག་ཏག་སྟེ། ཟླ12པའི་ཚེས31ཉིན་རྒྱལ་ཁབ་ཀྱི་ཀྲུའུ་ཞི་ཧུའུ་ཅིན་ཐའོ་ཡིས་ཀྲུང་གོའི་རྒྱལ་སྤྱིའི་རླུང་འཕྲིན་ཁང་དང་ཀྲུང་དབྱང་མི་དམངས་ཀུན་ཁྱབ་རླུང་འཕྲིན་ལས་ཁུངས། ཀྲུང་དབྱང་བརྙན་འཕྲིན་ཁང་བཅས་བརྒྱུད་ནས་ཁ་ཡིག་ལ«ལག་རྡང་སྦྲེལ་ནས་འཛམ་གླིང་ཞི་བདེ་དང་མཉམ་དུ་འཕེལ་རྒྱས་སུ་འགྲོ་བར་ཡར་སྐུལ་བྱེད་དགོས»ཞེས་པའི་ལོ་སར་གྱི་ཤིས་ཚིག་ཕུལ།

    ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། 2012ལོའི་ཟླ12པའི་ཚེས31ཉིན་ཏེ། ལུགས་གསར་ལོ་སར་གྱི་སྔོན་ཏག་ཏག་ལ་རྒྱལ་ཁབ་ཀྱི་ཀྲུའུ་ཞི་ཧུའུ་ཅིན་ཐའོ་ཡིས་ཀྲུང་གོའི་རྒྱལ་སྤྱིའི་རླུང་འཕྲིན་ཁང་དང་ཀྲུང་དབྱང་མི་དམངས་ཀུན་ཁྱབ་རླུང་འཕྲིན་ལས་ཁུངས། ཀྲུང་དབྱང་བརྙན་འཕྲིན་ཁང་བཅས་བརྒྱུད་ནས་ཁ་ཡིག་ལ«ལག་རྡང་སྦྲེལ་ནས་འཛམ་གླིང་ཞི་བདེ་དང་མཉམ་དུ་འཕེལ་རྒྱས་སུ་འགྲོ་བར་ཡར་སྐུལ་བྱེད་དགོས»ཞེས་པའི་ལོ་སར་གྱི་ཤིས་ཚིག་ཕུལ།

    ཤིས་ཚིག་གི་ནང་དུ་བསྟན་དོན།2013ལོའི་ལུགས་གསར་ལོ་སར་ཐོན་ལ་ཡོད་པའི་སྐབས་སུ་ངས་ཀྲུང་གོ་རྒྱལ་སྤྱིའི་རླུང་འཕྲིན་ཁང་དང་ཀྲུང་དབྱང་མི་དམངས་ཀུན་ཁྱབ་རླུང་འཕྲིན་ལས་ཁུངས། ཀྲུང་དབྱང་བརྙན་འཕྲིན་ཁང་བཅས་བརྒྱུད་ནས་རྒྱལ་ཡོངས་ཀྱི་རིགས་སོ་སོའི་མི་དམངས་དང་། ཞང་ཀང་དམིགས་བསལ་སྲིད་འཛིན་ས་ཁུལ་གྱི་སྤུན་ཟླ་དང་ཨོ་མིན་དམིགས་བསལ་སྲིད་འཛིན་ས་ཁུལ་གྱི་སྤུན་ཟླ། ཐེ་ཝན་གྱི་སྤུན་ཟླ་དང་ཕྱིར་སྡོད་རང་མི། དེ་མིན་འཛམ་གླིང་གི་རྒྱལ་ཁབ་སོ་སོ་དང་ས་ཁུལ་སོ་སོའི་གྲོགས་པོ་རྣམས་ལ་ལུགས་གསར་ལོ་སར་གྱི་བཀྲ་ཤིས་སྨོན་འདུན་ཞུ་བར་དགའ་སྤྲོ་ཆེན་པོ་སྐྱེས་བཞིན་ཡོད།

    2012ལོ་ནི་ཀྲུང་གོའི་བཅོས་བསྒྱུར་སྒོ་འབྱེད་དང་དེང་རབས་ཅན་འཛུགས་སྐྲུན་བྱེད་པའི་ཐད་ནས་གྲུབ་འབྲས་མངོན་གསལ་བླངས་པའི་ལོ་ཞིག་ཡིན། ཀྲུང་གོ་མི་དམངས་ཀྱིས་སེམས་ཤུགས་གཅིག་སྒྲིལ་གྱིས་དཀའ་ངལ་སྣ་ཚོགས་ཁྱད་དུ་བསད་པ་དང་། ཀྲུང་གོའི་དཔལ་འབྱོར་སྤྱི་ཚོགས་འཕེལ་རྒྱས་ཐད་བརྟན་འཇགས་ཀྱི་ཁྲོད་དུ་འཕེལ་རྒྱས་སུ་འགྲོ་བའི་རྣམ་པ་བཟང་བོ་མངོན་ཞིང་། ལས་དོན་སྣ་ཚོགས་ལ་ཕྱོགས་ཡོངས་ནས་ཡར་སྐུལ་བྱས་པ་དང་མི་དམངས་མང་ཚོགས་ཀྱི་འཚོ་བར་ལེགས་བཅོས་ཆེན་པོ་ཐོབ། ཀྲུང་གོས་མུ་མཐུད་དུ་ཕྱོགས་ཡོངས་ནས་ཕྱི་ཕྱོགས་འབྲེལ་བ་བཙུགས་ཏེ་རྒྱལ་ཁབ་ཕན་ཚུན་བར་གྱི་མཉམ་ལས་བརྗེ་རེས་ལ་ཤུགས་སྣོན་བྱས་པ་དང་། འབད་བརྩོན་ཆེན་པོས་རྒྱལ་སྤྱི་དང་ས་ཁུལ་གྱི་གནད་དོན་གལ་ཆེན་ཐག་གཅོད་བྱེད་པའི་ཁྲོད་ཞུགས་ནས་འཛམ་གླིང་གི་ཞི་བདེ་དང་འཕེལ་རྒྱས་ཐད་བྱས་རྗེས་གསར་བ་བཞག་ཡོད།

    2012ལོ་ནི་ཀྲུང་གོའི་འཕེལ་རྒྱས་བརྒྱུད་རིམ་ཁྲོད་གཏིང་ཟབ་ཅིང་རྒྱང་རིང་གི་དོན་སྙིང་ལྡན་པའི་ལོ་ཞིག་ཡིན་པ་དང་། ཅུང་མ་འགོར་བར་ཚོགས་པའི་ཀྲུང་གོ་གུང་ཁྲན་ཏང་གི་རྒྱལ་ཡོངས་འཐུས་མིའི་ཚོགས་ཆེན་ཐེངས་བཅོ་བརྒྱད་པ་དང་ཏང་གི་སྐབས་བཅོ་བརྒྱད་པའི་རྒྱལ་ཡོངས་འཐུས་མིའི་ཚོགས་ཆེན་ཐེངས་བཅོ་བརྒྱད་པའི་གྲོས་ཚོགས་ཐེངས་དང་པོའི་སྟེང་། ཕྱོགས་ཡོངས་ནས་འབྱོར་འབྲིང་སྤྱི་ཚོགས་འགྲུབ་པར་བྱེད་པ་དང་བཅོས་བསྒྱུར་སྒོ་འབྱེད་གཏིང་ཟབ་ཏུ་སྤེལ་བའི་རླབས་ཆེན་དམིགས་འབེན་གསལ་བོར་བཀོད་ཡོད་པར་མ་ཟད། ཀྲུང་གོ་གུང་ཁྲན་ཏང་གི་ཀྲུང་དབྱང་མགོ་ཁྲིད་ཚན་ཁག་རྙིང་ཚབ་གསར་བརྗེ་བྱེད་པའི་བྱ་བ་བདེ་བླག་ངང་མངོན་འགྱུར་བྱུང་། ད་ལྟ་ཀྲུང་གོའི་རིགས་སོ་སོའི་མི་དམངས་ཀྱིས་བློ་མཐུན་ཞི་ཅིན་ཕེན་སྤྱི་ཁྱབ་ཧྲུའུ་ཅི་ཡིན་པའི་ཏང་ཀྲུང་དབྱང་གི་མཐའ་སྐོར་དུ་མཐུན་སྒྲིལ་དམ་པོ་བྱས་ནས་བློ་གཅིག་སེམས་གཅིག་དང་ཡར་རྒྱས་བརྩོན་ལེན་བྱས་ཏེ་ཕྱོགས་ཡོངས་ནས་འབྱོར་འབྲིང་སྤྱི་ཚོགས་འགྲུབ་པར་བྱེད་པར་འབད་བརྩོན་ཆེན་པོ་བྱེད་བཞིན་ཡོད།

    2013ལོར། ཀྲུང་གོའི་སྲིད་གཞུང་དང་མི་དམངས་ཀྱིས་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་རླབས་ཆེན་དར་ཆ་མཐོན་པོར་བསྒྲེང་བ་དང་ཚན་རིག་གི་འཕེལ་རྒྱས་ལྟ་བ་བརྗོད་དོན་གཙོ་བོར་འཛིན་པ། དཔལ་འབྱོར་འཕེལ་སྟངས་བསྒྱུར་བ་གཙོ་གནད་དུ་འཛིན་བཟུང་སྟེ། བརྟན་འཇགས་ཀྱི་ཁྲོད་དུ་ཡར་རྒྱས་བརྩོན་ལེན་བྱེད་པའི་བྱ་བའི་རྨང་གཞི་ཁོང་དུ་ཆུད་པར་བྱས་ནས། ཕྱོགས་ཡོངས་ནས་བཅོས་བསྒྱུར་སྒོ་འབྱེད་དང་སྤྱི་ཚོགས་རིང་ལུགས་དེང་རབས་ཅན་འཛུགས་སྐྲུན་བྱེད་པར་ཡར་སྐུལ་བྱས་ནས་ཏང་གི་ཚོགས་ཆེན་བཅོ་བརྒྱད་པའི་སྟེང་གཏན་ལ་ཕབ་པའི་དམིགས་འབེན་ལས་འགན་མངོན་འགྱུར་བྱེད་པར་མགོ་བཟང་བོ་ཞིག་རྩོམ་དགོས། མ་འོངས་པར་ང་ཚོས་བློ་བརྟན་འགྱུར་མེད་སྒོས་རྒྱལ་ཁབ་གཅིག་ལ་ལམ་ལུགས་གཉིས་དང་ཞང་ཀང་བས་ཞང་ཀང་སྐྱོང་བ་དང་ཨོ་མིན་པས་ཨོ་མིན་སྐྱོང་བ་བཅས་ཀྱི་ཚད་མཐོ་བའི་རང་སྐྱོང་བྱེད་ཕྱོགས་ལག་བསྟར་དངོས་འབེབས་བྱེད་པ་དང་། གཏིང་ཟབ་པའི་སྒོ་ནས་བརྗེ་རེས་དང་མཉམ་ལས་བྱས་ནས་ཞང་ཀང་དང་ཨོ་མིན་གྱི་དར་རྒྱས་དང་བརྟན་འཇགས་ཐད་སྐུལ་འདེད་བཏང་སྟེ། ང་ཚོས་མུ་མཐུད་དུ་འགྲམ་གཉིས་ཀྱི་འབྲེལ་བའི་འཕེལ་རྒྱས་ལ་སྐུལ་འདེད་བྱས་ནས། འགྲམ་གཉིས་ཀྱི་སྤུན་ཟླ་ལ་བདེ་སྐྱིད་བསྐྲུན་པ་དང་ཀྲུང་ཧྭ་མི་རིགས་ཀྱི་རྩ་བའི་ཁེ་ཕན་སྲུང་སྐྱོང་བྱེད་དགོས།

    མཇུག་མཐར་ཁོང་གིས་ངས་རྒྱལ་ས་པེ་ཅིན་ནས་གནམ་ལོ་གསར་བའི་ནང་ཚང་མར་བཀྲ་ཤིས་བདེ་ལེགས་ཡོང་བའི་སྨོན་འདུན་ཞུས་པ་ཡིན་ཞེས་གསུངས། །